2 Peterus 2:6 - ALA WENE HIVIS DIRUP WATUGWA

⁶ Eke, At Ala en, “It avakwa o Sodom-Nggomora menda ogo weyak adigat ogasagwi yi, nanggon o,” yiluk, hali wombaba wagya dugwit, ovok degerogo bogogi ako andi, it ap hivis Ala enanggon umbutu dugwit, weyak ogasagwi ako, iren, “Nit anderogoat ninirisogon ai,” umbutu dogopwak yiluk, ogagagi akora?

2 Peterus 2:6 Iomraidhean Croise

Matius 10:15

Hivis enowak dilup ako vaga it avakwa o Sodom inim, Nggomora inim, welagagwa ako horogat inirisogon ovara, it ap o kota andoma menda andi, eve iya erogo inirisogon, yiluk, avyarat yukheraliga o,” yugeragagi.

Matius 11:23

“Eke, hit avakwa Kapernaum menda yi, ‘Nit ap ombok atma, mbogot vaga siyabininayogon,’ yiluk, yagalagwi yi? Mondok dek. Nggarogo ogarubuk menda hit henamwa ogagya hegep ako, o Sodom andoma ogagya duklipmu en, o kota ako dek okbagetek, o yogak ogo aoat duklip ovara, ogagya inil hegetek atma, enasam hegetek halok, Ala en degerogo bogogi ako wane-wane, hit ogo degerogo bigigayogonbuk yiluk yagalagwi? Dek o. It hambuluk lendagwima o yagamu erogo mbo wombabigigayogon, umbutu dogones.

Oroma 9:29

At Yesaya en endak ambi iri dugwit: “At Anye Adigat Agarik Nasin Ala en nit vaga wigalek nin wibininaup ombaklipuk en, o Sodom inim, o Nggomora inim, initigi hak, nit ogo anderogo okbininelap o,” yiluk, yagagi ako andi, nirat yiluk, yagagi helagwi.

1 Korindus 10:11

It ogagagwa ako andi, wakhegek nit ninilup arupwak yiluk, ogagagwa. Eke, o hivis arugwi hudi horok ari wagya hegek, nit yogak agurik yi, nenendawi dibetagwen yiluk, wene yi, dirup warogo wokneragagi.

Iberani 4:11

Anderogo atma, it Iserali menda endak Ala wene weyak erogo hekbagu lagagwama, sat yanggal hedelagwima nonggegetek ako hak, nit nin wane-wane nunggup dek agya haoen, nungguguluk, nenanye erogo walokhugu dogosogom.

Yudas 1:15

Wambu wagu dogomundik, Ala en it avakwa ovok erogo enowak dinggu dugwit, it avakwa Ala eve enanggon ombasagwi menda, yi weyak ndi weyak ogasagwi ako anggin enovaga bugu, it Ala enanggon ombasagwi menda en weyak ogagu dugwit enane wiyiknom-weyaknom erogo belagwi ako, anggin enovaga bugu, okbisayogon o,” yiluk, yagagi.

Yudas 1:7

Eke, it malaikat okbogogi ako ndatak, it avakwa o Sodom inim, o Nggomora inim, yi kota ndi kota avilis-ambot welagagwa ako inim, avakwa ugun oginivit lagwi, enendawi weyak ogarup oginipu halok ogasagwidek menda hegek ugun-ugun oginivit lagwi, ogagu lagagwama, “It avakwa weyak ogaguselok, Ala en hali abya nagaup yagaligadekma mondok-mondok lakbisayogon-at helagwi,” yiluk, ninilup arupwak yiluk, hali vaga initigi.