2 Peterus 2:1 - ALA WENE HIVIS DIRUP WATUGWA

¹ O muk endak erogo it ap wene huluk molalogo yugeregek nelagwi menda akoen avakwa Ala aburi enanggelekma nunggu wagu lagagwarik, Ala inis vaga enane huluk molalogo yugurugu lagagwa ako wane-wane, hivis it ap anderogo menda akoen, hit weyak erogo bigigaguluk henanggelekma nunggu warusogom. Eke, nunggu wagu dogomundik, avakwa wisane enendawi nomalhinuvuguluk, yi wene ndi wene eyave dek hegek, enane huluk molalogo henendawima malhinivit wendagwi. Henendawima malhinivit wagu dugwit, nit Nenowa Inis Ombok en it ninimat nenonggo bagagi ovara, iren, “At andi, Nenowa dek. Nit ninunggut,” yiluk, yagalagwi vaga it vage enelokwe degerogo betelagwi.

2 Peterus 2:1 Iomraidhean Croise

Matius 10:33

hiren avakwa inivaga, ‘Yesus andi, nit ninunggut,’ yugu hiniselok andi, An ogo Nasin mbogot vaga menda ivaga en ‘It avakwa yi An ninggurat,’ yisogon o,” yiluk yugeragagi.

Matius 24:11

Eke, ap wisane wagu dogogupik, un hulugat, ‘Ala en yuknigas ambi yukherayogon o,’ yiluk, avakwa wisane enendawi wugu sagup.

Matius 24:24

It ninen huluk wene yukhirugu dugwit, ‘An Keretus aro,’ eke, ‘An navi Ala wene yukheraliga menda aro,’ yiluk, yagan wagu dogomundik, avakwa Ala aburi enogo bogogi ako enendawi nomalinivuguluk, enalon werek menda inim, nggarogo ogarubuk menda inim, ogarugup ovara, dek.

Matius 24:5

It avakwa wisane en An ninis vaga yagan wagu dugwit, ‘At Keretus ako andi, an aro,’ yiluk, avakwa wisane erogo henendawi wokhinivusogom.

Matius 7:15

Yugirigya lagagirik, ambi inim yugirigya dugwit, “It ap Ala wene huluk molalogo yukherelagwi menda akoen henambukmu unggu saoen, dibagu dogones. It ap andi ndomba elose ovagak okhedelok henadema wendagwi ovara, enendawi andi, yangge do ovagak enaninis wisane agarwik.

Markus 13:22

It ninen huluk wene yukhirugu dugwit, ‘An Keretus aro,’ eke, ‘An navi Ala wene yukheraliga menda aro,’ yiluk, yagan wagu dogomundik, avakwa Ala aburi enogo bogogi ako enendawi wokhinivuguluk, enalon werek menda inim, nggarogo ogarubuk menda inim, ogarugup ovara, dek.

Lukas 12:9

Eke, hit avakwa inivaga, ‘Yesus andi, ninunggut,’ yugu hiniselok andi, An ogo, it Ala yonggo lakbisa wandiga menda malaikat ako inivaga, ‘It avakwa yi An ninggurat,’ yiluk, iri neyagup, yiluk, yukheraliga.

Lukas 21:8

Yugugu lagagwama, At Yesus en yugirigya dugwit, “Avakwa henendawi wokhinipu saoen henova hwalogo dogones. It ap wisane [huluk at] An ninis vaga wagu dugwit, at ambi en, ‘At Keretus ako andi, an aro,’ iris, eke, at ambi en, ‘Hivis oklarup ako vage vanggo yi waga o,’ iris, yagan warusogom atma, enane hobaluk, enamusek labuk.

Lukas 6:26

It avakwa yi, enombawi en ap Ala inis vaga huluk wene yugurugusigik ovara, siyabugu lagagwa ako ndatak, it ap ovok en hininis siyabuguguselok anggin henovaga arugup!” yiluk, yugeragagi.

Oroma 16:18

It ap anderogo ogarit nelagwi menda ako andi, Nenowa Inis Ombok Keretus eyavup ogarit nelagwidek. Ata, enagaum ake adigat belalit nagu dugwit, “Yerogo ogarusogom o, nderogo ogarusogom o,” yiluk, enane hulugat agil-amok vaga it ap enendawi ugun weyak ogarup embetetek menda ako enendawi nomalivisagwi atma, hinim dambulubuk.

1 Korindus 11:19

Hit haterek-anderek yegetek en sanien wene dibaluk ogasagwi andi adem sigam aklip. Ovara, hit haterek-anderek wisane yagalagwi andi vaga, it nin Ala wene adem dibaluk ogasagwi andi, sigam aga.

1 Korindus 7:23

At Ala en onggo ombok ako vaga henonggo mbanggigirikmu, avakwa enayeloman heda marek arubuk.

Nggalatia 2:4

Andi, it ap nin hulugat “Nit henaswemuni aro,” yiluk, mbauk nenanggelekma nunggu wagagwa. It nenanggelekma nunggu wagagwa akoen, nit Keretus Yesus ninim hunik dugwit, visilogo bininggigi wene hedagagup ovara, it ap ako nit Yakuri wene hobalek ambi inim ogagu dogop yidilogo bininupwak yiluk, nunggu wagagwa.

Nggalatia 3:13

Eke, Ala wene dirup warek vaga en iri dugwit, “Ap ambi warogo eyave yo vaga sivinogo baguselok andi, Ala en vudilogo baliga o,” yiluk, yagagi dirup warek agarik. Dirup warek andi wane-wane, Musa wene hobalek hegek adik ogagu lagagup andi vaga, nit ogo vudilek nenovaga welagagup ovara, dek arupwak yiluk, Keretus nenavoloma vudilogo bagya lagagimu, yo winik vaga sivinogo bagagwa andi vaga, nenonggo mbabaluk, visilogo bininggigirikmu agurik o.

Nggalatia 4:17

It ap nin ako andi, enendawi adenggen vaga henendawi nomalhinuvugen yiluk, henadema wendagwi ovara, it sek okbigigaugen yiluk, ogasagwidek. Ata, “Nenane hobaluk, enendawi adenggen wisane erogo Paulus hekbaluk, nenamusek wagu dogopwak,” umbutu dugwit, henadema wendagwi.

Nggalatia 5:20

huvuwak amuri hunggwis; mum vaga avakwa initwis; enendawi adik-adik ogot hedugwi, enane wunumuk yugwi, uwa mbanggwis, enaninis mbikit umbutwi, an ogasiga adigat sek umbutwi, an iya hat iya yugwi, enadik-enadik mogolhedugwi,

Evesus 1:7

At Ala nenabwa imbita dugwit, At endawi werek atma, mondok dibininggu lagagirik, eyave wisane hegek-hegek okbinilin wulu wandiga ako wane-wane, At Abut amuya vaga nenonggo mbabaluk, heda visilogo bininggu lagagirik, nenomaduk mondok degerogo bininggigi.

Evesus 4:14

Anderogo atma, naswei. Is navunak-kavunak ogagya dugwit, ilumukmut angge legogo ilikbagya, o havut en wolok lagek-wagek iris, ogasiga hak, avyak-mariduk andi, anderogoat agarwik atma, hit ogo anderogo dugwit, it avakwa huluk wene yagalagwi menda akoen avakwa enambukmu dagaluguluk, enendawi wenggebaluk, enane amburup agil-amok vaga nomalenavuguluk yagalagwi andi menda hit ugun henaruk hulup moga. Ata, Keretus endawi mondok modo agarik hak, nit anderogoat nenendawi modo okbininggu halok, nit avyak mariduk agarwik andi wane-wane dogosogombuk.

Pilipi 3:19

It ap andien wen vaga menda adigat wenggenggwis, enagaum ake adigat okhedegek lagwi, enanggadi arup hegek nit iya atma yugwi, ogasagwi ako atok vaga it eneyave-at dek arusogom ovara,

Kolose 2:18

It avakwa enendawi sovalek heda ogagu dugwit, malaikat ininis adup ogarit lendagwi ako, hit dibagu hiniselok, Ala en wokheraup ako degerogo batugu hinisaoen, enane hunggu dogobuk. It ako wen vaga menda adigat enape wenggelit lagwi, it ap iya erogo dek hegek enendawi wogobatugu dugwit, “Nogo heda nabi heda haliga atma, an eve iya,” yiluk, enabi hagao ako mbilinggwis, ogasagwi atma, enane hunggu dogobuk.

Kolose 2:8

It avakwa ambi okbisabuk hegek un enambukmu dagaguluk, enape wenggelogo yukherelagwi ako andi, Keretus wene dek. Andi, it enombawi enane mamulik menda inim, it madis o wema yoma vagago agarwik menda ako inim, enane mamulik-at yagan nelagwi atma, heda marek ovagak it enavema dugwit, enane adigat hunggu dogovovok yiluk, hit henambukmu unggu inisaoen, suam wakhidugu dogones.

1 Timotius 5:8

Ap ambi, ata hwa ambi, at owa-asin erom wogirigya, yonggar-inipu, ogasigadek andi, weyak ovara, at abur-ogwa, isa-asin, agun-eyak adigat erom wogirigya, yonggar-inipu, ogasigadek halok andi, weyak eve ombogat ogasiga. It avakwa Yesus Keretus avyarat embetetek menda andi, un weyak horogat ovara, at andi, weyak eve ombogat ogasiga. At Yesus Keretus avyarat imbitigi ako, hekbagagi agarik.

2 Timotius 4:3

Avakwa wene adem Ala aburi vagago dogop modo wene ako hulup, “Nenanggon o,” yup hudi vanggo yi wasogon. Vanggo yi wagya halok, iren, “Wene ngga yugu samwi?” yiluk, enaruk hulit nagu dugwit, wene it enendawi hogop ombasagwi adigat yuknerapwak yiluk, wene mamulerelagwi menda homakbugu dogosogom.

Titus 1:11

It ap andi, wene mamulup dek menda mamulirugu dugwit, ap enabur-enogwa wisane inim enendawi avut dagauk-bagauk oginivit lendagwi. Eke, it avakwa enangge hedaguluk, enanggadi arup menda hegek, ogasagwi. Anderogo atma, it enane mondok degerogo bugu dogwen.

Titus 3:10

Ap ogot bisaliga menda akoen eve wene hekbaluk, weyak adigat ogarit lagya vaga weyak onggo ovaga horabetagas hegek, ogarit landiga hilup atma, elap mberen vaga aruk wakbaluk, hekbaup.

Iberani 10:29

Anderogo ogagu lagagwa hak, wene Ala en nenomaduk degerogo bininiluk, At ake enek dogoguluk, amuya vaga hotbininggigi wene nggatuk erogo yukneragagi ako, it avakwa en, “Wene andi eyave dek o,” yiluk, Ala Abut inisok handyan sopalogo bagwi, eke, At Averiniki endawi hunik en sek okbininaliga ako inim wiyiknom-weyaknom erogo bagwi, ogaguselok, At Ala en hekbisayogon ombasagwi? Mondok dek. At weyak onggo mondok iya erogo enovaga horakbisayogon.

1 Peterus 1:8

Hit Yesus hinil hegetek ovara, hegek, henendawi hunik ogagwi, eke, yogak At eyave hinil hegetek ovara, henendawi At ovaga vanggabaluk, avyarat umbutwi, ogagu dugwit, “Nit nenendawi avyarat ombasagwi vaga, nenagap wendarup ako atma asiga,” umbutu dugwit, henendawi adenggen ombasagwi ako andi, mondok eve iya erogo agarik atma, nggarogo yubuk erek aga.

2 Peterus 2:3

It ap mamulerelagwi andien ambi hedaguluk, henambukmu unggu dugwit, enane ugun huluk molalogo yukhirugu dogosogom. Anderogo yukherelagwi ovara, it ogasagwi vaga At enowak dibaluk weyak enovaga bisaup o muk erogo hologo bagagi Ala ako andi, ugun map donggalek dugwit nggungguk nogo yiligadek. Ata, eneyave degerogo bisagiluk mondok hanjalek agarik.

1 Yohanes 2:26

Iren henambukmu unggu dugwit, nomalhinivit lagu saoen, wene yi dirup warogo wokheraliga.

1 Yohanes 4:1

Naswei nendawi hunik yi wai. Avakwa huluk wene yugerelagwi menda eneyave wisane en yi awi ndi awi ovok erogo yugeregek lendagwi atma, ap ambi henadema wagya dugwit, “Ala Averiniki en yuknirigya halok, yukhera wagyo,” yiluk, yukhera waguselok, enane avyarat umbutu dugwit ugun waup moga. Ata, “At Ala Averiniki en avyarat lakbisa wagao atma yagan wendagwi a, ata it enendawi en wenggebaluk yagan wendagwi a?” yiluk, enavut dombabaluk enane hunggu dogop segat.

Yudas 1:18

It akoen hit yukhirugu dugwit, “O hivis atok vaga it avakwa Ala eve enanggon ombasagwi menda akoen, enendawi ninggya halok ugun adigat ogarit lagu dugwit, hit wiyiknom-weyaknom erogo bigigaup ako sigam ari warisogon o,” yiluk, yukhirugu lagagwa ako, henape wenggenggu dogones.

Wahyu 13:14

At yangge endak daga waga ane yugigas vaga, yangge hivis akoen nggarogo ogarubuk menda iya erogo ogarit lagya dugwit, avakwa wen vaga agarwik ako Yesus amusek laguven yiluk, enambukmu inggya dugwit ane huluk yugirigya higi. Avakwa wen vaga agarwik ako enambukmu inggya dugwit, “Yangge hak ambi mbusiregowa vaga watao ovara, iluk aga ako, agut wakhegek huvuwak ambi ogarogo baluk, at adigat inis siyabagu dogones,” yiluk, it yugirigya higi.

Wahyu 2:13

Hit at Sile anye werek dugwit o vagago agarikmu agipik andi An nilup. Sile vagago agarikmu akoma agipik ovara hegek, An nane wogogup ako mondok vagago agipik. Eke, An nabut ambi nane des erogo wokbaluk hutun-howam yugeregek lagya lagagi inis Andipas ako, watugwa. Hit henanggelekma Sile agarikmu henawi kota andoma-at watugwa. Watu lagagwama, hit henendawi avyarat ombakluk, An nane wogogup ako, ‘Musek laup nenanggon o,’ yiluk, yup ovara, dek. ‘Nit Nenowa Keretus atma, At ane wigyo akoat mondok vagago dogosogom o,’ yiluk, yugu hinigis.

Wahyu 2:9

Hit An naburi o Simirana ogarit lendagwi ako, An nilup. Hit anggin-mbanggin henovaga agya dugwit, hininggidek asiga ovara, winimen menda vaga hininggis werek ovagak agipik ako An nilup. Eke, it Yakuri dek menda Sile ogasiga wane-wane ogaruguluk homarisagwi ako menda en, un hulugat, ‘Nit Yakuri menda aro,’ yiluk, An naburi o Simirana menda enane wiyiknom-weyaknom erogo bigigelagwi andi, nilup adigat agirik.

Wahyu 3:8

Hit An naburi o Viladelipia ogarit lendagwi ako An nilup. Hit An ninis weyak erogo bagetek, sek erogo vagago dugwit, henanye horogat agarik ako vaga An nane musek lendagwi. Anderogo atma, hit ambi ogagu dogopwak yiluk, sup hurogo bigigis ako, avakwa en larogo bigigaup mondok dek.

Wahyu 5:9

It avakwa en iniselagwidek menda eneyave 4 ako inim, mbogot vaga agarwik enanggok ap ombok-ombok eneyave 24 ako inim, ndawi swi menda watao. Ndawi swi menda watu dugwit, ndawi eyave watao yerogo: “It avakwa ininis unggul adik-adik inim, enane adik-adik inim, enagamut adik-adik inim, enanggelekma en ambitap nggigilogo Ala aburi arupwak yiluk, Hat hatu lagagwama, hamuya vaga enonggo bagagin ako vaga mbuku virik-verek heda marek ako, Haren wigya dogomindik visilup sek aro.

Wahyu 6:10

It initu lagagwa enanggela akoen enane ombok yugugu dugwit, “Nenasin Hinis Ombok Ala wai. Hat hadik mondok ombok avyarat adik denek agindik atma, it avakwa o wen vaga menda en ninitugwa nenamuya wambigya lagagi ako, enowak dilogo onggo inititek heyagek, ndugwis maren dogomi,” yiluk, yugugu sigis. Yugugu lagaoma,