2 Peterus 2:4 - ALA WENE HIVIS DIRUP WATUGWA

⁴ It malaikat ako menda en weyak ogagu lagagwama, Ala enabwa en hekbogogi embetep? Dek o. “Hivis enowak dilogo bisayogon o,” yiluk, hali abyama nggilin elola akeragamu dogopwak yiluk, mbusi heda magogo o hwiserekma wombabogogirikmu agarwik akora?

2 Peterus 2:4 Iomraidhean Croise

Matius 25:41

“Yugirigya dogogurik, andi okbaluk, it ninggis hwarenggan bisayogon ako yugirigya dugwit, ‘Hit Ala en vudilogo bigigas yi, An erom uvup werekma, erom woknigitek, is uvup werekma, is woknigitek, ap huru werekma, woknetetek, nasum yirik dek werekma, nasum yikbanenggetek, aup warek, heda mago werekma, bikneya lagatek, anderogo okbanunggu lagagupuk atma, yoma en wunggu dogomundik, at Sile aori ovok erogo inim, hali abya wuluk-herek adigat yagaligama andoma An Nasin en it dogopim ogarogo bogogirikmu akoma-at elales,’ yiluk, yugeragwis.”

Matius 8:29

Ap mberen ako Yesus wagya hugu lagagwarik, enane ombok vaga At yugugu dugwit, “Ala Abut wai. Hat nggayok bininagiluk nenadoma wandiga? Nit nenarup andi ao hegek, Hat nit nenendak nenarigiluk wandiga ai?” yugogogwa.

Markus 5:7

“Yesus wai. Hat Ala Mondok Siyalek Adigat Agarik ako Abut yi an nggayok neragiluk wagen?” yiluk, ane ombok vaga naik iri dugwit, “Ala inis vaga an edup-mbedup okbanubuk,” yiluk, yugogogi.

Lukas 10:18

Yugugu lagagwama, At Yesus en, “Hit madis avakwa enendawima en nggigilogo wibugu hinigik, Anen at Sile o digavok ogasiga ako ovagak mbogot vaga en anyedek agya dugwit wambu wagya higi.

Lukas 8:31

yiluk, “Ap yi, endawima en wunggu niniselok, nggilin elola wombabininabuk,” enane ngges erogo yugogogwa.

Yohanes 8:44

Hit yi, henasin at Sile atma, at ogarup ombasiga menda ako adigat, ogarusogom, ombasagwi. At o endak en ogarit wagya hegek, yogak yi hudi avakwa inirisiga menda-at agarik. Avyarat wene Ala avok ako at endawima agarikbuk atma, Ala yagaliga ako at mondok ogagetek-at agarik. At itok huluk molalogo yagaliga menda aratma, huluk wene yagalagwi menda enasin arat dugwit, at endawi en wene ugun-ugun wenggebaluk, huluk molalit landiga menda arat.

Oroma 11:21

Abwak endak winggigi ako, Ala enabwa dek dugwit vendarogo lakbogogi wane-wane, hit ogo vendarogo lakbigigayogonbuk atma yiluk yagalagwi?

Oroma 8:32

At Ala Abut ambiat ovara, idi yegetek nit ovok nenake warupwak yiluk, wombaba wagagi akoen Abut wokneragagi ako wane-wane, nenabwa en yi menda ndi menda ovok erogo woknerayogonbuk yiluk yagalagwi?

2 Peterus 2:5

Eke, it avakwa o muk endak erogo o wen vaga yoma dugwit, weyak ogagu lagagwama, Ala enabwa en hekbogogi ombasagwi? Dek o. Musu ombok wombaba wagagi ako vaga is yanggadit inggya dugwit, it avakwa Ala enanggon yiluk, weyak ogagu lagagwa ako ovok erogo initu hegek, “Hit weyak ogarup mondok moga. Ata, sek adigat ogarit lagu dogones,” yiluk, Ala wene yugirigya lagagi ap Nuh ako, abur-ogwa inim eneyave 8 adigat enagap wendaripigi akora?

2 Peterus 2:9

Ala en anderogoat oginipu lagagi atma, nit At aburi At endawi ombasiga wane-wane ogasagwi ako anggin menda nenovaga agya halok, nenagap wendatya, eke, it sek ogasagwidek weyak ogasagwi ogo hivis atok vaga enowak dilogo bisiluk, weyak enovaga horakbugu, ogarup ako At Nenasin ilup atma, “Ogarisogon aro,” umbutu dogosogom.

1 Yohanes 3:8

At Sile o muk endak en weyak adigat ogarit naliga atma, ap ambi weyak adigat ogarit lagya halok, at Sile abut-at agarik. Eke, at Sile ako weyak adigat ogarit naliga atma, At Ala Abut wambu wagagi ako andi, at Sile en ogasiga ako mondok degerogo bagiluk, wambu wagagi.

Yudas 1:13

Is laut ombok yanggadekma mogoliluk navunak-kavunak ogagya dugwit, owarilagap en imunup bawilisiga hak, it ap andi, enanggadidek dugwit anderogoat ugun-ugun ogarit nelagwi. Eke, dadiwap nin enavoloma hunik inigik, it nin yegebeya herek damok yagan ugun higilogo ari wilisiga hak, it anderogo ogasagwi atma, At Ala en o hwiserekma mondok-mondok dogopwak yiluk, ovok enake wererogo bogogirikmu agarik.

Yudas 1:6

Eke, At Ala en it malaikat nin, “Yerogo ogagu dogones o,” yiluk, o andok okbogogi hegek, “O yi adigat andok dogop nenanggon,” yiluk, hekbagagwa. Hekbagu lagagwama, At Ala en, “Eve iya menda ogarugwis ako vaga enowak dilogo weyak ogasagwi onggo enovaga bisagwis,” yiluk, eneyave mondok-mondok mbusi heda vaga magago o hwiserekma mabogogi agarwik ako, henape wenggenggu dogones.

Wahyu 20:10

Eke, at avakwa enambukmu dagasiga menda Sile ako, vagarogo hali abya wuluk-herek adigat yagaligama at yangge aninis werek endak daga waga inim, at aswe hivis daga waga huluk wene yagan lagya lagagi ako inim, iperen werekma akoma mabagya higi. Mabagya lagama, hup-dingga hali edup en mondok-mondok yagan yagavek-nggodek yugu sigis.