2 Peterus 2:3 - ALA WENE HIVIS DIRUP WATUGWA

³ It ap mamulerelagwi andien ambi hedaguluk, henambukmu unggu dugwit, enane ugun huluk molalogo yukhirugu dogosogom. Anderogo yukherelagwi ovara, it ogasagwi vaga At enowak dibaluk weyak enovaga bisaup o muk erogo hologo bagagi Ala ako andi, ugun map donggalek dugwit nggungguk nogo yiligadek. Ata, eneyave degerogo bisagiluk mondok hanjalek agarik.

2 Peterus 2:3 Iomraidhean Croise

Matius 23:14

[“Hit Ala wene vagago agipik menda inim, ap Varisi menda inim henagavoval ovagak yagalagwi menda yi, it akwa sogwa enangge dek okbugwis, eke, avakwa iya nenombarupwak yiluk, samban adup erogo ogagwi, ogasagwi atma, hivis onggo anggin mondok iya erogo henovaga bigigu hagup.”]

Lukas 18:8

Dek. Mbikit enowak dilogo enawene nggatuk erogo mbalisogon, yiluk, yukheraliga. Anderogo oginivup ovara, An Ap-At Endaklagagis wagya neyalok, it avakwa wen vaga yoma enendawi novaga vanggabaluk, avyarat numbutu sami a, dek a?” yiluk, yugeragagi.

Lukas 20:20

It Ala wene vagago welagagwa menda inim, it ap imam-imam enasini inim, akoen Yesus inil wolok nagu dogopwak yiluk, enaori lakbogogwa. Enaori lakbogogwa akoen, “Nit ap avyarat nenombarupwak,” ombakluk, enane enagavoval yagan nagu lagagwa. Enane enagavoval yagan nagu dugwit, “Yesus ane yupum-ndupum yimi vaga yidibaluk, eyave vagarogo at Gubernur akoen awene mbalup at ovadombok atma, awene mbalupwak yiluk, balasogom,” umbutugwa.

Lukas 22:47

Wene andi ao yugirigyama, it ap 12 menda ambi inis Yudas ako endak wagya hegek, ap eneyave ambi homago ambetaga wagagwa. It ambetaga wagusigik, at Yudas endak Yesus wa yugirigiluk, adema horok ari wagya lagagimu,

Yohanes 2:16

Ogagya lagagirik, it swa suwa onggo hunggwis ako yugirigya dugwit, “Swa yi ovok erogo wogonombolok elales. Hit an Nasin awi valekma yoma, o pasar onggo hunisagwima ovagak ogarogo belagwi atma, mondok moga,” yiluk, yugeragagi.

Oroma 16:18

It ap anderogo ogarit nelagwi menda ako andi, Nenowa Inis Ombok Keretus eyavup ogarit nelagwidek. Ata, enagaum ake adigat belalit nagu dugwit, “Yerogo ogarusogom o, nderogo ogarusogom o,” yiluk, enane hulugat agil-amok vaga it ap enendawi ugun weyak ogarup embetetek menda ako enendawi nomalivisagwi atma, hinim dambulubuk.

2 Korindus 2:17

It ninen Ala wene yugurugwi vaga, yoparip ambi hedaugen yiluk, yukherelagwi ovara, nit andi, anderogo dek o. Yukheraguluk, Ala en lakbinini wagagi atma, At il hegek Keretus ayeloman dugwit, nenendawi sek vaga-at yukherelagwi.

1 Tesalonika 2:5

Nenane agil-amok vaga yukhirugu lagetek andi, hinilup. Hit henangge ambi hedaguluk, nenane vaga, “Ai-au” yagalagwi andi, At Ala ilup atma, nenane yukhirugu lagatek.

1 Tesalonika 5:3

It avakwa en, “Wene ambi nenovaga agetek nit ovok sek atma, nenendawi ugun adenggen adigat agurik o,” yugusigik, hwa avula eyak endaklarup inggutmu, edup en yagan wasiga ako hak, Nenowa mbikit yukdekma wagya dugwit, mondok enelose degerogo bisa warisogon atma, it ambi hoda wulusogom mondok dek.

1 Timotius 3:3

amburup nenek oginivisiga menda agaum erogo naligadek halok, aninis mbikit asigadek, endawi sagain halok, yerek-warek yagaligadek halok, endawi yoparip hogop ombasigadek halok, ap anderogo menda andi, Ala aburi vagenombogo dogopwak yiluk mendok okbisaup sek aro.

1 Timotius 3:8

Eke, it ap yonggaragak ako, anderogo it enovavut sek halok, enane mberen dek ambiat adigat yagalagwi halok, anggur agas nenek oginivisiga menda enagaum erogo nelagwidek halok, yoparip hogop umbutu dugwit avakwa yewes oginivisagudek halok,

Titus 1:11

It ap andi, wene mamulup dek menda mamulirugu dugwit, ap enabur-enogwa wisane inim enendawi avut dagauk-bagauk oginivit lendagwi. Eke, it avakwa enangge hedaguluk, enanggadi arup menda hegek, ogasagwi. Anderogo atma, it enane mondok degerogo bugu dogwen.

Titus 1:7

It ap Ala aburi vagenombogo dogop ako andi, Ala eyavup ogasagwi atma, weyak ogaguselok avakwa enane enovaga bisaguven, sek adigat ogarit lagu dogopwak o. It ombasagwi adigat ogarup umbutwi, enaninis mbikit agwi, amburup nenek oginivisiga menda enagaum erogo nunggwi, war-wat yugwi, avakwa enayoparip hedaguluk, yewes okbugwis, ogasagwi halok, ap andi menda mondok okbisabuk.

1 Peterus 2:8

Eke, Ala wene ambi iri dugwit: “Helep andi vaga it avakwa inisogavit denggwes erogo yakhidugu dogosogom o,” yiluk, yagagi dirup warek ako andi, it avakwa enendawi avyarat embetetek menda akoen, Ala wene wokbaluk ogarit lagetek iniselok, inisogavit denggwes erogo yakhedelagwi ako At Yesus-at, yiluk, helagwi. It anderogo ogagu dogopwak yiluk, Ala enat imbitigi ovara,

1 Peterus 5:2

Hit Ala aburi wam ndomba ovagak vagenombogo dogovovok yiluk, mikhinipigi ako, henanggon umbutu dugwit, vagenombogo dogop andi moga. Ata, Ala endawi ombasiga wane-wane, “Malenombogo dogop segat,” umbutu dugwit, vagenombogo dogones. Eke, onggo hedaup vaga adigat henendawi wenggelek dugwit, vagenombogo dogop andi ogo moga. Ata, un henendawi sek vaga-at vagenombogo dogones.

2 Peterus 1:16

Nit Nenowa Inis Ombok Yesus Keretus, anye werek warup wene yukheragagup ako andi, wene mupilin it avakwa en enendawi wenggelogo yugu dugwit, enane agil-amok yagalagwi menda ako vaga nenendawi vanggabaluk yukhirugu lagetek. Ata, At Yesus Keretus mondok siyalek abinak werek ninil enggen mudis en hugu lagagurik, yukheragagup.

2 Peterus 2:1

O muk endak erogo it ap wene huluk molalogo yugeregek nelagwi menda akoen avakwa Ala aburi enanggelekma nunggu wagu lagagwarik, Ala inis vaga enane huluk molalogo yugurugu lagagwa ako wane-wane, hivis it ap anderogo menda akoen, hit weyak erogo bigigaguluk henanggelekma nunggu warusogom. Eke, nunggu wagu dogomundik, avakwa wisane enendawi nomalhinuvuguluk, yi wene ndi wene eyave dek hegek, enane huluk molalogo henendawima malhinivit wendagwi. Henendawima malhinivit wagu dugwit, nit Nenowa Inis Ombok en it ninimat nenonggo bagagi ovara, iren, “At andi, Nenowa dek. Nit ninunggut,” yiluk, yagalagwi vaga it vage enelokwe degerogo betelagwi.

2 Peterus 2:9

Ala en anderogoat oginipu lagagi atma, nit At aburi At endawi ombasiga wane-wane ogasagwi ako anggin menda nenovaga agya halok, nenagap wendatya, eke, it sek ogasagwidek weyak ogasagwi ogo hivis atok vaga enowak dilogo bisiluk, weyak enovaga horakbugu, ogarup ako At Nenasin ilup atma, “Ogarisogon aro,” umbutu dogosogom.

Yudas 1:11

It ap huluk molalogo yukherelagwi menda ako, anggin enovaga arugup! Iren o endak at Kain ogagagi ako wane-wane ogarit lendagwi. Eke, ap Mbileam weyak ogagagi ako hak, it ogo enendawi dek ovagak yoparip hedaup adigat enape wenggelek dugwit musek lendagwi. Eke, ap Kora aori inim Musa wene weyak erogo hekbagu lagagwama, Ala en enelose degerogo bogogi ako hak, it ogo wane-wane eneyave degerogo betaguluk, okhedegek lendagwi.

Yudas 1:15

Wambu wagu dogomundik, Ala en it avakwa ovok erogo enowak dinggu dugwit, it avakwa Ala eve enanggon ombasagwi menda, yi weyak ndi weyak ogasagwi ako anggin enovaga bugu, it Ala enanggon ombasagwi menda en weyak ogagu dugwit enane wiyiknom-weyaknom erogo belagwi ako, anggin enovaga bugu, okbisayogon o,” yiluk, yagagi.

Yudas 1:16

It ap huluk molalogo yukherelagwi menda akoen enanggin-enanggon yugwi, it nin meyan erogo bugwis, ogarup enendawi ninggya halok adigat ogarit nagwis, wogobategek nagwis, enangge-enangge hedaguluk, enane agil-amok vaga yagan nagwis, ogasagwi.

Yudas 1:7

Eke, it malaikat okbogogi ako ndatak, it avakwa o Sodom inim, o Nggomora inim, yi kota ndi kota avilis-ambot welagagwa ako inim, avakwa ugun oginivit lagwi, enendawi weyak ogarup oginipu halok ogasagwidek menda hegek ugun-ugun oginivit lagwi, ogagu lagagwama, “It avakwa weyak ogaguselok, Ala en hali abya nagaup yagaligadekma mondok-mondok lakbisayogon-at helagwi,” yiluk, ninilup arupwak yiluk, hali vaga initigi.