2 Peterus 3:2 - ALA WENE HIVIS DIRUP WATUGWA

² It navi adik enek menda o muk Ala en At ane yugirigya hegek yugurugu lagagwa wene ako henape wenggenggwis, eke, nenagap wendasiga Nenowa Inis Ombok en, “Yerogo ogagu dogopwak o,” yiluk, it ap lakbigik menda yugirigya lagagimu, yukhirugu lagagwa wene ako inim henape wenggenggwis, wene mberen andi henape wenggenggu dogovovok yiluk, dirup yi warogo wokheraliga.

2 Peterus 3:2 Iomraidhean Croise

Lukas 1:70

At ogagagi ako, o endak erogo it ap navi-navi At ake denek menda yugirigya hegek, avakwa yugurugu dugwit:

Lukas 24:27

At Ala en denogo mondok okbagagi ako wagya halok, “Anderogo ogasogon,” yiluk, Musa wene dirup watigi ako hudien it ap navi-navi Ala en yugirigya hegek yugurugu lagagwa dirup watugwa ako ovok erogo mbilinogo yugeragagi.

Lukas 24:44

Ninggya lagagirik, yugirigya dugwit, “Ninim dugwit, An ogarup wene ako Ala wene Musa en dirup watigi ako inim, it ap Ala en yugirigya hegek yugurugu lagagwa navi-navi dirup watugwa inim, mbuku Ndawi Wene dirup warek inim, ovok erogo atma des yisogon o, yiluk, yukhirigya lagi ako yiat okbenanggao o,” yiluk, yugeragagi.

Lakbogogi Wene 10:43

It ap navi-navi Ala en yugirigya hegek yugu lagagwa ako ovok erogo At avok adigat des erogo yugurugu dugwit, ‘Henendawi At ovaga vanggabaluk avyarat umbutu hiniselok, At Yesus anye vaga henomaduk degerogo bigigayogon o,’ yiluk, yugurugu lagagwa,” yiluk, yugeragagi.

Lakbogogi Wene 28:23

Eke, “O andi vaga ambi inim yuknerapwak,” yiluk, yagagwa ako amor ari wagya lagagimu, Paulus werekma eneyave wisane homari wagu lagagwama, Paulus ako o hutun en Nenowa Inis Ombok Ala en denogo bagagi avema dogop wene ako sigam erogo yugirigya, eke, Yesus wene ako des erogo inilup arupwak yiluk, Ala wene Musa dirup watigi wene inim, navi-navi wene inim, mbilinogo yugirigya, wisane ogagya hegek, o hup agagi.

Lakbogogi Wene 3:18

O muk Ala en iri dugwit, ‘An Henowa Inis Ombok denogo bagagis Keretus ako, edup-mbedup erogo yagan warisogon o,’ yiluk, yagagi ako, atma agetek hegek it ap navi-navi Ala yugirigya hegek yugu lagagwa ako, hit ogagagup ako vaga atma des yagagi.

Lakbogogi Wene 3:21

“O muk erogo At Ala en, ‘Anderogo ogarisogon o,’ yiluk, it navi-navi At ane yugurugu lagagwa menda mondok adik denek yugu lagagwa ako, atma des yupwak yiluk, At Ala en wen-mbogot, yi menda ndi menda, ovok erogo adik swi menda ogarup ao helan, At Yesus mbogot vaga andoma dogosogon.

Nggalatia 6:2

Anggin ombok ambi henovaga agya halok, yonggat-yonggat ogagu dogones. Andi ogasagwi vaga Keretus en yukneragagi wene ako ndatak-at ogagu dogosogom.

Evesus 2:20

O valuguluk, o owak modo menda endak ngguvulisagwi hak andi, Keretus Yesus eyave-at. Eke, o eyave valit unggu dugwit, helep owak wenamen belagwi hak andi, it lakbigik menda inim, it ap Ala ane yugirigya hegek yugurugu lagagwa menda navi-navi ako irat. Eke o winimen eyave valek hak andi, nit avyarat ombasagwi Ala aburi nit neneyave-at agurik.

Evesus 3:5

Wene andi, it avakwa enendak endaklarit wulu wagu lagagwa ako, vagalogo yugeregetek-at welagagi ovara, yogak andi, Ala en At Averiniki lakba wagagi ako vaga en it ap Ala ake denek lakbigik ako menda inim, it avakwa Ala en yugirigya hegek yagalagwi navi-navi denek menda inim, ovok inilup okbogogi.

2 Peterus 2:21

It avakwa weyak ogasagwi akoen avyarat wene wokbaluk, sek ogarit laup ako, inunggut dugwit, weyak ogarit nagu duklipmu en andi, ambukum segat duklip ovara, “Yerogo ogarup nderogo ogarup,” wene adik enek yugeragagi ako inilup dugwit, eneyami vaga weyak ogarit lendagwi halok andi, mondok weyak adigat arusogom.

2 Peterus 3:15

Anderogo ogagu dugwit, henendawi en, “Nenowa hodorogo wagetek halok andi, nit ovok erogo nenagap wendarupwak yiluk nenabyam agarik atma, nanonggal aga o,” yiluk, umbutu dogones. Wene andi, at nenaswe nenendawi hunik Paulus ako, Ala en at endawi anggat erogo okbagya hegek, endawi werek dugwit dirup watigi ako wane-wane aro.

2 Peterus 3:16

At Paulus akoen, at yi wene ndi wene ovok erogo dirup watya dugwit, wene andi menda adigat yagaliga. At wene dirup wasiga ako andi, nin dibaup anggin agarik. Eke, it avakwa nin enendawi mberen en, wene andi inunggut dugwit, wene Ala en yugugu lagagimu Paulus en dirup watigi ako inim, Ala wene it ninen dirup watugwa ako inim, irenen avut dagalogo yugeralagwi. Ala wene avut dagalogo yugeralagwi atma, irenat eneyave degerogo betelagwi.

1 Yohanes 4:6

Eke, nit andi, Ala aburi atma, nit nenane yagalagwi ako, it avyarat Ala inilup menda akoen enadigat enaruk hulisagwi. Eke, Ala aburi dek halok andi, nit nenane yagalagwi ako hulisagwidek aro. Nit nenane hulisagwi a, ata hulisagwidek a, andi vaga niren, “Ala Averiniki avyarat adigat yagaliga ako it enendawima agarik a, ata, madis ane huluk yagaliga ako enendawima agarik a,” yiluk, ninilup asagwi.

Yudas 1:17

Anderogo ovara, naswei o. Hit an nendawi hunik agipik atma, wene ambi yukherayogon. It ap Nenowa Inis Ombok Yesus Keretus en lakbigik menda mendok okbogogi akoen wene endak yukhirugu lagagwa ako henape wenggenggu dogones.

Wahyu 19:10

Yuknugu lagama, an Yohanes en malaikat ako avema seve yiluk, inis siyabagiluk ogagyaim, aren yuknugu dugwit, “Moga! An siyabanubuk! An inim, hat inim, hat haswei wene Yesus en yugirigya lagagi ako vagago agarwik inim, nit ovok ndatak Ala ayelomani agurik. Ala Averiniki en nenendawima yuknirigya hegek yugurugu dugwit, wene Yesus en yagagi ako yugeralagwi. Anderogo atma, Ala avema seve yiluk, At adigat inis siyabagya dogwen,” yiluk, yuknugu higi.