2 Peterus 2:9 - ALA WENE HIVIS DIRUP WATUGWA

⁹ Ala en anderogoat oginipu lagagi atma, nit At aburi At endawi ombasiga wane-wane ogasagwi ako anggin menda nenovaga agya halok, nenagap wendatya, eke, it sek ogasagwidek weyak ogasagwi ogo hivis atok vaga enowak dilogo bisiluk, weyak enovaga horakbugu, ogarup ako At Nenasin ilup atma, “Ogarisogon aro,” umbutu dogosogom.

2 Peterus 2:9 Iomraidhean Croise

Matius 10:15

Hivis enowak dilup ako vaga it avakwa o Sodom inim, Nggomora inim, welagagwa ako horogat inirisogon ovara, it ap o kota andoma menda andi, eve iya erogo inirisogon, yiluk, avyarat yukheraliga o,” yugeragagi.

Matius 6:13

Eke, weyak ogarupwak en yiluk, nenavut mbanggya haoen, hekbininabuk, ninim dogwen o, eke, at mondok weyak menda akoen weyak okninipu haoen nenagap wendaru o,’ yiluk, yugugu dogones.”

Oroma 2:5

Ala endawi anderogo ombasiga ovara, henendawi anye dugwit henasam haup henanggon ombasagwi halok, Ala en nenowak dilogo nit ogasagwi ndatak anggin nenovaga bininggu hagup o hivis andi vaga anggin evenuk ombok erogo okbigigapwak yiluk, okhedegek adigat lagu hinisaliga.

1 Korindus 10:13

Hit henendawi weyak ogaruguluk okhinivisiga ako andi, adik menda vaga dek o. Ata, yi avakwa ndi avakwa enendawi weyak ogaruguluk oginivisiga ako menda vaga adigat hit henendawi weyak ogaruguluk okhinipu hagup. Anderogo ovara, nit okninivisiga ako, At Ala en mondok atma nggedok des erogoat okbininaliga atma, henendawi weyak ogaruguluk okhinipu hegek, henanyedek agya dugwit, weyak ogagu hinisaoen, Ala en sup abi amorerogo okbigigayogon o.

2 Timotius 3:12

Yi avakwa ndi avakwa Keretus Yesus inim hunik dugwit, Ala wene wokbaluk ogarit lagu dogosogom umbutuselok, edup-mbedup erogo bigik nagu dogosogom.

Titus 2:14

Nit yi weyak ndi weyak ogasagwi ako ogagu dogoguven yiluk, At Yesus ako nit avyarat ombasagwi menda nenonggo mbalogo heda visibininagiluk, At eyave wogeragagi. Eke, “An naburi nake denek dugwit, sek ogarup enendawi sek vaga ogarit lagu dogopwak,” ombakluk, nenomaduk horogo bininigiluk, nit nenake At eyave wogeragagi.

2 Peterus 2:4

It malaikat ako menda en weyak ogagu lagagwama, Ala enabwa en hekbogogi embetep? Dek o. “Hivis enowak dilogo bisayogon o,” yiluk, hali abyama nggilin elola akeragamu dogopwak yiluk, mbusi heda magogo o hwiserekma wombabogogirikmu agarwik akora?

2 Peterus 3:7

Eke, yogak mbogot wen ninil helagwi yi ako andi, hivis it avakwa Ala enanggon umbutu dugwit, weyak ogasagwi ako enowak dibaluk, eneyave degerogo bisaup ari wasogon ako vaga, o yi, hali bagiluk, At ane vaga vagago agarik.

Yudas 1:6

Eke, At Ala en it malaikat nin, “Yerogo ogagu dogones o,” yiluk, o andok okbogogi hegek, “O yi adigat andok dogop nenanggon,” yiluk, hekbagagwa. Hekbagu lagagwama, At Ala en, “Eve iya menda ogarugwis ako vaga enowak dilogo weyak ogasagwi onggo enovaga bisagwis,” yiluk, eneyave mondok-mondok mbusi heda vaga magago o hwiserekma mabogogi agarwik ako, henape wenggenggu dogones.

Wahyu 3:10

Eke, ‘Hit henendawi wadokdek horaik dugwit ogagu dogones,’ yiluk, yukheragagis ako, hobaluk des erogoat ogasagwi atma, hivis yi avakwa ndi avakwa wen vaga agarwik ovok erogo enavut mbaligen yiluk, anggin-mbanggin enovaga bisa warup ako vaga, hit An naburi andi, henovaga arugwi en yiluk, Anen hinim dogosogon.