1 Peterus 5:1 - ALA WENE HIVIS DIRUP WATUGWA

¹ Nowa-nasin o. Hit Ala aburi enanggelekma dugwit vagenombogo agipik hak, an ogo Ala aburi vagenombogo agirik en wene ambi yukherayogon. At Keretus anggin-mbanggin ovaga bagu lagagwa ako, an nil hagagis atma, hivis At eyave siyalek dugwit sigam ari warup amor agyaim, “An ogo siyabanisogon,” imbita dugwit, “Wene eyave yukheraup,” ombasiga ambi des erogo hunggu dogovovok yiluk, yukherayogon o.

1 Peterus 5:1 Iomraidhean Croise

Lukas 24:48

Ogagya neyagep yi ako, ovok erogo vagalogo yugeregek nagu dogop andi hiratma,

Lakbogogi Wene 1:8

Hit ako Averiniki henovaga wambu wagya dugwit, At anye okbugugu hegek, o Yerusalem inim, o Yudea ovok erogo inim, o Samaria inim, yi awi ndi awi atok-atokma andoma ovok erogo inim, An ogarit nagu lagagis hinil neyagu lagagup wene ako yugeregek nagu dogop,” yiluk, yugeragagi.

Lakbogogi Wene 11:30

yiluk, wonggalogo baluk, Mbarenabas Saulus iperen lakbugu lagagwama, iren wolok, Ala aburi enasini o Yerusalem ako wogera lagagwa.

Lakbogogi Wene 14:23

Avakwa Ala wene homarisagwima adik-adik akoma enasini dogopwak yiluk, Paulus Mbarenabas iperenen ap denogo mondok okbugu lagagwarik, erom nenggetek samban ogagu dugwit, “Nenasin o. It ap yi, enendawi hovaga vanggabaluk avyarat embetao atma, ogarit nagusigik, des erogo vagenombogo dogonyok,” yiluk, enake samban ogagagwa.

Lakbogogi Wene 15:4

Okbisilin it ako o Yerusalem nunggugu lagagwama, it Ala aburi o Yerusalem homago inim, it lakbigik menda inim, it Ala aburi enasini inim, akoen heyaga wakbugu lagagwama, “Ala en okbininggu hegek anderogoat ogagyo,” yiluk, ovok erogo mbilinogo yugeragagwa.

Lakbogogi Wene 15:6

Yugurugu lagagwama, it lakbigik menda inim, it Ala aburi enasini inim, wene andi mbaluguluk, homagagwa.

Lakbogogi Wene 2:32

“Yesus warogo bagagup ako andi, Ala en iluk erogo mendok okbagagi nit ovok ninil hagagup atma, nit sigamat yukherelagwi.

Lakbogogi Wene 20:17

O Miletus nunggugu lagagurik, andoma en at Paulus ako, it Ala aburi enasini o Evesus welagagwa ako warupwak yiluk, enayonggo lakbogogi.

Lakbogogi Wene 20:28

“At Nenowa Yesus amuya vaga Ala aburi homago enonggo bagagi ako andi, At andomba ovagak atma, malenombogo dogovovok yiluk, Averiniki en mikhinipigirikmu, hit henendawi suam wakhidugu dugwit, it inim des erogo yugurugu dogones.

Lakbogogi Wene 21:18

Wokninipu lagagwama, nogo yiluk, hutun at Paulus ninim it Ala aburi enasini ovok erogo werekma Yakobus bikha lagagup.

Lakbogogi Wene 3:15

Niniluk okninivisiga menda adem ako Arat hegek hirenen watugup ovara, Ala en hambisagwima en iluk erogo mendok okbagagi ako ninil hagagup atma, vagalogo yukherelagwi o.

2 Korindus 5:1

O wen vaga yoma neneyave o eravo valek hak yi, mbugup-mbugup wambigya halok, avoloma ambi mbogot vaga menda valek agarik ninilup aro. Mbogot vaga menda valek andi, avakwa en valogo bininggitek. Ata, Ala enat valogo bininggigi atma, mondok-mondok-at dogosogon.

2 Korindus 5:8

Neneyave endak menda yi, hekbaluk, Nenasin werekma, mondok-mondok inim dogop hogop wisane ombasagwi ovara, nenendawi seyalek adenggenat agurik.

Pilipi 1:19

Hiren nake samban ogagwi, eke, Yesus Keretus Averiniki en yonggat-nitya, ogasagwi andi vaga heda visilogo bani wulu warusogom an nilup atma, nendawi adenggen adigat ombasiga.

1 Timotius 5:1

It ap enanggok halok, hane anye vaga mbererabuk. “Yi nasini ndatak atma,” yiluk, enendawi aik wakbugu dogwen. It apsawe andi, hat haswei ndatak,

1 Timotius 5:19

Ap mberen a, henggam a, “Anderogo ogaga o,” yiluk, yegetekma, at ambien adigat ap Ala aburi enasin ambi ane ovaga bagya halok, at ane andi, hulubuk.

2 Timotius 4:8

Eke, yogak At wene atma nggedok owak dilisiga Nenasin en it avakwa yavup sek okbaguselok, onggo nggudit-nggudit henago mahkota yikbisaliga menda, At warup hudi an ambi yikbanupwak yiluk, baninggigi ako agarik. An nadik yikbanisogonbuk. Ata, yi avakwa ndi avakwa en, “At sigam ari warupwak ai,” yiluk, sok helagwi ako ovok erogo yikbisayogon.

Titus 1:5

An ogagetek baluk wagagis ako hologo bugu, eke, o kota adik-adik Ala aburi enasini dogopwak yiluk, “Ap andi menda mondok okbisaup,” yukhogogis ako mondok okbugu, ogagya dogonyok yiluk, hat o Kereta hekbagaluk, an wulu wagagis.

Vilemon 1:9

hat an nendawi hunik atma, nane seve erogo yukhirisogon o. An Paulus ako ap ovok nanggok agirik. Eke, Yesus Keretus wene yugeregek landiga vaga heda maknitugwa yogak yoma dugwit,

Iberani 12:1

It avakwa enendawi Ala ovaga vanggabaluk, avyarat umbutu dugwit ogagu lagagwa yigyo akoen, “Nit ogagu lagagup ako wane-wane ogagu sami a, dek a?” yiluk, eneyave apik homago walinek inil vurek agarwik ovagak atma, nit sup hupuk lagu dugwit, nenanyedek agya haoen, yi menda ndi menda nenovaga durik agarik ako inim, weyak ogarup nenendawi hunik umbutu dugwit yidilogo bininaliga ako inim, ovok erogo nggolalogo mbobagu dogosogom. Mbobaluk, “Hupuk andi hudi mendek yilales,” yiluk, yukneragagi ako, nenendawi mondok wadokdek dugwit, hupuk mendek yilagu dogosogom.

1 Peterus 1:12

Ogagusigik, At Ala en it navi-navi ako yugirigya dugwit, “Wene yi andi, hit henake yiluk yukheraligadek o. Wene yi andi, it hivis endaklendagwi menda enake-at yukheraliga,” yiluk, sigam erogo yugirigya lagagimu, wene andi yugu lagagwa. Wene andi, hivis Ala Averiniki mbogot vaga en lakba wagya lagagimu, ap enendawima nunggwigya lagagirik, yogak Sek Wene Yesus Keretus avok wene ako yukheragagwa. Wene andi, it malaikat ogo dibaup hogop ombasagwi ovara, nit nenake yiluk yugurugu lagagwa helagwi.

1 Peterus 1:7

Mbusi emas onggo ombok menda andi, un sidok dek arup menda hegek, “Eve sek a, weyak a,” yiluk, hali vaga avut mbalisagwi ako wane-wane, hit avyarat ombasagwi ako andi, mbusi emas wane-wane dek. Hit avyarat ombasagwi ako andi, mondok eve iya atma, anggin-mbanggin henovaga agya halok, “Wadokdek isami a, dek a? yiluk, henavut mbalisiga atma, henendawi wadokdek hiniselok, hivis Yesus Keretus eyave sigam ari wagya dugwit, “Segat ogagep o,” yiluk, adenggen henovaga bigigu, hininis siyabigigu, “Wi!” yiluk, vok yukhirigya, ogari warisogon.

1 Peterus 4:13

Ata, hit idup-mbidup okbigigelagwi ako andi, hivis, At Keretus mondok siyalek wagya ako hinil hugu dogomundik, henendawi adenggen mondok iya erogo okhinivupwak yiluk, “Yogak At Keretus okbagu lagagwa akoat okbininelagwi atma, sek aro,” yiluk, henendawi adenggen umbutu dogones.

1 Peterus 5:4

Anderogo ogagu hiniselok, nit ndomba vaknenombogo agarik Nenowa ako, hivis wagya dugwit, “Hit mondok sek ogagu lagep o,” yiluk, nggudit-nggudit henago mondok abinak werek vidis asigadek menda yikbigiga warisogon.

1 Yohanes 3:2

Naswei. Hit an nendawi hunik atma, wene ambi yukherayogon. Nit yogak At Ala aburi agurik o. Eke, nit hivis nggarogo okbininaup ako, nit ao sigam hegetek ovara, At wagya halok, “At eve anderogo agarik,” yiluk, yedok hagup ako ndatak-at neneyave okbininaup ninilup.

2 Yohanes 1:1

Ai narup wa. Hat Ala en mikhitigi ako inim, hat heyagi inim, an Yohanes en wene ambi yukherayogon. An Ala aburi vakhenombogo agirik yi akoen hit avyarat nendawi hunik okhinivisiga atma, yukheraliga. An nadigat nendawi hunik okhinivisigadek. Ata, it avakwa avyarat wene Yesus avok inilup agarwik ako ovok ninim en nenendawi hunik okhinivisagwi.

3 Yohanes 1:1

Naswe Nggayus wai. An Ala aburi vagenombogo agirik yien, hat naswe nendawi avyarat mondok hunik atma, wene ambi yukhirisogon.

Wahyu 1:9

Hit anggin-mbanggin henovaga bugugusigik ovara, “Ala avema bininggigi atma, sek aro,” yiluk, Yesus hinim hunik henendawi wadokdek dugwit, welagwi. An henaswe Yohanes ogo, anderogo wane-wane anggin-mbanggin okbanunggusigik, wigya lagagis. Andi, anen Ala wene yukhirigya, eke, Yesus wene iri lagagi ako vagalogo yukhirigya, ogasiga ako vaga, ilim is enggema o inis Vatmos bani wagagwa andoma welagagis.