1 Peterus 4:4 - ALA WENE HIVIS DIRUP WATUGWA

⁴ Eke, yogak ambi inim ogagetek hiniselok, it avakwa Ala wene inunggut menda ako enendawi mondok dek dugwit, yi weyak ndi weyak ugunat ogasagwi ako, it inim ari lagatek hiniselok, “Wi,” yiluk vok yugu dugwit, enane weyak henovaga bigigelagwi.

1 Peterus 4:4 Iomraidhean Croise

Matius 23:25

“Hit Ala wene vagago agipik menda inim, ap Varisi menda inim, henagavoval ovagak yagalagwi menda yi, hit henagas owak sogolowak inim, henowalup inim, agap weram adigat hurisagwi ovara hegek, henendawi sogolowak ilim ovagak dugwit, avakwa enangge haurogo hedaup inim, ‘An nadigat woknirup,’ ombasagwi inim, henendawima ovok erogo mbin erek agipik atma, anggin henovaga arugup!

Lukas 15:13

“Wogirigya lagagimu, ndugwis ambukum welagagirik, abut elavo akoen asin angge wogogogi ako ovok erogo wonggalogo onggo hundutu lagagirik, ayoparip hedelok o hunogoma adumu akoma winggigi. Wunggu lagagirik andoma dugwit, endawi ugun dibagetek ogarit lagya dugwit, ayoparip ako dek okhedagagi.

Lakbogogi Wene 13:45

Homari wagwi ako vaga it Yakuri menda inil inigu lagagwarik, “A! Nit nenane hulup ovagera, it enane adigat hulup andi, nenanggon!” yiluk, enaninis en at Paulus ane iris ako saganggu dugwit, wiyiknom-weyaknom yugogogwa.

Lakbogogi Wene 18:6

Yugirigyama, it ako inim ogot hudugu dugwit, wiyiknom-weyaknom erogo bagu lagagwama, Paulus en, “Hit degerogo bigigaup andi, an novavut vaga dek o. Hit henovadombok okhedasogom vaga degerogo bigigayogon. Eke, an yogak en it ap weram Yakuri dek menda yugeregek nagu dogosogon,” yiluk, it dibapwak yiluk, yum mupwak davulagagi ako yumbulogo enovaga lakbalagagi.

Oroma 13:13

Amburup nunggu lagarwik, nenek-at yagan nagwis, ndawi weyaravok watu dugwit, akwa ugun ogunupwis, enendawi en ninggya halok ugun ogarit nagwis, war-wat yugwi, haterek-anderek yagan nagwis, ogarit nagu dogop moga. Ata, o dingga vaga dugwit, des erogo ogasagwi hak, nit anderogoat des erogo ogagu dogosogom.

Evesus 5:18

Eke, anggur agas nunggu dogomundik, nenek yagan lasogom vaga weyak okhedaup atma, hekbaluk, Ala Averiniki adigat henendawima hobo-hobo erek dugwit ogagu dogones.

1 Peterus 2:12

It ap weram enendawi avyarat ombasagwidek menda akoen, “It weyak ogarit nelagwi o,” yiluk, henavok yagalagwi ovara, hit sek adigat ogarit lendagwi dibigigu dogomundik, Yesus wagya andi vaga Ala siyabapwak yiluk, enanggelekma dugwit, henova hwalogo dogones.

1 Peterus 3:16

Hit Keretus hinim hunik dugwit, sek ogarit lagu hinigik, it wiyiknom-weyaknom erogo bigigelagwi akoen, hit sek adigat ogarit lagwi vaga, “Ia!” yiluk, enanggadi arisogon atma, henendawi weyak ambi wenggelagetek henendawi sek vaga henane sagain erogo yugurugu dogones.

2 Peterus 2:12

It ap wene huluk molalogo yukherelagwi ako, wam endawi dek ugun ogarit nagusigik, avakwa en vakbaluk, warogo isarisagwi hak, it ap andien wene adem des erogo inunggut dugwit wiyiknom-weyaknom erogo belagwi andi vaga, it enovadombok eneyave wam warisagwi hak Ala en enarisogon.

2 Peterus 2:22

Avakwa en wakhegek yagalagwi menda mberen yi, it ap andi ndatak ogasagwi: “Yangge en bobo ukbaluk, andien hivis eyami vaga dagalogo naliga,” yiluk, yagalagwi ako, eke, ambi, “Wam nggamo sek erogo wakbelagwi ovara, andien, eyami vaga suguliluk iborokma-at huli wari nunggwisiga,” yiluk, yagalagwi ako inim, avyarat yagalagwi atma, it ako andi wane-wane-at ogarit nelagwi.

Yudas 1:10

Anderogo ovara, it ap henanggelekma nunggu wagao andi, wene adem des erogo inunggut hegek wiyiknom-weyaknom erogo bagu dugwit, yangge endawi dek en ugun ogarit landiga hak, it anderogoat enendawi weyak ogarup oginipu halok ogarit laup ako adigat inilup dugwit ogarit lendagwi atma, eneyave-at degerogo betelagwi.