Lukas 1:17 - ALA WENE HIVIS DIRUP WATUGWA

¹⁷ Ap Elia Ala Averiniki ovaga agya lagagirik, anye vaga ogagya lagagi ako hak, Yohanes ovaga agya dogomindik, anderogoat ogagya dogosogon. Nenowa Inis Ombok warigiluk ogagya hegek, at endak okbigik lagya dugwit, enasini enendawi enaburi inim dambubugu, it avakwa enendawi lakot agarwik ako, it ap enendawi werek dugwit, Ala Wene dibaluk sek adigat ogasagwi ako it ndatak ogagu dogopwak yiluk, okbugu, eke, Nenowa warup ako avakwa enendawi dikduk erek dogopwak yiluk, At ake vipuk erogo bugu, ogarit lagya dogosogon o,” yiluk, yugogogi.

Lukas 1:17 Iomraidhean Croise

Matius 11:14

henendawima des erogo waup ombasagwi halok, at Elia warisogon, yiluk, yagagwa ako, eyave Yohanes-at wagagi.

Matius 3:3

At yugirigya lagagi ako, at navi Yesaya Ala yugugu hegek yugirigya dugwit, “Ap ambi o harumu avakwa dekma yanggup iri dugwit: ‘Nenasin Inis Ombok warup sup sek erogo yagwi, eke, At lagya dogop sup amor erogo yagwi, ogagu dogones o,’ yiluk, yagan wagya hagup o,” yiluk, yugeragagi ako andi, at Yohanes-at wagagi.

Matius 3:4

At Yohanes ako, asum andi, wam unta iris vaga monggadogo yikhidigya, eke, ambolanis agamut vaga yikhidigya, ogagagi. Eke at agarom andi, idam inim, somok amburup inim, ninggya lagagi.

Lukas 1:16

Arenen avakwa Iserali menda wisane eneyami vaga suguliluk Enasin Ala avema warupwak yiluk, okbugu dogosogon.

Lukas 1:76

Iri lagagirik, Sakaria en at abut Yohanes yugugu dugwit, “Hat nabut yi, Nenasin ogarit lagya dogop sup yarit lagya dogonyok yiluk, hendak lagya dugwit, Ala en avakwa enomaduk degerogo bugu vaga, enagap wendarisiga wene ako, inilup arupwak yiluk, yugeregek lami vaga hinis, At Mondok Siyalek Adigat Agarik Ane Yugeraliga menda hat yi aro, yiluk, yukhugu dogosogom.

Yohanes 1:13

It avakwa Ala aburi okbigigi ako, avakwa enaburi endaginivisagwi hak endaginipitek. Eke, avakwa wen vaga menda en, “An nabut endarisogon,” umbutu dugwit, endaginivisagwi hak endaginipitek. Ata, Ala enat endaginipigi.

Yohanes 1:34

Yuknogogi ako, an At nil higya lagirik, ‘Yi Ala Abut aro,’ yiluk, vagalogo yukheraliga o,” yiluk, yugeragagi.

Yohanes 3:28

Avakwa enagap wendarupwak yiluk Ala en denogo mondok okbagagi ako andi, an dek o. ‘At eyave hivis warup yiluk, an endak yonggo lakbani wagagi o,’ yiluk, vagalogo yukheragagis ako, hirat henaruk hunggu lagagup.

Lakbogogi Wene 10:33

yuknugu lagama, mbikit yonggo lakbiselagirikmu hat nadema neya wagen atma, naswe wa. Neya wagen atma, yogak Hasin Ala en, ‘Anderogo yugerano’ yukhigas ako ovok erogo yukneranok yiluk, Ala ivaga homagyo,” yiluk, yugogogi.

Oroma 9:23

Eke, nenabwa en hekbininggu dugwit, ninim siyalek dogop yiluk denogo bininggigi ako At mondok sek siyalek dugwit, wisane erogo sek okbininggik adigat ogasiga ninilup arugen yiluk, endawi mondok dibaluk okbininggu dogop wenggelisiga halok andi ogo, Arenenat.

2 Timotius 2:21

Anderogoat agarik atma, ap ambi sogolowak horek mondok sek agarik ndatak, at omaduk mbobagya halok, at asin ake yi menda ndi menda sek iya adigat ogagya dogopwak yiluk, mondok denek agarik.

1 Peterus 2:9

hit andi, o hwiserekma welagagup ako hekbaluk, At Ala en At o awiya eve mondok iya-at agarikmu akoma dogovovok yiluk, henayonggo bigigu lagagirik, At mondok sek ogasiga menda sigam erogo yugurugu dogovovok yiluk, enogo bigigi. Aren “Hit An menda aro,” yiluk, enogo bigigu, imam-imam ovagak dugwit, At Nenasin Inis Ombok ake ogagu dogovovok yiluk mendek okbigigu, “Hit An naburi nake sek adik enek dogogup o,” yiluk, enogo bigigu, eke, hit hininis unggul At inis unggul menda salogo bigigu, ogagagi.

1 Yohanes 2:28

Anderogo atma, naburi. Hivis At warup ako hudi vaga nit nenanggadidek nenendawi seyalek dogoguluk, yogak en hit Yesus inim mondok hunigat okhidugu dogones.

Wahyu 20:4

Sup hunsi larogo bagya lagama, wene yugerelagwima kursi sek ndalek higya lagirik, it andi vaga horaik agarwik ako avakwa enowak dinggu dogopwak yiluk, andok okbugu higi. Anderogo higya lagirik, it Ala wene musek lagu dugwit, Yesus wene vagalogo yugeragagi ako avyarat ombakluk, yugeregek lagusigik, enunggul mbalogo bogogwa menda enanggela ako inigis. It andien, “At yangge endak daga wagagi eyave inim, agut wakhegek huvuwak ogarek ako inim, it ininis nit siyabagek ogarusogombuk. Eke, yangge inis ako andi, nit nenembet vaga inim, nininggis vaga inim, andi ogo, ovok erogo dirup warogo baup dek o,” yiluk, yuguselok, enunggul mbalogo bogogwa menda enanggela ako iniluk akluk Keretus inim ininis ombok dugwit, avakwa wene yugurugusigik, 1.000 tahun-at agya higi.