Lukas 1:47 - ALA WENE HIVIS DIRUP WATUGWA

^47-49 Nagap wendarisiga menda Ala akoen, an At ayeloman sovalek neyagek il neyagagirikmu, At vaga nendawi adenggen wisane haliga o. At Ala Mondok Anye Werek akoen iya erogo okbaninggigirikmu, avakwa ovok erogo yogak yi hudien hivis mondok-mondok ‘Endawi adenggen wisane okbagagi o,’ yiluk, yugu dogosogom. At inis Sek Adik Denek agarik o.

Lukas 1:47 Iomraidhean Croise

Lukas 2:11

Sek wene andi, henagap wendarisiga menda Daut endaklagagirikmu amunerama akoma henake o yogak endaklaga o. At andi, Nenowa Inis Ombok Keretus Ala en denogo bagagi akoat.

1 Timotius 1:1

Nabut Timotius wai. At nenagap wendarisiga menda Ala inim, Nenowa Inis Ombok Yesus Keretus Ala en denogo lakba wagagi nenape wenggelek agurik ako inim, iperenen wene yuknugu lagagwama an Paulus Keretus Yesus lakbigik menda okbanunggugwa akoen, nit Yesus avyarat ombasagwi ako vaga hat an nabut-at agagindikmu, wene ambi yukhisogon o. At Nenasin Ala, Nenowa Inis Ombok Keretus Yesus Iperen habwa en okbagagwi, enaigwak aberen okhitwis, eke, hendawi ugun adenggen wadokdek dogonyok yiluk, okbagagwi, ogagu dogopwak.

1 Timotius 2:3

Anderogo ogagu hiniselok, segat ogasagwi. Eke, nenagap wendarisiga Ala ako endawi sek nenombasiga.

Titus 1:3

“O andi hudi sigam asogon,” imbitigi ako nenagap wendarisiga menda Ala en, “Paulus An nawene yugirigya dogopwak o,” yiluk, yavup ninggimu baninggigi ako avakwa wisane yugirigya vaga, sigam asiga.

Titus 2:10

It avakwa enayeloman ako andi, enasini enangge enonggop wugu dogobuk. It ako andi, yi ogagek ndi ogagek ogagu dugwit sek ogarit lagwi vaga avakwa nin akoen, “Nenagap wendarisiga menda Ala wene wasogom,” ombarupwak yiluk, “Henasini enangge wegetek segerogo dogones,” yiluk, yugirigya dogwen.

Titus 2:13

Yukneraligama, yogak ogagu dugwit, Nenasin Ala Inis Ombok nenagap wendarisiga menda Yesus Keretus, mondok abinak werek dugwit sigam ari warup ako vaga nenendawi vonggabaluk wenggelek werekma, nenadenggen vaga abyam agurik.

Yudas 1:25

Nenasin Ala en Nenowa Inis Ombok Yesus Keretus ogagagi vaga nenagap wendasiga menda ako, At adigat mondok iya, inis ombok, anye wisane, yi menda ndi menda ovok At avema bininaliga atma, o endak inim, o yogak inim, o hivis inim, At inis adigat adup ogagu dogopwak o! Amin.