Lukas 1:20 - ALA WENE HIVIS DIRUP WATUGWA

²⁰ Anen wene yukhigis ako eyave oklagya andi vaga ndatak ogarisogon ovara, hat an yukhigis andi avyarat embetetekma, eyave oklarup atma des yegetek hegek, yogak andi, hane mondok dek agya dogomindik, hane yup meyan agya hayogon o,” yiluk, yugogogi.

Lukas 1:20 Iomraidhean Croise

Markus 16:14

Andi okbaluk, hivis At ane welagwi menda eneyave 11 ako erom nunggusim, neyapwak yiluk, enadema sigam ari wagagi. Sigam ari wagya lagagirik, avyarat embetetek enendawi lakot atma, At iluk akluk mendok yagagi inil helok yugera wagagwa ako, enendawi avyarat embetetek iniselok, enanggadi watigi.

Markus 9:19

Yugugu lagagimu, At Yesus en, “Avyak! Hit avakwa yogak agipik yi henendawi novaga vanggabaluk, avyarat nembetetek weyak adigat ogarup ombasagwi yi, An hit hinim ndugwis maren dogop, eke An ndugwis maren hit hinim nendawi sagain akluk dogop? Avyak andi, wolok omanes, yiluk, yugeragagi.

Lukas 1:19

Yugugu lagagimu, malaikat akoen, “An andi, Nggabiriel aro. An Ala inim agirik atma, Sek Wene yi, wolok, ‘Yugirilak,’ yuknugu lagama, yukhiri wagi o.

Lukas 1:21

Anderogo yugusigik, avakwa weram Sakaria abyam welagagwa akoen yugu dugwit, “Ala awi valekma en wulu wagetek adigat yi, nggarogonggan aga? Wi!” yiluk, yugusim,

Lukas 1:22

Sakaria wulu wagya lagagimu, ane yugeraup meyan hugu lagagwarik, “Ala awi valekma dugwit, nogo heda abi heda higya lagarik, anedek aga ai?” umbutusigik, at ako anedek un inggi wene vaga adigat yugirigya lagagi.

Lukas 1:45

Nasin Ala yukhigas ako atma asogon avyarat embeten vaga, hadenggen wisane hayogon o,” yiluk, yugogogi.

Lukas 1:64

“Inis Yohanes aro,” yiluk, dirup ao watya hegek, asin ako ane hutlagya lagagimu, ane yigiluk ogagya dugwit, Ala inis siyabagagi.

Oroma 3:3

Okbogogi hegek, it ninen wene andi vaga wokbaluk, des erogo ogagetek halok andi, nggarogo embetep? Des erogo ogagetek halok, At Ala en it des erogo okbisaup imbitigi ako, okbisayogonbuk ombasagwi?

2 Timotius 2:13

Nit At yagaliga andi adik ogasagwi ovara hegek, At yagaliga andi ndatak-at ogasiga o. Andi, At itok inggut akluk adik ogarup meyan o,” yiluk, yagalagwi ako andi mondok avyarat.

Titus 1:2

Avyarat wene nit nenendawi Yesus ovaga vanggabaluk, avyarat umbutu niniselok, niniluk mondok-mondok dogosogom o, Ala en yagagi ako, okninivupwak yiluk, nenendawi vonggabaluk wenggelek agurik. Ala huluk yagaligadek avyarat adigat yagaliga akoen, “Iniluk mondok-mondok dogosogom o,” yiluk, o yi ao wakhegetek hegek, hologo bagagi ako, o muk erogo hologo bagagi ovara,

Iberani 6:18

At Ala en wene adem mberen Averakam yugugu dugwit, ambi andi, At avok yugogogi, eke, andien wene ambi, huluk ombaruguven yiluk At inis inim hanum mbalogo yugogogi. At huluk yup meyan atma, wene adem mberen andi degerogo babuk menda-at yugogogi. Anderogo yugogogi vaga, nit Ala avema nunggu wagu lagurik agurik menda nenendawi en “Okbigigayogon,” yagagi nenape wenggelek dugwit, nenendawi wadokdek vagago dogoguluk, nirat yukneragagi.

Wahyu 3:19

It avakwa An nendawi hunik oginivisiga ako andi, enaruk watya, enendawi wenggelupwak yiluk yo yawi inita, ogasigama, enasam helok, enomaduk nggatuk erogo mbobapwak.