1 Peterus 4:7 - ALA WENE HIVIS DIRUP WATUGWA

⁷ O hivis ogarup ako vage horok ari wagarikmu, samban ogagu dogovovok yiluk, henendawi alep mbabetaluk, henova hwalogo dogones.

1 Peterus 4:7 Iomraidhean Croise

Matius 24:42

“Anderogo atma, Henasin An ako, o ngga vaga warup hinunggut atma, henendawi suam watu dogones.

Matius 25:13

Yugirigya lagagirik, At Yesus en, “O ngga vaga warup inim, mo il maren vaga warup inim, ako hit hinunggut atma, henendawi suam watu dogones o,” yiluk, yugeragagi.

Lukas 21:34

Yesus en wene ambi yugirigya dugwit, “Bagas sakno bagoma mbikit sopalandiga hak, ‘Ndugwis andi vaga anderogo okhinivisogon,’ yiluk, wene yukhirigi ako, hit avakwa o wen vaga yoma ovok erogo ndugwis ambi vaga mbikit supuk erogo okbigiga wasogon atma, henendawi suam wakhidugu dogones. Yi menda ndi menda henagaum dek heda nenggek nagwis, amburup nenek oginivisiga menda nenggek nagwis, ‘Nangge nggarogo okhedaik o,’ yiluk, henendawi anggin wisane wenggelit nagwis, ogagu dugwit, henendawi ugun obak hinisaoen, henendawi suam wakhidugu dogones.

Lukas 21:36

Samban adigat ogagu dugwit, henendawi suam wakhidugu dogones. Andi ogagu hiniselok, anggin-mbanggin okhinivup ako henendawi wadokdek dugwit, henanye erogo wugu dogomundik, An Ap-At Endaklagagis nivaga henanggadidek dugwit mendek yugup,” yiluk, yugeragagi.

Lukas 22:46

Nogo yugwis ako inigu lagagirik, it yugirigya dugwit, “Hit nano yiluk nogo yilagwi? Weyak ogarup henendawima mali wagya haoen, hiniluk akluk, samban ogagu dogones,” yiluk, yugeragagi.

Oroma 12:12

“Ala sek ogarisogon,” henape wenggelek dugwit, adenggen umbutwi, anggin-mbanggin henovaga agya hegek henendawi wadokdek dugwit wugwi, samban ogarup hekbagetek ndugurek-ndagarek ogagwi, ogagu dogones.

1 Korindus 15:24

Mondok okbininggu halok, o hivis atok vaga arup akoat ari warisogon. At Ala en, “It ninim ogorek agarwik ako sovalogo bigitek neyagek, Keretus adigat inis ombok siyalek dogopwak o,” yiluk, imbitigi. Imbitigi atma, yi madis ndi madis inim, ap ombok avakwa vagenombogo agarwik inim, enanye werek menda inim, it Ala inim ogorek agarwik menda ovok erogo At Yesus en degerogo bisayogon. Degerogo bugu dogomindik, nit Nenasin Ala avema dogogwen yiluk, At aburi okninipigi ako adigat woknenombolok Ala avema binina layogon.

1 Korindus 7:29

Nowa-nasin o. O hivis oklarup hudi ako vage horok vanggo yi wagarikmu, yogak en, hit ap henogwai werek akoen henogwai dek ovagak akluk, dogop.

Evesus 6:18

Hit yi menda ndi menda ogagu dugwit, Ala en yonggat-hinavupwak yiluk, Averiniki en yukhirigya hegek, mbup yegetek Ala nggino yugugwis, samban ogagwi, ogagu dogones. Samban ogagu dugwit, henendawi alep mbabetaluk, hekbagatek ndugurek-ndagarek it Ala aburi ake denek ovok erogo enake samban ogagu dogones.

Pilipi 4:5

Nenowa Inis Ombok eyave horok ari wagarikmu, it avakwa ovok en, “Enendawi sagain vaga avakwa sek okbisilin nagu sugup o,” yiluk, henombarupwak yiluk, ogarit nagu dogones.

Kolose 4:2

Henovarali agetek o hutun howam samban adigat ogagu dugwit, Ala, “Wa,” yugugu dogones.

2 Timotius 4:5

Anderogo ovara, hat halok andi, yi wene ndi wene wagya haoen, hendawi suam watya dogwen. Edup-mbedup okbagagusigik, hendawi wadokdek dugwit wigya, ap Sek Wene yugeregek lendagwi hak, hat ndatak yugeregek lagya, eke, hat Ala eyavup ogagya dogonyok yiluk, mendok okbagagagwa ako weralogo ogagya, ogagya dogwen.

Titus 2:12

Sigam agagirikmu, wene andi vaga Ala en, “Hit o wen vaga yoma dugwit Ala henalon embetetek weyak ogasagwi inim, wen vaga ogarup henendawi ninggya inim, ovok erogo hekbaluk, henendawi werek akluk, weyak ogagetek sek adigat dugwit, Ala wene wokbaluk ogarit lagu dogones o,” yiluk, yukneraliga.

Iberani 10:25

It avakwa nin nit Ala wene yugusim ninim homasagwidek ako hak hit anderogo dogobuk. Ata, nenendawi aik war-wat yagalagwi andi, “Yesus warup vage horok ari wagya higi,” umbutu dugwit, nenendawi angge wurogo ambi inim ogagu dogosogom.

Iberani 9:26

At ap imam-imam enasin ombok akoen sapi-kambin amuya wolok tahun ambi ogagya halok, nonggegek ogagya lagagi hak, Keretus en At amuya vaga anderogo ogagya duklipmu en, At o wakhagagi hudien mbikit, yogak yi hudi yagan watik adigat ogagya duklip. Ovara, At amuya adigat vaga yi weyak ndi weyak ovok erogo degerogo bayogon yiluk, o hivis arup yogak vage ari wandiga yi vaga, “Enavoloma hambisogon o,” yiluk, wambu wagya lagagirik, ndugwis ambiat vaga nenake yagan warogo hombagagi.

1 Peterus 1:13

Anderogo atma, nowa-nasin. “Hivis At Yesus Keretus wagya andi vaga Ala endawi hunik en sek okbinina warisogon o,” yiluk, wene andi vaga henape mondok wenggelek dugwit, alep mbabetaluk henova anggat erogo dogones.

1 Peterus 3:7

Anderogo wane-wane, yogak hit ap henogwai werek en ogagu dogop ambi yukherayogon. It akwa eneyave andi enanyedek agarwik dibisiluk, henogwai hinim enabwa umbutu dugwit henendawi sagain vaga henane sek erogo yugurugu dogones. Eke, henendawi weralek dugwit, hinim samban ogarup meyan okhinipu haoen, “Ala nenabwa en niniluk mondok dogop menda nenogwai ninim wane-wane andok okbininayogon o,” yiluk, sek okbugu dogones.

1 Peterus 5:8

Hit hinim ndup agipik Sile akoen weyak okhinivigiluk, singga yangge do aninis werek ovagak heneyave yum yekhinivigiluk aik nde yagan havethinivit naliga atma, hit mondok henendawi alep mbabetaluk, suam watu dogones.

Wahyu 16:15

Andi higya lagirik, Nenasin en yuknugu dugwit, “Dibas! An ap onggop waliga ovagak mbikit supuk erogo warisogon atma, avakwa ombokma en henagap mbedan nagu hiniselok, henanggadi agu hinisaoen, henova hwalogo dogones. Henasum mondok nggetalogo yikbetaluk, An nabyam werekma, An wagya neyalok, henendawi adenggen okhinipu hagup o,” yiluk, yuknugu higi.