Lukas 1:1 - ALA WENE HIVIS DIRUP WATUGWA

¹ Nenasin Teovilus wai. It ap wisane en yi wene ndi wene nit nenanggelekma oklagagi ako mbilinogo dirup waruguluk ogagagwa.

Lukas 1:1 Iomraidhean Croise

Markus 16:20

Ba inggya lagagimu, it Yesus ane welagwi menda ako yi awi ndi awi Sek Wene yugeregek nagusim, nggarogo ogarubuk menda ogarit nagwis vaga, it avakwa ovok erogo, “Wene yi avyarat o,” ombarupwak yiluk, Nenowa Inis Ombok yonggar-inipu hegek, ogarit nagu lagagwa.]

Yohanes 20:31

Ogagya lagagi mbuku dirup warek yi ako andi, hirenen Yesus andi, Ala en At Abut denogo mondok okbagagi Keretus-at, hit avyarat ombarovovok yiluk, wene yi dirup watis. Eke, avyarat umbutu dugwit, Yesus okbigigaliga vaga hiniluk mondok dogovovok yiluk, wene yi dirup watis o.

Oroma 14:5

It ninen, “Ndugwis yi vaga ogarup sek, ndugwis andi vaga ogarup moga,” yiluk, yugwi, eke, it ninen, “O ndugurek-ndagarek ugun ogagu dogop sek,” yiluk, yugwi, ogasagwi atma, hit henadik henendawi en, “An yiat ogagya dogosogon,” yiluk, des erogo wenggebaluk, ogagu dogones.

Oroma 4:21

“At Ala anye wisane atma, yuknigas ako andi avyarat ogarisogon,” imbita dugwit, wene andi vaga endawi mondok vanggabaluk welagagi andi vaga,

Kolose 2:2

Hit henendawi aik warek dugwit, henendawi ambiat akluk, nendawi-hendawi hunik okhidugu dogovovok yiluk, an henake ogasiga. Hit anderogo dugwit, “Wene andi avyarat,” yiluk, dibaluk, henendawi yunggup yegetek ambiat dugwit, Ala wene mbauk hwilago welagagi ako des erogo hinilup arusogom. Eke wene andi, Keretus aro.

Kolose 4:12

Eke, at henaswe Epaveras inim hai wakbigigas. At Keretus Yesus ayeloman atma, hit henake samban ogagya dugwit, hit avyarat umbutugup ako mondok wadokdek vagago dugwit, henendawi hoda arovovok yiluk, samban ogasiga. Eke hiren, “Ala en nit ogarup ninimbitigi ako yi aro,” yiluk, avyarat umbutu dugwit, ogarit lagu hinisapwak yiluk, abwa edok erek dugwit henake samban ogasiga.

1 Timotius 3:16

Ala wene wokbaluk nenendawi eve vaga ogarit lagu dogop wene mbauk hwilago welagagi ako mondok iya aro. Andi, “At ap-at ari wagya lagagimu, ‘Yi Ala abut,’ ombarupwak yiluk, Averiniki en sigam okbagagi. Sigam okbagya lagagimu, it malaikat en At eyave inil hugwi, At awene it weram Yakuri dek menda werekma yugeregek lagwi, It ap yi awi ndi awi ‘Yesus Ala abut avyarat ai,’ umbutwi, ogagu lagagwama, o segedokma abinak adigat agarikmu wolok inggigi o,” yiluk, yagalagwi menda ako mondok avyarat higyo.

Iberani 10:22

At eyave andoma agarik atma, “Nit weyak ogagyo,” yiluk, nenendawi anggin dugwit nenape wenggelisagwi menda degerogo hotbininggu, nit neneyave is eve mudi-mudis vaga nggomo watbininggu, ogagagi atma, nenendawi yunggup yegetek avyarat umbutu dugwit, nenendawi mondok enggen vaga At adema horok ari nunggusogom.

Iberani 6:11

O hivis vaga ogarup nenape wenggelek agurik ako, “Avyarat woknerayogon o,” yiluk, wene andi vaga henape wenggelek dugwit, henendawi mondok adenggen wisane erogo henadigetap atok weralogo musek lagu dogop, “Ai,” adigat hinumbutu dugwit, yukherelagwi.