Lukas 1:65 - ALA WENE HIVIS DIRUP WATUGWA

⁶⁵ Andi ogagagi vaga it inim agarwik ako enalon wisane agagwa. Eke, it avakwa o Yudea ndom vaga agarwik akoen yi wene ndi wene oklagagi ako mbilinogo yugeregek lagagwa.

Lukas 1:65 Iomraidhean Croise

Matius 2:1

Ap Herodes inis ombok hegek, Yesus o Propinsi Yudea o kota Mbelekem-at endaklagagi. Endaklagagirikmu, it ap enendawi werek dadiwap yenaga wugu lagagwa menda en o mo il daga wandigama akoma en o Yerusalem wagu lagagwarik, avakwa hemerinipu dugwit,

Lukas 1:39

Malaikat ako hekbaluk wunggu lagagimu, hwa Maria ako amwa en lagya lagagirik, Sakaria amwa o kota ambi o Yudea andoma ndom vaga vupuk inggigi.

Lukas 2:18

It ndomba andok en wene mbilinogo yugeragagwa ako, avakwa hunggu lagagwarik, it ovok erogo, “Wi!” yiluk, vok yagagwa.

Lukas 5:26

Ako lagya hegek, it ogagya hagagwa ako vaga Ala inis siyabagu dugwit, “Yogak ninil helagwidek menda higyoma, wi nenalon!” yiluk, vok yagagwa.

Lukas 7:16

Wogugu lagagimu, it avakwa wisane enalon akluk, Ala siyabagu dugwit, “Ap navi Ala en yugugu hegek yugeraliga menda ap ombok ambi nenanggelekma en mendek yagas o,” yugu lagagwarik, “At Ala en At aburi bikninisa waga higyo,” yiluk, yagagwa.

Lakbogogi Wene 19:17

Ogagao yugwi ako, it avakwa o Evesus agarwik Yakuri menda inim, Yunani menda inim, ovok erogo enaruk hobaluk enalon agu lagagwarik, Nenowa Yesus inis siyabagagwa.

Lakbogogi Wene 2:43

It lakbigik menda akoen nggarogo ogarubuk menda ogagwi, inilup arup enalon werek menda ogagwi, ogaguselok, it avakwa ako ovok en, “Wi! Ninigut o,” yiluk, vok yugu lagagwa.

Lakbogogi Wene 5:11

Ala aburi inim, it anderogo aga yugwi hunggugwarikmu ako inim, it ovok erogo, “Wi!” yiluk, enalon wisane oginipigi.

Lakbogogi Wene 5:5

Yugogogi ako Ananias aruk hobaluk, wen vaga nggilinggu dugwit, andenam-at hombagagi. “Hombagas o,” yagagwa ako enaruk hunggugwarikmu it ovok en, “Wi!” yiluk, enalon wisane agagwa.

Wahyu 11:11

Higya lagirik, nil neyagek, tiga setengah hari okbaluk, Ala en elagap agarero ap mberen ako enendawima mabugu lagama, iniluk akluk, mondok yagao. Mondok yugu lagaoma, avakwa inil welagao ako enendawi obak agu dugwit enalon wisane agu sigis.