Lukas 1:74 - ALA WENE HIVIS DIRUP WATUGWA

⁷⁴ It ninim aik mbalek ininggimu en nenagap wendarogo bininiluk, nit nenalon embetetek At eyavup ogarit lagwi,

Lukas 1:74 Iomraidhean Croise

Lukas 1:71

‘It ninim ogorek ininggimu en haurogo nenagap wendatya, it avakwa ovok erogo enanggon ninombarisagwi ininggimu en visilogo bininggu, ogasogon o,’ yugu lagagwa ako At ndatak ogagagi o.

Lukas 1:75

eke, At il hegek, nit weyak ogagetek At ake denek nenendawi sek adigat dugwit, hambup hudi ogarit lagwi, ogagu dogopwak yiluk, Aren ogagagi o.”

Oroma 6:22

Eke, yogak andi, hit weyak avema welagagup ako, Ala en heda visilogo bigigu lagagirik, At ayeloman dogovovok yiluk, okbigigi. Andi okbigigi ako vaga At ake denek sek adigat ogarit lagu dugwit, atok vaga hiniluk mondok dogop menda andok arugup.

Oroma 8:15

Hit Ala Averiniki wagagup andi, ap ambi ayeloman asin avema alon ombasiga hak, hit endak henalon umbutu dugwit ogagu lagagup andi wane-wane wegetek. Ata, nit Ala aburi okbininapwak yiluk, Averiniki wagagup nenendawima dugwit, yuknirigya hegek, “Ala Nasin o. Ala Nasin o,” yiluk, yagalagwi.

2 Timotius 1:7

Andi, At Ala en nenendawi nenalon werek menda wokneregetek. Ata, Averiniki anye okbininggu hegek nenalon dek dugwit ogagu dogop inim, avakwa enendawi hunik oginivup inim, nenendawi werek inim, wokneragagi.

Iberani 2:15

nit avakwa endaklakluk niniluk dugwit, hambisagwi nenalon en nininggis heda marek ovagak welagagup ako visilogo bininagiluk, nit avakwa hambisagwi menda wane-wane-at okhedagagi.

Iberani 9:14

Keretus amuya andi, mondok iya atma, nit nenomaduk horogo bininaup meyan ombasagwi? Dek o. At mondok itok agarik Averiniki en Keretus okbagya hegek, ndomba omap ambidek sek ako ovagak endawi en At eyave-at nit nenake Ala wogogogi. Anderogo atma, yogak nit Ala mondok iluk itok agarik ako, ake ogagu dogoguluk, wene endak enam warogo musek lagu ninigik, nenomaduk dek agetek nenape wenggelagek adigat ogasagwi ako, At amuya vaga degerogo baluk, mondok sek erogo bininaup segat umbutu dogosogom.

Wahyu 2:10

At Sile en hit henavut mbaligiluk, avakwa enendawi nomalhinipu lagagimu, hit nin heda marogo mabiselagwima mabugugwis, eke nogo 10 vaga anggin-mbanggin okbigigasogom ovara, henalon habuk. Anggin-mbanggin anderogo okbugugusigik, hiren ‘Hambilaup sek aro,’ yiluk, An nane mondok vagago dogosogom halok, mondok-mondok hiniluk dogop menda nggudit-nggudit mendarek hak onggo yikbigigayogon o.