Lukas 1:78 - ALA WENE HIVIS DIRUP WATUGWA

⁷⁸ Nenasin Ala en hekbininaligadek des erogo nenabwa en okbininaligama, hutun o huvuget daga wandiga andi hak, mbogot vaga eloma en At awiya hak agarik ako, wambu wagya dugwit,

Lukas 1:78 Iomraidhean Croise

Yohanes 3:16

“At Ala en yi avakwa ndi avakwa ovok erogo enabwa ombok erogo imbitigirikmu, At Abut adik ambengga Anat lakbani wagagi. Anderogo atma, it avakwa enendawi novaga vanggabaluk, avyarat numbutuselok, degerogo bisayogonbuk iniluk mondok-mondok-at dogosogom.

Evesus 5:14

Andi, nit yagalagwi menda ambi, yerogo yagalagwi: “Avyak wai. Hit nogo yilagwi ako hiniluk ares. Hiniluk akluk, it avakwa nggorak agarwik ako, enanggelekma en wulu wagu hiniselok, Keretus en awiya okhinivisogon o,” yiluk, anderogo yagalagwi.

Pilipi 1:8

At Keretus Yesus en henabwa imbita dugwit, endawi hunik okhinivisiga ako hak, an ogo hit ninim mondok nendawi hunik atma, “Ai, ninim avuk aklu ale,” henombasiga ako andi, Ala ilup aro.

Pilipi 2:1

Nit Keretus ninim hunik atma, Aren nenendawi aik wakbininggu, At nenabwa imbita dugwit, nenendawi yonggon-ninipu, ogagya hegek, Averiniki ninim hunik dugwit, nitnirat nenendawi enggen vaga nendawi-hendawi hunik ogasagwi.

Kolose 3:12

Anderogo atma, At Ala en henabwa imbita dugwit, At aburi sek adik enek dogovovok yiluk, mikhinipigi atma, yum yikhedelagwi hak, henandogon swi menda okhidugu dugwit, avakwa enabwa umbutwi, henendawi sek vaga okbugwis, henendawi sovalek dugwit nagwis, henane sagain vaga yugurugwi, henovavut luvugerek welagwi, ogagu dogones.

2 Peterus 1:19

Anderogo yagagi halok, o muk it ap navi-navi Ala en wene yugirigya hegek yugurugu lagagwa ako atma des yi wagek adigat ogagya hugu lagagurik, nit nenendawi avyarat ombasagwi ako, mondok wadokdek okbininggya hagagup. Andi halok, ao o hup yanggo yegetek hegek, hali abya lambu yevetbagipikmu awiya ogasiga hak, wene andi henendawima dibaluk, wugu dogones. Anderogo werekma, o yanggo yigiluk, huvuget mudu-mudu daga wagya hegek, dadiwap ambiat abinak herek-damok iri helagwi ako hak, At Keretus henendawima awiya okhinivi warisogon.

1 Yohanes 3:17

Ap ambi yi menda ndi menda werek en, aswe ambi yi menda ndi menda dek il haliga ovara, abwa embetetek, “Nanggon,” yiluk, hekbagya halok, Ala en avakwa enabwa ombasiga ako menda endawima mondok degat agarik.

Wahyu 22:16

Yuknugu lagarik, Yesus en ambi yuknugu dugwit, “Hit An naburi yi awi ndi awi homasagwi ako, hivis ogarup wene yi, vagalogo yukhera warupwak yiluk, nayonggo landiga menda malaikat ambi lakba wagi ako andi, An Yesus en aro. Yo aruknuk dagasiga andi hak, inis unggul Daut vaga wigalek ako, An aro. O yanggo yigiluk ogagya hegek dadiwap amumulip ogasiga ako, An aro,” yiluk, yuknigas.