2 Peterus 2:10 - ALA WENE HIVIS DIRUP WATUGWA

^10-11 It anderogo okbisaup ako andi, madugat okbisaup ovara, it avakwa en, “Nit weyak ogagu dogosogom o,” yiluk, enendawi en ninggya halok, ugun ogarit lendagwi inim, Ala endawi ombasiga menda sovalogo baluk, At eyave weyak erogo belagwi inim, ako andi, anggin mondok ndun erogo enovaga bugu hasogom. It malaikat ako andi, enanye wisane alonedok erek atma, Ala yugugu dugwit, “It huluk molalogo yugerelagwi menda ako andi, mondok weyak ogasagwi atma, Hat Nenasin en mondok initu dogwen,” yiluk, wiyiknom-weyaknom erogo bisaup sek ovara, dek, un sagain erogoat yugisagwi. Anderogo ovara, it ap huluk wene yagan nelagwi menda halok andi, enalon dek enendawi adup vaga dugwit, it enagayuk werek winimen menda ako ugunat weyak-weyak okbisilin nelagwi.

2 Peterus 2:10 Iomraidhean Croise

Lukas 11:25

nunggwigya dogomindik, o um ovara at wulu wagarikmu akoma mupwak horek avolomambo ogarek halok,

Lukas 19:14

“Yugirigya lagagirik, lagagi. Lagya hegek, it nin at avema menda en at enanggon adigat umbutu dugwit, ‘At ap yi, nenasin inis ombok akluk, o yoma vagago dogop nenanggon,’ yiluk, yugeralapwak yiluk, enaori lakbogogwa.”

Lakbogogi Wene 23:5

Yugugu lagagwama, at Paulus en, “At imam inis ombok winimen agarik ako andi, ninggutmu yigi o, naswei. ‘Avakwa enasin hinim agarik ako, henane weyak at ovaga babuk,’ yiluk, dirup warek agarik ako an nilup aro,” yugeragagi.

Oroma 8:1

Anderogo halok, nit Keretus Yesus ninim hunik agurik atma, At Ala en weyak onggo nenovaga okbininayogon mondok dek.

1 Korindus 6:9

Eke, it weyak adigat ogasagwi halok, Ala avema bisaligama bisayogonbuk ako, hit hinunggut a? It avakwa ugun-ugun oginivit lendagwi menda inim, madis inis adup ogasagwi menda inim, ap ogwa werek hegek hwa agun werek hegek ogasagwi menda inim, ap-ap wanggis welagwi menda inim, enonggop welagwi menda inim, yi menda ndi menda hogop ombasagwi menda inim, amburup nunggu lagarwik, nenek ovagak yagan lendagwi inim, avakwa nin ininis weyak erogo biselagwi menda inim, avakwa enangge enonggop hedaguluk, enambukmu dagasagwi menda inim, avakwa andi menda Ala avema bisaligama bisayogon mondok dek atma, avakwa en henambukmu unggu dugwit, wene adik yukherelagwi halok, enane hulup mondok moga o.

2 Korindus 10:3

Nit wen vaga yoma agurik andi avyarat ovara, it wen vaga menda yegen-ndugudis vaga ndup ogasagwi ako wane-wane, nit ndup anderogo ogasagwidek.

Evesus 4:19

It enalon embetetek avakwa oginivup adigat enape wenggelek dugwit, “Ugun-ugun ogarusogom o,” umbutu lagarwik, enendawi ninggya halok adenggen vaga ogarit lendagwi ovara,

Evesus 5:5

It akwa ugun oginivit lendagwi inim, wanggis welagwi inim, eke, hogop adigat ombasagwi inim, it ap ogasagwi andi ovok erogo Ala Keretus iperen enavema biselagwima nunggusogombuk, umbutu dogones. Hogop adigat ombasagwi ako andi, ap huvuwak inis adup ogasagwi ndatak-at.

Kolose 3:5

Anderogo atma, naswei. Henendawi weyak ogarup okhinivisiga ako, ovok erogo mondok degerogo bagu dogones. Akwa ugun oginivit lagwi, wanggis wugwi, henendawi ninggya ako ugun musek lagwi, weyak ogarup adigat hogop umbutwi, yi menda ndi menda hogop adigat umbutwi, ogarup andi moga. Henendawi yi menda ndi menda hedaup hogop adigat ombasagwi ako andi, huvuwak inis adup ogasagwi wane-wane aro.

2 Timotius 3:2

O andi hudi ogarup ako, avakwa enendawi enanggidik agwi, yoparip adigat hogop ombarit lagwi, “Wi!” vok yuknerapwak yiluk wogobategek lagwi, enendawi siyabategek lagwi, avakwa wiyiknom-weyaknom erogo bigik lagwi, inisa-enasin enane des erogo hunggitek nagwis, wogeraup ovara, wa yegetek lagwi, Ala wene sagalogo baik lagwi, ogagu dogosogom.

Titus 1:7

It ap Ala aburi vagenombogo dogop ako andi, Ala eyavup ogasagwi atma, weyak ogaguselok avakwa enane enovaga bisaguven, sek adigat ogarit lagu dogopwak o. It ombasagwi adigat ogarup umbutwi, enaninis mbikit agwi, amburup nenek oginivisiga menda enagaum erogo nunggwi, war-wat yugwi, avakwa enayoparip hedaguluk, yewes okbugwis, ogasagwi halok, ap andi menda mondok okbisabuk.

Iberani 13:4

Avakwa wanggis welagwi menda inim, avakwa ugun-ugun oginivit nelagwi menda inim, Ala en enowak dilogo weyak onggo enovaga bisayogon atma, it avakwa enagun enogwa hondalek agarwik ako, mondok eve iya-at umbutu dogones. Eke, iperen nogo yup andi ogo, eve sek atma, nogo yilagwima weyak agya haoen, des erogo malogo dogopwak.

2 Peterus 3:3

Hit endak hinilup arovovok yiluk, wene eve iya erogo yiat yukheraliga o. Hivis o atok vaga it avakwa wiyiknom-weyaknom okbugwis, enendawi en ninggya halok musek lagwi, ogasagwi akoen, warusogom. Wagu dogomundik, wiyiknom-weyaknom okbigigu dugwit,

Yudas 1:10

Anderogo ovara, it ap henanggelekma nunggu wagao andi, wene adem des erogo inunggut hegek wiyiknom-weyaknom erogo bagu dugwit, yangge endawi dek en ugun ogarit landiga hak, it anderogoat enendawi weyak ogarup oginipu halok ogarit laup ako adigat inilup dugwit ogarit lendagwi atma, eneyave-at degerogo betelagwi.

Yudas 1:16

It ap huluk molalogo yukherelagwi menda akoen enanggin-enanggon yugwi, it nin meyan erogo bugwis, ogarup enendawi ninggya halok adigat ogarit nagwis, wogobategek nagwis, enangge-enangge hedaguluk, enane agil-amok vaga yagan nagwis, ogasagwi.

Yudas 1:18

It akoen hit yukhirugu dugwit, “O hivis atok vaga it avakwa Ala eve enanggon ombasagwi menda akoen, enendawi ninggya halok ugun adigat ogarit lagu dugwit, hit wiyiknom-weyaknom erogo bigigaup ako sigam ari warisogon o,” yiluk, yukhirugu lagagwa ako, henape wenggenggu dogones.