Lukas 1:35 - ALA WENE HIVIS DIRUP WATUGWA

³⁵ Yugugu lagagimu, malaikat akoen, “Averiniki hovaga wambu wagya hegek, At Mondok Siyalek Adigat Agarik anye okbaga wagya dogomima, havula agya dogomindik, hat heyak endarisogon ako avakwa en, ‘Wi, mondok Sek Adik Denek agarik yi, Ala Abut aro,’ yugu dogosogom.

Lukas 1:35 Iomraidhean Croise

Matius 1:18

At Yesus Keretus endaklagagi ako andi, yerogoat endaklagagi. Isa Maria ap Yusup onggo bago werekma ovara iperen ao dambunggitek hegek, Ala Averiniki en okbagagi vaga hwa ako avula sigam agagi.

Matius 1:20

“Hekbaik a, dek a?” yiluk, endawi ao wenggenggu dugwit nogo yuguma, abi vaga Ala yonggo lakbisa wandiga malaikat menda ambi at adema wagya lagagirik, yugugu dugwit, “Hat Yusup Daut ombao yi wai. Hwa Maria avula aga ako andi, Ala Averiniki vaga avula agarikmu, hanggon imbita dugwit hekbabuk. Hat hogwa andiat hedomano.

Matius 14:33

Anye dek agya lagagimu, it mburis vaga welagagwa akoen Yesus agayuk wutu dugwit, “Hat avyarat Ala Abut heyagyo o,” yiluk, yugogogwa.

Matius 27:54

Eke, at yegen werek enowa inim, it Yesus malogo welagagwa inim, akoen wen wadok iris, eke, yi ogagek ndi ogagek ogagya, ogagagi ako inil hugu lagagwarik, enalon wisane agya lagagimu, “At yi, Ala Abut avyarat higyo,” yiluk, yagagwa.

Matius 4:3

Erom uvup ogagya lagagimu, at avakwa enendawima nomalivisiga menda Sile akoen wagya lagagirik, Yesus adoma yugugu dugwit, “Hat avyarat Ala Abut heyalok, helep yi, erom arupwak yiluk, yuguru!”

Markus 1:1

At Yesus Keretus Ala Abut en o endak ogagagi wene sek menda ako yusogom.

Markus 1:24

naik hunik iri dugwit, “Yesus wai, Hat ap Nasaret menda nggarogo okbininagiluk wagen? Hat dek okbininagiluk wagen a?” yugugu lagagirik, “Ala Abut weyak ogasigadek mondok sek adigat enek menda heyave an nilup,” yugogogi.

Lukas 1:27

Hwa sawe ambi ap hagap vagatitek inis Maria adema lakba lagagi. At Maria ako ap ambi inis Yusup, Daut ombao wigalek menda ogwa onggo bago welagagi.

Lukas 1:34

Yugugu lagagimu, at Maria en malaikat ako yugugu dugwit, “An ap ao nagap vagatitekma, yuknigin andi, nggarogo navula arimi?”

Lukas 1:36

Eke, howa Elisabet ako ovok anggok agagi hegek, at ogo avula aga. ‘Hwa wimbu o,’ yugu lagagwa ako ovara, avula hegek, vage saut 6 agarikmu, yukhisiga.

Yohanes 1:34

Yuknogogi ako, an At nil higya lagirik, ‘Yi Ala Abut aro,’ yiluk, vagalogo yukheraliga o,” yiluk, yugeragagi.

Yohanes 1:49

Yugugu lagagimu, at Nataniel en, “Ngguru wai. Ala abut avakwa Iserali Enowa Inis Ombok Harat heyagi o.”

Yohanes 20:31

Ogagya lagagi mbuku dirup warek yi ako andi, hirenen Yesus andi, Ala en At Abut denogo mondok okbagagi Keretus-at, hit avyarat ombarovovok yiluk, wene yi dirup watis. Eke, avyarat umbutu dugwit, Yesus okbigigaliga vaga hiniluk mondok dogovovok yiluk, wene yi dirup watis o.

Lakbogogi Wene 8:36

Yugirit iperen suvaga lagu dugwit, inamut yanggadekma ari lagu lagagwarik, ap akoen, “Inamut yi hil yokhanen! An ima wombabanup ndak a, dek a?”

Nggalatia 2:20

Eke, yogak an niluk agirik yi, an nanye vaga niluk agirikbuk. Ata, Keretus nendawima mondok iluk agarik. Eke yogak an neyave yi vaga ogarit lagya neyagek, At Ala Abut nabwa imbita lagagirik, nake hombagagi atma, an avyarat imbita dugwit, nendawi At ovaga vanggabaluk, ogarit landiga.

Evesus 2:3

Endak nit ovok erogo enanggelekma dugwit it weyak ogasagwi ako wane-wane ogagu lagagup. Nit nenendawi endak menda en yuknirigya hegek nenendawi ninggya halok musek lagwi, weyak ogarup okninipu halok ogarit lagwi, weyak ogarup adigat nenape wenggelit nagwis, ogagu lagagup. Ogagu lagagup vaga, it nin Ala wene sovalogo baluk, weyak adigat ogagu lagagwa vaga Ala aninis enovaga bugu hegek welagagwa ako wane-wane, nit ogo Ala aninis mondok nenovaga bininaup-at welagagup.

Iberani 4:15

At Nenowa ap Imam Inis Ombok akoen, nit ap wen vaga menda atma, nenovavut weyak ogarup okninipu halok, “Nanggon,” ninimbita dugwit nenake ugun-ugun ogasigadek. Ata, “An hagagis akoat oginivisiga o,” yiluk, endawi sagain vaga nenake ogasiga. Nit nenavut mbaligiluk, anggin-mbanggin nenovaga asiga ako, At ogo anderogoat ovaga agya hegek weyak ogagetek endawi wadokdek dugwit, wogogi ilup atma,