Lukas 1:32 - ALA WENE HIVIS DIRUP WATUGWA

³² At mondok ap ombogat dogosogon. Avakwa en, ‘At Mondok Siyalek Adigat Agarik Abut yi aro,’ yugu dogosogom. At ombao Daut inis ombok dugwit, wene yugirigya lagagi ako, avoloma wene yugirigya dogopwak yiluk Nenasin Ala en mondok okbayogon.

Lukas 1:32 Iomraidhean Croise

Matius 1:1

At Daut Averakam iperen enombao Yesus Keretus ombawi endaklarit wulu wagagwa ininis dirup warek ako yi:

Matius 12:42

“O endak, hwa inis ombok ambi at amwa o adumu selatan vikit en at ap Salomo endawi werek dugwit, wene hulisiga menda ako aruk huligiluk wagagi. Wagagi ovara, at Salomo andi, ap horogat welagagi, eke, At ambi yoma agarik yi andi, mondok ombogat agarik. At hwa ombok akoen ap horogat ane huligiluk wagagi ovara, hit andi, At ombok agarik ako ane hunggitek agipik. Anderogo atma, hivis avakwa enowak dilup hudi vaga at hwa ombok akoen mendek yiluk, hit yogak agipik yi yukhirigya dugwit, ‘An ap horogat Salomo ako ane hunggwigis ovara, hiren ap ombok yi ane hunggitek atma, henanggadi ares,’ yukhirigya hagup,” yiluk, yugeragagi.

Matius 28:18

Enendawi anderogo umbutusim, Yesus ako enadema ari wagya lagagirik, yugirigya dugwit, “Ala en mbogot vaga inim, wen vaga inim, An nandok dogogiluk, awene ovogat yuknogogi atma,

Matius 3:11

“Hit weyak ogasagwi henasam helok, hekbagu hiniselok, an ima wombabigigaliga ovara, At ambi an nambetaga warisogon ako andi, Averiniki inim, hali inim, henovaga bigiga warisogon atma, At ap ombok. Eke an ap maduk atma, anen At aropato wolok laup mondok meyan.

Markus 14:61

Yugugu lagagimu, At Yesus wene onggo ambi yegetek mbup yagagi. Mbup iri lagagimu, at imam-imam enasin akoen “At Mondok Sek Adigat Agarik ako, Abut avakwa enagap wendarupwak yiluk enogo lakba wagagi Mesias ako andi, Harat ai?” yiluk, aigwakma wogogi.

Markus 5:7

“Yesus wai. Hat Ala Mondok Siyalek Adigat Agarik ako Abut yi an nggayok neragiluk wagen?” yiluk, ane ombok vaga naik iri dugwit, “Ala inis vaga an edup-mbedup okbanubuk,” yiluk, yugogogi.

Lukas 1:35

Yugugu lagagimu, malaikat akoen, “Averiniki hovaga wambu wagya hegek, At Mondok Siyalek Adigat Agarik anye okbaga wagya dogomima, havula agya dogomindik, hat heyak endarisogon ako avakwa en, ‘Wi, mondok Sek Adik Denek agarik yi, Ala Abut aro,’ yugu dogosogom.

Lukas 1:76

Iri lagagirik, Sakaria en at abut Yohanes yugugu dugwit, “Hat nabut yi, Nenasin ogarit lagya dogop sup yarit lagya dogonyok yiluk, hendak lagya dugwit, Ala en avakwa enomaduk degerogo bugu vaga, enagap wendarisiga wene ako, inilup arupwak yiluk, yugeregek lami vaga hinis, At Mondok Siyalek Adigat Agarik Ane Yugeraliga menda hat yi aro, yiluk, yukhugu dogosogom.

Lukas 3:16

Yohanes en it ovok yugirigya dugwit, “An un is vaga adigat wombabigigaliga. Eke, At ambi wasogon ako andi, At mondok ombok aro. An maduk atma, At aropato nggolalup mondok meyan. At Averiniki inim, hali inim, henovaga bigiga warisogon.

Lukas 6:35

At Mondok Siyalek Adigat Agarik akoen it ap weyak menda enendawi lakot dambi-dambe erek agarwik ako enabwa ombasiga. Enabwa ombasiga atma, hit ogo, it hinim ogorek agipik ako enabwa umbutu dugwit, sek okbugwis, eke ‘Hivis woknerasogom,’ embetetek dugwit, ugun wogorugwi, ogagu dogones. Ogagu hiniselok, ‘Hit An naburi aro,’ yiluk, onggo mondok iya erogo wokhirigya hagup o.”

Yohanes 12:34

Yugirigya lagagimu, it avakwa akoen At yugugu dugwit, “Ala en, ‘An denogo mondok okbagagis Keretus ako andi, iluk mondok-mondok-at dogosogon o,’ yiluk, yagagi. Yagagi dirup watigi ako, nit nenaruk hunggugup ovara, ‘At Ap-At Endaklagagi hivis wema yoma en siyabasogom,’ yegen andi, nggarogo yiluk yegen? Ap-At Endaklagagi andi, sa?”

Yohanes 6:69

Nit nenendawi hovaga vanggabaluk, avyarat umbutu lagurik, At ap ambi mondok sek adik denek menda Ala en lakba wagagi ako, Harat heyalagwi.”

Lakbogogi Wene 16:17

hwavyak akoen, “At Mondok Siyalek Adigat Agarik Ala ayeloman henagap wendarup wene yukhera wendagwi yi, yogisenes o,” yiluk, hwidyak yagan Paulus ninim nenambetaga wagagi.

Lakbogogi Wene 2:30

At Daut ako andi, Ala en yugugu hegek yugeraliga menda navi atma, Ala en wene hanum mbalogo Daut yugugu dugwit, ‘Daut wai. Hat hombawi ambi wene yugeraligama havoloma dogopwak yiluk Anen mondok okbayogon o,’ yiluk, yugogogi. Yugogogi wene ako ilup dugwit,

Lakbogogi Wene 2:36

“Daut en anderogo yagagi atma, At yo winik vaga hit lobalogo bagagup Yesus ako andi, Ala en hit Henasin Inis Ombok dogopwak yiluk, okbagya, eke, An denogo bagagis Keretus yi aro, yiluk, yukhirigya, ogagagi ako, hit Iserali menda ovogat, ‘Yi avyarat,’ hinilup arovovok yiluk yukheraliga o,” yiluk, yugeragagi.

Lakbogogi Wene 7:48

“Ala awi vanggigi ovara, At Mondok Siyalek Adigat Agarik ako, avakwa enawi valekma agarikbuk. Ala en yugugu hegek at navi en it yugirigya dugwit:

Wahyu 3:7

Yuknugu lagarik, wene ambi yuknugu dugwit, “At malaikat An naburi o Viladelipia homarisagwi malenombogo agarik akoen aburi yugerapwak yiluk, dirup warogo lakbanogen, yukhisogon.” “An huluk yagaligadek avyarat adigat yagaliga Ala ake nadik denek agirik akoen, Daut agunsi ako vagago dugwit, sup hurutu neyalok avakwa en larup meyan, eke, latya neyalok avakwa en hururup meyan, An nadigat vagago agirik yi akoen, it An naburi o Viladelipia menda wene yi yugeraliga: