Lukas 1:42 - ALA WENE HIVIS DIRUP WATUGWA

⁴² at ane ombok vaga iri dugwit, “It akwa nin inigik ovara, Ala adenggen hat hadigat ombok erogo hovaga agarik o. Eke, heyak hendawima agarik ako ogo, Ala en adenggen ovaga bagya dogosogon o.

Lukas 1:42 Iomraidhean Croise

Lukas 1:28

Malaikat akoen Maria adema lagya lagagirik, at yugugu dugwit, “Narup Maria wa! Nenasin Ala habwa imbita dugwit, adenggen ombok erogo hovaga bagagas. At hinimat agarik o!”

Lukas 1:41

Maria wa yugogogi Elisabet en aruk hunggu hegek, isa endawima en avyak ako wadok iri hagagi. Wadok iri halok, Averiniki ako hwa Elisabet endawima hobo yi nunggwigya lagagimu,

Lukas 1:43

An sa nombakluk nadema wagen? Hat an Nowa Inis Ombok isa aro.

Lukas 19:38

Ala inis siyabaik wagu dugwit: “Nenasin Ala inis vaga wandiga yi, inis siyabelagwi o! At mbogot vaga winimen agarik akoen, nenendawi dambubininggas atma, At Ala inis mondok siyabelagwi o,” yiluk, yagan wagagwa.

Oroma 9:5

It enombawi andi, Averakam inim, Isak inim, Yakup inim, atma, it vaga enombao Keretus ako avakwa wane-wane-at endaklagagi. Yi menda ndi menda ovok erogo sovalek hegek At mondok siyalek agarik At eyave Ala atma, “Wa,” yiluk, mondok-mondok At inis siyabagek adigat ogagu dogosogom o. Amin!

Iberani 12:2

Eke, endak nit avyarat umbutu dugwit Ala wene waguluk nenendawi vipuk erogo bininggu, eke, avyarat umbutu niniselok, nenendawi mondok hoda erogo bininggu, ogasiga andi, Yesus atma, At adigat ninil vurek dugwit amusek nagu dogosogom. Avakwa enanggadi erogo yo winik vaga inirisagwi ako, At Yesus en, “An anderogo nanggadi erogo narup nanggon,” imbitigibuk. Ata, “Hivis nadenggen ombok hayogon atma, yogak un sidok anderogo okbanup sek aro,” yiluk, endawi wadokdek dugwit, yo winik vaga hambigya lagagirik, iluk akluk, Ala wene yugeraligama akoma Ala inggis amotkan hora yi inggya lagagirik, agarik.