Lukas 1:2 - ALA WENE HIVIS DIRUP WATUGWA

² Dirup waruguluk ogagu dugwit, Yesus asinggigi hudien oklagagi inil hugu lagagwarik, Sek Wene yugeregek nagu lagagwa ako, mbilinogo yukneragagwa ako ndatak, it dirup watugwa.

Lukas 1:2 Iomraidhean Croise

Markus 1:1

At Yesus Keretus Ala Abut en o endak ogagagi wene sek menda ako yusogom.

Markus 16:20

Ba inggya lagagimu, it Yesus ane welagwi menda ako yi awi ndi awi Sek Wene yugeregek nagusim, nggarogo ogarubuk menda ogarit nagwis vaga, it avakwa ovok erogo, “Wene yi avyarat o,” ombarupwak yiluk, Nenowa Inis Ombok yonggar-inipu hegek, ogarit nagu lagagwa.]

Markus 4:14

“Wene wakhegek ako adem yerogo: At ap awi lisilisiga menda akoen, awi lisilit lagagi ako hak andi, Ala wene Sek Wene yugeregek nelagwi andi aro.

Lukas 24:48

Ogagya neyagep yi ako, ovok erogo vagalogo yugeregek nagu dogop andi hiratma,

Yohanes 15:27

Hit o endak en ninim welagyo atma, hit ogo, An navok vagalogo yugeregek nagu dogogup o,” yiluk, yugeragagi.

Yohanes 16:4

An wene yi endak yukhirigya lagetek ovara, okbigigaup ako vage horok ari wagya halok, hurupe wene yukhirigi yi, henape wenggenggu dogogup yiluk, yogak yiat yukheraliga o,” yugeragagi. At Yesus ambi inim yugirigya dugwit, “Endak andi, ninim dugwit, wene yi yukhirigya lagetek ovara,

Lakbogogi Wene 1:3

At watu lagagwama, hombagagi ako iluk agya lagagirik, “It naori en An avyarat niluk agi, inilup arupwak,” yiluk, sigam agya, eke, Nenowa Inis Ombok Ala en denogo bagagi ako avema bininaup wene ako yugirigya, ogagya hegek, ndugwis 40 hudi welagagwa.

Lakbogogi Wene 1:8

Hit ako Averiniki henovaga wambu wagya dugwit, At anye okbugugu hegek, o Yerusalem inim, o Yudea ovok erogo inim, o Samaria inim, yi awi ndi awi atok-atokma andoma ovok erogo inim, An ogarit nagu lagagis hinil neyagu lagagup wene ako yugeregek nagu dogop,” yiluk, yugeragagi.

Lakbogogi Wene 14:25

O kota Peraga akoma wene yugurugu lagagwarik, o Atalia wombagagwa.

Lakbogogi Wene 16:6

Eke, at Ala Averiniki en, “O Asia andoma Ala wene yugeregek labuk,” yugirigya lagagimu, Paulus eyaganggom inim lagwi ako, o Virigia en o Nggalatia nagu lagagwarik,

Lakbogogi Wene 17:11

It avakwa Tesalonika menda andi, enendawi lakot ovara, it Berea menda andi, enendawi mondok sekma, Ala wene yugeragagwa ako, enendawi adenggen vaga wugu lagagwarik, “At Paulus en wene yukneraliga yi, avyarat a, dek a,” yiluk, hutun-howam Ala wene dirup warek bikhugu lagagwa.

Lakbogogi Wene 26:16

Hat nayeloman akluk, yogak ogagya neyagen inim, hivis ogarit lagya dogop yukhirisogon ako inim, wene andi menda yugeregek lagya dogop denogo bagagiluk, yukhiri wagi atma, mendek iru.

Lakbogogi Wene 4:20

Nenaruk hunggwis, ninil hugwi, ogagagup wene ako, yugeregetek mbup yup meyan okninivisiga atma, yugurugu dogosogon o.”

Lakbogogi Wene 8:4

It Ala aburi hoda sak yagan lagagwa akoen, yi awi ndi awi andoma Sek Wene yugeregek nagu lagagwa.

1 Korindus 4:1

Anderogo atma, “Ala agose mbauk hwilago menda it avakwa yugerapwak yiluk andok okbogogi atma, it At Keretus ayelomani-at inigup o,” yiluk, ninumbutu dogones.

Iberani 2:3

nit nenagap wendarup wene mondok eve iya imbitigi ako, ninunggut okbaluk agurik halok, nit hekbininayogon ombasagwi? Mondok dek. Wene andi, endak Nenowa Inis Ombok enat vagalogo yugirigya lagagimu, it hunggugwa akoen enendawi yunggur-wanot yegetek, enane mondok avyarat yukneragagwa.

1 Peterus 5:1

Nowa-nasin o. Hit Ala aburi enanggelekma dugwit vagenombogo agipik hak, an ogo Ala aburi vagenombogo agirik en wene ambi yukherayogon. At Keretus anggin-mbanggin ovaga bagu lagagwa ako, an nil hagagis atma, hivis At eyave siyalek dugwit sigam ari warup amor agyaim, “An ogo siyabanisogon,” imbita dugwit, “Wene eyave yukheraup,” ombasiga ambi des erogo hunggu dogovovok yiluk, yukherayogon o.

2 Peterus 1:16

Nit Nenowa Inis Ombok Yesus Keretus, anye werek warup wene yukheragagup ako andi, wene mupilin it avakwa en enendawi wenggelogo yugu dugwit, enane agil-amok yagalagwi menda ako vaga nenendawi vanggabaluk yukhirugu lagetek. Ata, At Yesus Keretus mondok siyalek abinak werek ninil enggen mudis en hugu lagagurik, yukheragagup.