2 Peterus 2:2 - ALA WENE HIVIS DIRUP WATUGWA

² Avakwa wisane en it ap andi ako, enendawi ninggya musek nagwis inigu dogomundik, “Nit ogo ninimat ogarit nagu dogosogom o,” yiluk, inim ogarit naguselok, avyarat wene Yesus avok ako wokbaluk ogarit lendagwi ako, it ninen “Yi nano wene yagan nelagwi hera?” yiluk, wiyiknom-weyaknom erogo bagu dogosogom.

2 Peterus 2:2 Iomraidhean Croise

Matius 22:16

Wene mbanggu lagagwarik, it Varisi enane welagwi menda nin inim, it Herodes menda inim, lakbisa wagagwa ako wagu lagagwarik, Yesus yugugu dugwit, “Ngguru wai. Hat andi avyarat adigat ogagya dugwit, Ala endawi ombasiga menda avyarat des erogo yuknirigya heyalagwi. Haren ap enelose dombabigitek dugwit, ambi iya ambi meyan ombasigadek atma,

Matius 24:24

It ninen huluk wene yukhirugu dugwit, ‘An Keretus aro,’ eke, ‘An navi Ala wene yukheraliga menda aro,’ yiluk, yagan wagu dogomundik, avakwa Ala aburi enogo bogogi ako enendawi nomalinivuguluk, enalon werek menda inim, nggarogo ogarubuk menda inim, ogarugup ovara, dek.

Matius 7:14

Iniluk asagwima nunggup andi, sumbanggut maduk yendalek, eke, sup lendagwima ogo nggarogo labuk erek atma, avakwa ambukumat havethidugu lagarwik, nunggwisagwi o,” yiluk, yugeragagi.

Markus 12:14

Lakbogogwa ako, At Yesus adema wagu lagagwarik, “Ngguru wai. Hat andi avyarat adigat ogasiga menda atma, Haren ap enelosema dombabigitek, ambi iya ambi meyan embetetek dugwit, Ala wene avyarat des erogo yugirigya heyagyo. Ap inis ombok Pemerintah Oroma enasin Kaisar andi ake yoparip pajak baup sek a, weyak a? Hekbaup sek a, weyak a? Haren yukneran!” yiluk, yugogogwa.

Markus 13:22

It ninen huluk wene yukhirugu dugwit, ‘An Keretus aro,’ eke, ‘An navi Ala wene yukheraliga menda aro,’ yiluk, yagan wagu dogomundik, avakwa Ala aburi enogo bogogi ako enendawi wokhinivuguluk, enalon werek menda inim, nggarogo ogarubuk menda inim, ogarugup ovara, dek.

Yohanes 14:6

Yugugu lagagimu, At Yesus en yugirigya dugwit, “Sup Ala adema laup inim, avyarat wene Ala avok yukheraliga inim, hiniluk okhinivisiga adem inim, andi An nadigat. At saen sup An vaga wagetek halok, An Nasin adema lasogom mondok dek.

Lakbogogi Wene 13:10

“Ayai! Hat Sile abut yi, hane huluk wisane erogo yugeregek naliga, eke sek ogarup hanggon dugwit weyak ogarup adigat ombasiga andi, harat. Hat Ala arup amot ovara mbirik ogasiga ako mera hudi mbup yimi?

Lakbogogi Wene 14:2

Avyarat umbutu lagagwama, it Yakuri nin andi “Yesus Ala abut dek atma, nenanggon,” umbutugwa akoen it weram Yakuri dek menda ako enaninis okbugu dogomundik, Yesus aburi inim ogot larupwak yiluk enendawima mabugu lagagwama,

Lakbogogi Wene 16:17

hwavyak akoen, “At Mondok Siyalek Adigat Agarik Ala ayeloman henagap wendarup wene yukhera wendagwi yi, yogisenes o,” yiluk, hwidyak yagan Paulus ninim nenambetaga wagagi.

Lakbogogi Wene 18:26

At alon dek dugwit, it Yakuri samban ogasagwima akoma wene yugirigya lagagi. Yugirigyama, it Pirikila Akwila iperen enaruk hunggu lagagwarik, at Apolos wolok, enamwa lagu lagagwarik, Ala avakwa enapwa en enagap wendarinivisiga wene ako des erogo mbilinogo yugogogwa.

Lakbogogi Wene 19:9

Yugirigya lagagi ovara, it nin enendawi lakot dugwit, “Avyarat ombarup, nenanggon,” yiluk, ombokma Sup Yesus Ambetaga Lagu Dogop Wene ako, wiyiknom-weyaknom erogo bagu lagagwama, at Paulus en it hekbisiluk, Yesus ane wogogwa menda ako enadigat wogonombolok, ap Tiranus sekolah awi vanggigirikmu andoma nunggwigya lagagirik, ndugurek-ndagarek inim wene yugirigya, iren hemethugwi, ogagu lagagwa.

Lakbogogi Wene 22:4

“Ogagya dugwit, it avakwa Sup Iniluk Dogop Wene musek lendagwi ako, enarigiluk anggin-mbanggin oginipu dugwit, ap inim, akwa inim, heda magago lembaga mabugu lagagis.

Lakbogogi Wene 24:14

“Ala wene Musa dirup watigi inim, mbuku navi-navi vaga dirup warek ako inim, ovok erogo avyarat ombasigama, Sup Yesus Ambetaga Lagu Dogop Wene ako musek landiga andi, it Yakuri menda akoen, ‘Wene andi huluk wene aro,’ yiluk, yagalagwi ovara, an wene andi ndatak musek lagya dugwit, nenombawi Enasin Ala siyabaliga, andi avyarat vagalogo yukhisiga, nasin.

Oroma 2:24

Ala wene ambi iri dugwit, “Hit ogasagwi vaga it weram Yakuri dek menda en Ala inis wiyiknom-weyaknom erogo belagwi,” yiluk, dirup warek agarik ako hit Yakuri menda enat ogagu hinisaliga.

1 Timotius 5:14

Anderogo atma, it akwa andien ambi ogarusogom vaga it ninim ogorek akoen nenanggadi wakbininaguven, it akwa ndugum sogwa bisamwi ako, enaguni hidugwi, eneyagi endak inipwis, enaguni eneyagi inim segerogo welagwi, ogagu dogop segat ombasiga.

Titus 2:8

Ata, hat wene yugirigya dugwit it ap hane waup “Nenanggon,” ombasagwi akoen, ‘Hat wene weyak yagas,’ yiluk, nenavok yusogombuk atma, it enanggadi arupwak yiluk, hane sek adigat yugirigya dogwen.

1 Peterus 2:12

It ap weram enendawi avyarat ombasagwidek menda akoen, “It weyak ogarit nelagwi o,” yiluk, henavok yagalagwi ovara, hit sek adigat ogarit lendagwi dibigigu dogomundik, Yesus wagya andi vaga Ala siyabapwak yiluk, enanggelekma dugwit, henova hwalogo dogones.

2 Peterus 2:12

It ap wene huluk molalogo yukherelagwi ako, wam endawi dek ugun ogarit nagusigik, avakwa en vakbaluk, warogo isarisagwi hak, it ap andien wene adem des erogo inunggut dugwit wiyiknom-weyaknom erogo belagwi andi vaga, it enovadombok eneyave wam warisagwi hak Ala en enarisogon.

2 Peterus 2:15

It andi, sup amor erogo laup yedok hegek, hekbaluk, sup adik at Mbeot abut Mbileam lagagi ako vaga nomaliluk lendagwi. At Mbileam akoen weyak ogasagwi onggo hedaup endawi hunik dugwit, Ala en yagagi hegek, adik ogarit lagya dugwit,

2 Peterus 2:18

It ap andi, an iya umbutu dugwit, wene adem dek hegek enam warogo yugerelagwi. Avakwa nin swiat weyak ogasagwi enasam helok, hekbagao ako enendawi ninggya ako adigat musek lapwak yiluk, enendawima mabisilin nelagwi.

2 Peterus 2:21

It avakwa weyak ogasagwi akoen avyarat wene wokbaluk, sek ogarit laup ako, inunggut dugwit, weyak ogarit nagu duklipmu en andi, ambukum segat duklip ovara, “Yerogo ogarup nderogo ogarup,” wene adik enek yugeragagi ako inilup dugwit, eneyami vaga weyak ogarit lendagwi halok andi, mondok weyak adigat arusogom.

2 Peterus 2:7

Eke, ap Lot ako endawi segat welagagi ovara, it avakwa andi menda, enanggelekma dugwit, enanggadidek enendawi en ninggya halok ugun-ugun ogarit nagwis ako il inigu, enane ugun yagan nagwis ako aruk hunggu, ogagagi. Ogagya dugwit, at endawi mondok eve segedok atma, “Yi ogasagwi yi, ai,” yiluk, ndugurek-ndagarek endawi mondok wakhidigya ako Ala en higya lagagirik, it avakwa andi, ovok degerogo bugu dugwit, at ap sek atma, agap wendatigi akora?

Yudas 1:10

Anderogo ovara, it ap henanggelekma nunggu wagao andi, wene adem des erogo inunggut hegek wiyiknom-weyaknom erogo bagu dugwit, yangge endawi dek en ugun ogarit landiga hak, it anderogoat enendawi weyak ogarup oginipu halok ogarit laup ako adigat inilup dugwit ogarit lendagwi atma, eneyave-at degerogo betelagwi.

Yudas 1:15

Wambu wagu dogomundik, Ala en it avakwa ovok erogo enowak dinggu dugwit, it avakwa Ala eve enanggon ombasagwi menda, yi weyak ndi weyak ogasagwi ako anggin enovaga bugu, it Ala enanggon ombasagwi menda en weyak ogagu dugwit enane wiyiknom-weyaknom erogo belagwi ako, anggin enovaga bugu, okbisayogon o,” yiluk, yagagi.

Yudas 1:7

Eke, it malaikat okbogogi ako ndatak, it avakwa o Sodom inim, o Nggomora inim, yi kota ndi kota avilis-ambot welagagwa ako inim, avakwa ugun oginivit lagwi, enendawi weyak ogarup oginipu halok ogasagwidek menda hegek ugun-ugun oginivit lagwi, ogagu lagagwama, “It avakwa weyak ogaguselok, Ala en hali abya nagaup yagaligadekma mondok-mondok lakbisayogon-at helagwi,” yiluk, ninilup arupwak yiluk, hali vaga initigi.

Wahyu 12:9

at mbas ombok ako aori inim haryogo wema mbombo bisa wagu sigis. At mbas ombok awigovak ovagak wombaba waga ako andi, o muk en yi avakwa ndi avakwa ovok erogo enambukmu dagasiga menda inis Sile ako andi, inis ambi Setan aratma, at aori inim ovok erogo mbogot vaga en haryogo wen vaga wombabisa wagu sigis.

Wahyu 13:14

At yangge endak daga waga ane yugigas vaga, yangge hivis akoen nggarogo ogarubuk menda iya erogo ogarit lagya dugwit, avakwa wen vaga agarwik ako Yesus amusek laguven yiluk, enambukmu inggya dugwit ane huluk yugirigya higi. Avakwa wen vaga agarwik ako enambukmu inggya dugwit, “Yangge hak ambi mbusiregowa vaga watao ovara, iluk aga ako, agut wakhegek huvuwak ambi ogarogo baluk, at adigat inis siyabagu dogones,” yiluk, it yugirigya higi.

Wahyu 13:8

At Ala en o muk wen-mbogot yi ao bagetek dugwit, “It avakwa mondok-mondok iniluk okbisaup o,” yiluk, ininis Ndomba Eyak watugwa ako ambuku vaga dirup watigi. It avakwa ininis mbuku vaga dirup warekdek halok andi, it ovok erogo at yangge ako inis siyabagu sigis.