1 Peterus 5:9 - ALA WENE HIVIS DIRUP WATUGWA

⁹ Eke, it henaswemuni yi awi ndi awi agarwik hinim henendawi avyarat ombasagwi ako, idup-mbidup hit okbigigelagwi wane-wane, it ogo anderogoat okbiselagwi ako hinilup atma, hit henendawi Ala ovaga vanggabaluk wadokdek dugwit, Sile en henendawima mali wagya haoen, henanye erogo dogones.

1 Peterus 5:9 Iomraidhean Croise

Lukas 22:32

hat hendawi novaga vanggabaluk, avyarat nembeten ako, dek agya heyaoen, An hake samban ogagi. Heyami vaga suguliluk nadema wagya dogomindik, haori yi, enendawi aik wakbugu dogogun,” yiluk, yugogogi.

Yohanes 16:33

“Wene yi yukheraliga ako andi, hit An ninim hunik dugwit, henendawi ugun seyalek wadokdek adenggen dogovovok yiluk, yukheraliga. It avakwa wen vaga yoma agarwik menda akoen weyak okbugugu dogosogom ovara, it o wen vaga yoma enanye agarwik ako vage sovalogo bigirikmu, henendawi hora yiluk, wadokdek dogones o,” yiluk, yugeragagi.

Lakbogogi Wene 14:22

O akoma yanonggegek lagu dugwit, “At Nenowa Inis Ombok Ala en denogo bagagi ako avema nunggup andi, anggin-mbanggin wisane nenovaga ari wagya hegek nunggusogom,” yiluk, it Yesus ane wogogwa ako, enendawi modo okbugwis, “Wene avyarat embetep ako hekbaup moga o. Ata, henendawi wadokdek vakhedogo-at dogones,” yiluk, mbilape yugurugwi, ogarit lagagwa.

1 Korindus 10:13

Hit henendawi weyak ogaruguluk okhinivisiga ako andi, adik menda vaga dek o. Ata, yi avakwa ndi avakwa enendawi weyak ogaruguluk oginivisiga ako menda vaga adigat hit henendawi weyak ogaruguluk okhinipu hagup. Anderogo ovara, nit okninivisiga ako, At Ala en mondok atma nggedok des erogoat okbininaliga atma, henendawi weyak ogaruguluk okhinipu hegek, henanyedek agya dugwit, weyak ogagu hinisaoen, Ala en sup abi amorerogo okbigigayogon o.

Evesus 4:27

Sile en, “Nanonggal aga o,” yiluk, henendawi weyak okhinivi wagya haoen, weyak madugat henendawima hwilakbaluk dogobuk.

Evesus 6:16

at weyak adigat ogasiga akoen andup-ameda hali abya ovagak yamburi wandiga ako, mbeyalogo lakbagu dogovovok yiluk, sin ininggimu vakhedogo agarwik hak, avyarat umbutu dugwit, henendawi Ala ovaga vanggabagwi,

Kolose 2:5

An neyave hinim andoma agurikbuk ovara, nendawi andi, hinimat agirik atma, hit henendawi Keretus ovaga vanggabaluk, avyarat umbutugup ako wadokdek vagago dugwit, mondok ndatak ogarit lendagwi atma, an nendawi mondok adenggen ombasiga.

1 Timotius 6:12

Nit Yesus avyarat ombakluk musek lendagwi ako, hat ogo nin ogorek inigik, mondok hanye erogo musek adigat lagya dogwen. Eke, hiluk mondok dogonyok yiluk, heyanggup iri lagagimu, hat Keretus avyarat imbitigin avakwa wisane inivaga hane vaganggigin ako, nggitik-nggetok erogo vagago dogwen.

2 Timotius 3:12

Yi avakwa ndi avakwa Keretus Yesus inim hunik dugwit, Ala wene wokbaluk ogarit lagu dogosogom umbutuselok, edup-mbedup erogo bigik nagu dogosogom.

2 Timotius 4:7

Ap ndup ogasagwi hak, an Ala wene sek erogo ogarigiluk, ndup ogagya lagi. Hudi atokma vupuk lendagwi ako hak, an vage hudi atokma ari wagi o. Nit Yesus avyarat umbutu dugwit musek lendagwi ako andi, an sek erogo vagago welagagis.

Iberani 11:33

It ap andi, enendawi Ala ovaga vanggabaluk avyarat umbutugwa vaga, it ap ininis ombok enavema biselagwima sovalogo bugwis, sek ogarit lagu dugwit, atma nggedok ogagu dogopwak yiluk, hologo bugwis, Ala en avok yugeragagi ako wane-wane-at wugwi, avakwa inirisagwi menda yangge do singga ako enelagap heda marogo bugwis,

Iberani 12:8

Nit Ala aburi halok ovok erogo nenendawi werek arupwak yiluk, nenaruk wasiga atma, hit ambi henaruk watitek halok andi, “Nit At aburi dek ugun enabut endago-at agurik,” ombarop.

Yakobus 4:7

Anderogo atma, Ala avema seve eres. Ala avema seve yiluk, werekma, at Sile madis akoen, weyak okhinivi wagya halok, hinim ndup sumbutu dogwes. Hinim ndup sumbutu dogosogom halok, at hoda wilisogon.

1 Peterus 1:6

Anderogo atma, nowa-nasin. Anggin-mbanggin adik-adik menda henovaga agarik ako vaga henendawi anggin durik agipik ovara, “Hivis nenangge vipuk erogo bininggigi ako hedalasogom atma, yi andi, un sidogat okbininalagwi atma, sek aro,” yiluk, henendawi adenggen ombok erogo umbutu dogones.

1 Peterus 2:21

At Keretus idup-mbidup okbagagwa ako andi, hit henake-at wogogi atma, At ogagagi ako hak, hit anderogo wane-wane ogagu dogovovok yiluk, Ala en heneyanggup yukheragagi o.

1 Peterus 3:14

Anderogo ogasagwidek ovara, hit sek ogarit nagu hinigik idup-mbidup anderogo okbigiguselok, Ala en adenggen henovaga bigigayogon. Henalon hapwak yiluk okhinipusim, henalon en henendawi anggin dogobuk.

1 Peterus 4:13

Ata, hit idup-mbidup okbigigelagwi ako andi, hivis, At Keretus mondok siyalek wagya ako hinil hugu dogomundik, henendawi adenggen mondok iya erogo okhinivupwak yiluk, “Yogak At Keretus okbagu lagagwa akoat okbininelagwi atma, sek aro,” yiluk, henendawi adenggen umbutu dogones.

Wahyu 1:9

Hit anggin-mbanggin henovaga bugugusigik ovara, “Ala avema bininggigi atma, sek aro,” yiluk, Yesus hinim hunik henendawi wadokdek dugwit, welagwi. An henaswe Yohanes ogo, anderogo wane-wane anggin-mbanggin okbanunggusigik, wigya lagagis. Andi, anen Ala wene yukhirigya, eke, Yesus wene iri lagagi ako vagalogo yukhirigya, ogasiga ako vaga, ilim is enggema o inis Vatmos bani wagagwa andoma welagagis.

Wahyu 6:11

“Dek o. Hit henowa-henasin inim, it hinim Ala wene mondok dibaluk musek lendagwi inim, hit hinitugwa ndatak inarusogom halok andi, onggo ambi vaga inarup atma, un ndugwis ambiat mbauk dogosogon o,” yiluk, enasum mudu adup enadik-enadik yikbugu higi.

Wahyu 7:14

Yuknugu lagama, “Nasin. An ninggut atma, harenenat eru,” yugugu lagima, aren an yuknugu dugwit, “Dek o. It yi, avakwa anggin-mbanggin mondok wisane okbugusigik, enanggelekma en wulu wagao ako eneyave yi aro. It ako andi, enasum mondok mudu arupwak yiluk, Ndomba Eyak amuya ako vaga enasum hothedagao. Hothedagarwikmu,