Lukas 1:6 - ALA WENE HIVIS DIRUP WATUGWA

⁶ Iperen Nenasin Ala en, “Yerogo ogarup, nderogo ogarup,” wene ako adik ogagetek mondok atma nggedok ogagu lagagwarikmu, Ala en it enendawi mondok sek inigu lagagi.

Lukas 1:6 Iomraidhean Croise

Lukas 1:7

Enendawi mondok sek welagagwa ovara, hwa Elisabet ako, wimbu welagagirikmu, eneyak-enabut dek hegek, iperen enanggok agagwa.

Lukas 16:15

Aganda yagu lagagwama, At Yesus en it yugirigya dugwit, “Hiren avakwa sek henombarupwak yiluk, henanggangga hedelagwi ovara, Ala en andi, henendawi ombasagwi ako ilup agarik. Yi menda ndi menda iya ombasagwi andi, At Ala anggon ombasiga,” yiluk, yugeragagi.

Lukas 2:25

O Yerusalem andoma ap ambi inis Simeon welagagi. At ap andi, endawi mondok sek Ala wene dibaluk ogagya lagagi. Ogagya dugwit, it avakwa Iserali menda enagap wendari warup ako at sok higya dugwit, Averiniki at ovaga welagagi.

Lakbogogi Wene 2:25

Yugirigya lagagirik, it Yesus hambisagwima en iluk erogo mendok yagagi avyarat ombarupwak yiluk, Ndawi Wene ambi yugirigya dugwit, “O endak erogo at inis ombok Daut en Yesus hivis ogarup wene iri dugwit: ‘An Nasin Ala mondok-mondok nelosema agarik higi o. Nasin ninim atma, an mondok wadokdek-at agirik o.

Lakbogogi Wene 23:1

At Paulus ako wolok, ilim mendok okbagya lagagimu, it wene amburup mbalisagwi menda ako il vurek dugwit, “Naswei o. An Ala avema dugwit, o muk en yogak yi hudi ogarit lagya dugwit an ogagya lagi ako ambi weyak ogagetek nendawi ugun seyalek-at agirik o.”

Lakbogogi Wene 24:16

Anderogo atma, Ala inim, avakwa inim, inivaga an okbisayogon vaga nendawi ugun seyalek ogagya dogogiluk dibaluk ogasiga.”

Lakbogogi Wene 8:21

Ala endawi sek hombasigadek atma, wene yi menda ambi hat handok arisogon mondok dek aro.

Oroma 8:4

At Ala ogagagi ako andi, nenendawi endak menda en yukneraliga ako, ogasagwidek, ata, Averiniki en yukneraliga “Yerogo ogarup, nderogo ogarup,” wene mondok sek ako nit akoen wane-wane atma des erogo ogagu dogopwak yiluk, At Abut Yesus-at lakba wagagi.

1 Korindus 11:2

Hiren ndugurek ndagarek henendawi novaga wenggelek dugwit, yi wene ndi wene yukhirigya lagagis ako, dibaluk ogarit lendagwi atma, “Hit iya erogoat ogagu hinigis,” yiluk, henombasiga.

2 Korindus 1:12

Nit avakwa wema menda enanggelekma ogarit lagu dugwit, dibaluk ogarit lendagwi, ovara, hit Korindus menda henanggelekma dugwit andi, mondok iya erogo dibaluk ogarit lagu lagagup. Andi, it avakwa wen vaga menda nenendawi werek ombakluk yagan nelagwi hak nit yagan lagatek, eke, sek adigat ogagu dugwit, wene atok hwilagago yukheregetek. Ata, Ala endawi hunik en anye okbininggu hegek, mondok avyarat halok adigat sigam vagalogo yukhirugu lagagup ako adigat wenggelagya halok, “Sek ogagyo atma, wi!” yiluk, nenendawi adenggen wisane agurik.

Kolose 1:22

hit heneyave At Ala aburi ake enek dugwit, At ivaga wene anggin henovaga dek sek adigat dogopwak yiluk, At Keretus ap-at agya lagagirik, nenavoloma hombagagi ako vaga Ala inim dambulogo bininggigirikmu, yogak dambulik-at agurik o.

1 Tesalonika 3:13

Eke, Nenowa Yesus At aburi ake denek menda inim wagu dogomundik, hit weyak ogagetek mondok sek adigat ogagu hiniselok, Nenasin Ala ane anggin ambi henovaga bigigayogonbuk yiluk, henendawi wadokdek okbugugu dogopwak o.

2 Peterus 3:14

Anderogo atma, nowa-nasin nendawi hunik, an wene ambi yukherayogon. At ovok erogo anderogo okbininapwak yiluk abyam agurik atma, avakwa enane ambi henovaga agetek, henendawi sek adigat dugwit Ala hinim henendawi ambiat dambulik werekma hinisa warupwak yiluk, ndugurek-ndagarek henendawi wakit hidugu dogones o.

1 Yohanes 2:29

At Keretus andi, At sek adigat atma nggedok ogasiga hinilup atma, it avakwa sek ogasagwi ako, “It yi At Ala en endaginipigi o,” yiluk, hinilup arusogom.

1 Yohanes 2:3

Ala en, “Yerogo ogarup, nderogo ogarup,” wene yukneragagi ako wane-wane ogasagwi vaga, “It ap yi, avyarat Ala inilup inugup o,” yiluk, yagalagwi.

1 Yohanes 3:7

Naburi nenendawi hunik yi, wai. It avakwa ugun en hit nomalhinivit wagu hinisaoen, dibagu dogwes o. Ap ambi weyak ogagetek sek adigat ogarit lagya halok, At Keretus weyak ogasigadek mondok sek adigat agarik ako, ap andi ogo anderogo agarik.