1 Peterus 5:3 - ALA WENE HIVIS DIRUP WATUGWA

³ Vagenombogo dogovovok yiluk, andok okbigigi ako vagenombogo dugwit, “An nane adigat hunggu dogones,” yiluk, henane anye vaga yugeraup andi moga. Ata, it Ala andomba akoen hit henandogon sek adigat ogasagwi ako wakhegek dibigiluk, “At ogasiga andi, an wane-wane ogagya dogosogon,” ombarupwak yiluk, ogagu dogones.

1 Peterus 5:3 Iomraidhean Croise

Yohanes 13:15

An okhinivisiga yi, wakhegek hit wane-wane ogagu dogovovok yiluk, okhinipis.

Lakbogogi Wene 20:28

“At Nenowa Yesus amuya vaga Ala aburi homago enonggo bagagi ako andi, At andomba ovagak atma, malenombogo dogovovok yiluk, Averiniki en mikhinipigirikmu, hit henendawi suam wakhidugu dugwit, it inim des erogo yugurugu dogones.

1 Korindus 11:11

Yi menda ndi menda wokneraliga adem andi, Ala adigat agarik. Eke, it akwa enadem andi, ap-at ovara, it ap ako andi, akwa enat eneyagi endaginivisagwi atma, it akwa dek en andi it ap werek duklubuk. Eke, it ap dek en andi it akwa ogo werek duklubuk ovara, nit Nenasin ninim hunik agurik atma, akwa ap wane-wane-at agurik.

1 Korindus 3:5

An Paulus ogo, at Apolos ogo, nit sani yiluk, yagalagwi? Dek o. Niperen andi, nit un Ala ayeloman atma, Nenowa Inis Ombok en At eyavup ogarup nenadik-nenadik yuknirigya halok, yukhera wagagup vaga hit avyarat umbutugup ako.

1 Korindus 3:9

Niperen andi, Ala ninim hunik dugwit, At eyavup ogasagwi menda. Eke, hit andi, Ala eyavup ogarek inim, At awi valek inim, andi hirat agipik o.

2 Korindus 1:24

“It wene yi, avyarat ombakluk, wugu dogopwak o,” yiluk, nane anye erogo yukheraup yiluk, warup embetetek. Ata, hit henendawi avyarat ombasagwi ako vaga, mondok wadokdek agipik atma, hit hinim ogagu dugwit, hit avyarat ombakluk, henendawi adenggen wisane helagwi ako, ombok erogo havovok yiluk, okbigigaguluk warup umbutugup.

2 Korindus 4:5

“Nit ap iya o,” yiluk, ogasagwi menda mbilinogo yukherelagwidek. Ata, “At Yesus Keretus andi, Nenowa Inis Ombok atma, At adigat mondok iya,” yiluk, yukherelagwi. Eke, nit ogo, “Yesus ake yiluk, hit henayeloman aro,” yiluk, yukherelagwi.

Pilipi 3:17

Naswei-narupwi. An ogasiga hak, hit wane-wane ogagu dogones. Eke, henaswemuni ninen nit ogasagwi hak ogaguselok, hinil des erogo dombalinipu dogones.

Pilipi 4:9

An wene mamulhirigya neyagek, wugu lagagup inim, iri neyagek henaruk hunggu lagagup inim, ogagya neyagek hinil neyagu lagagup inim, ako ovok erogo ogarit nagu dogones. Eke, nenendawi ugun seyalek adenggen dogoguluk, okbininaliga Ala ako enat hinimat dogosogon.

1 Tesalonika 1:7

Anderogo ogagu lagagupmu, it avakwa avyarat ombasagwi ako o Makedonia inim, o Akaya inim, ovok erogo hit Tesalonika menda ogasagwi ako il wakhegek ogasagwi.

2 Tesalonika 3:9

Henangge-henangge nggino yukherelok un naup sek ovara, nit ogarit lendagwi ako hit ndatak ogagu dogovovok yiluk, ogagu lagagup.

1 Timotius 4:12

Hat heyave ao sawe atma yiluk, avakwa en sovalogo bagaup andi moga. Yagaliga inim, ogasiga inim, avakwa hendawi hunik oginivisiga inim, Yesus Keretus avyarat ombasiga inim, hendawi weyak embetetek dugwit ogarit landiga ako inim, ogasiga andi vaga it ap avyarat ombasagwi menda hat il wakhegek dugwit, ogagya dogwen.

Titus 2:7

Avakwa hat vaga il wakhegek ogagu dogopwak yiluk, hat yi ogagek ndi ogagek ogagya dugwit, sek adigat ogarit lagya dogwen. Ogarit lagya dugwit, wene mamuleraliga ako, ugun hat hane inim hondalogo mamulirigya, hagayuk dek enda wene adigat yugirigya, ogagya dogobuk.

1 Peterus 2:9

hit andi, o hwiserekma welagagup ako hekbaluk, At Ala en At o awiya eve mondok iya-at agarikmu akoma dogovovok yiluk, henayonggo bigigu lagagirik, At mondok sek ogasiga menda sigam erogo yugurugu dogovovok yiluk, enogo bigigi. Aren “Hit An menda aro,” yiluk, enogo bigigu, imam-imam ovagak dugwit, At Nenasin Inis Ombok ake ogagu dogovovok yiluk mendek okbigigu, “Hit An naburi nake sek adik enek dogogup o,” yiluk, enogo bigigu, eke, hit hininis unggul At inis unggul menda salogo bigigu, ogagagi.