1 Peterus 4:6 - ALA WENE HIVIS DIRUP WATUGWA

⁶ Anderogo atma, it avakwa hombagagwa menda ako, Ala en avakwa ovok erogo enowak dilisogon hak, it ogo enowak dilisogon ovara, At Ala iluk agarik hak, it wane-wane enanggela mondok-mondok iniluk dogopwak yiluk, Sek Wene yugeralagagi.

1 Peterus 4:6 Iomraidhean Croise

Matius 24:9

“O andi hudi it avakwa en hit heneyave vagarogo henovaga idup-mbidup okbigiluk, henarupwak yiluk, wogurugwi, it avakwa ininis unggul adik-adik en hit An nane wagagup vaga, enanggon hinumbutwi, ogarugup.

Oroma 8:2

Andi, nit weyak ogasagwi halok, hambugu dogop wene ako vaga heda mago werekma, wene At Ala Averiniki niniluk okninivisiga akoen nit Keretus Yesus inim hunik dugwit, heda visilogo bininggigirikmu agurik.

Nggalatia 2:19

Musa wene ako hegek adik ogagagis vaga narogo baninggya lagagimu hombagagis ovagak atma, yogak, “Yerogo ogarup, nderogo ogarup,” yuknisiga ako, an hulup mondok meyan. An niluk Ala ake denek agirik. At Keretus eyave yo winik vaga lobalogo bagagwa andi, an ninimat yo winik vaga natugwa.

Nggalatia 5:25

Nit Ala Averiniki en swi niniluk okbininggigirikmu, Arenen yuknirigya halok adigat ogarit lagu dogosogom.

1 Peterus 1:12

Ogagusigik, At Ala en it navi-navi ako yugirigya dugwit, “Wene yi andi, hit henake yiluk yukheraligadek o. Wene yi andi, it hivis endaklendagwi menda enake-at yukheraliga,” yiluk, sigam erogo yugirigya lagagimu, wene andi yugu lagagwa. Wene andi, hivis Ala Averiniki mbogot vaga en lakba wagya lagagimu, ap enendawima nunggwigya lagagirik, yogak Sek Wene Yesus Keretus avok wene ako yukheragagwa. Wene andi, it malaikat ogo dibaup hogop ombasagwi ovara, nit nenake yiluk yugurugu lagagwa helagwi.

1 Peterus 3:18

Nit weyak ogasagwi ako ovok erogo dek okbayogon yiluk, At Keretus ndugwis ambiat hombagagi. At weyak ogasigadek sek adigat ogasiga akoen, nit sek ogasagwidek weyak adigat ogasagwi ako, Ala avema bigigayogon yiluk At eyave ap-at agya lagagirik, warogo bagagwa nit nenake-at hombagagi ovara, Ala Averiniki en iluk erogo mondok okbagagi.

1 Peterus 3:19

Iluk okbagya lagagimu, it o muk hombagagwa enanggela heda mago werekma wene yugeralagagi.

Wahyu 14:18

Andien, malaikat adik ambi hali hunisiga menda vagago agarik ako hali hunisigama akoma en wulu wagya lagarik, at malaikat eyaga savit ovat endak inggimu wulu waga ako, ane ombok vaga yugugu dugwit, “O wen vaga yagamu andoma anggur enggen yugup ako, mondok hoda agarikmu, heyaga savit ovat wisane andi vaga mbali wambilak,” yiluk, yugugu higi.