1 Peterus 4:3 - ALA WENE HIVIS DIRUP WATUGWA

³ Hit endak henandogon it avakwa Ala inunggut menda en ogarup enendawi hunik okhidugu dugwit, ogarit nelagwi ako, hit eve iya erogo ogarit nagu lagagup. Ogarit nagu dugwit, ugun hogop adigat umbutu dugwit ogagwi, henendawi en ninggya halok musek nagwis, amburup nenek oginivisiga menda enagaum erogo nenggek nagwis, ndawi weyaravok watu dugwit, avakwa ugun ogunupwis, amburup enagaum erogo nelok nenek-nenek yagan nagu dugwit, weyak ogagwi, madis agoda werek menda inis adup ogagwi, ogarit nagu lagagup.

1 Peterus 4:3 Iomraidhean Croise

Markus 7:22

ap ogwa werek hwa agun werek hegek ogagwi, ap enangge hogop umbutwi, yi weyak ndi weyak ogagwi, henane agil-amok vaga ap enendawi wugwi, henendawi hwa vaga adigat wenggelek dugwit, ugun-ugun ogarit lagwi, haterek-anderek yugwi, mbidarogo bugwis, an iya umbutwi, ap wes okhidugwi,

Lakbogogi Wene 17:30

O muk erogo ninunggut dugwit ogagu ninigik, Ala en ugun welagagi ovara, yogak andi, nit yi avakwa ndi avakwa ovok erogo nenomaduk nenasam helok mondok mbobaluk Yesus ambetaga lagu dogop yiluk yukneraliga.”

Oroma 13:13

Amburup nunggu lagarwik, nenek-at yagan nagwis, ndawi weyaravok watu dugwit, akwa ugun ogunupwis, enendawi en ninggya halok ugun ogarit nagwis, war-wat yugwi, haterek-anderek yagan nagwis, ogarit nagu dogop moga. Ata, o dingga vaga dugwit, des erogo ogasagwi hak, nit anderogoat des erogo ogagu dogosogom.

1 Korindus 12:2

Hit endak, Ala wene hunggitek dugwit, huvuwak ane yagaligadek menda hegek, “Anderogo yukneraliga higyo,” yiluk, sup adik nomalogo lagu lagagup ako, hinilup aro.

1 Korindus 6:11

Hit o endak en ap anderogoat welagagup ovara, Nenowa Inis Ombok Yesus Keretus ogagagi vaga Nenasin Ala Averiniki akoen henomaduk horogo bugugu, Ala aburi adik denogo bugugu, eke, “Ap yi, segat,” yiluk, wokhinupu, ogagagi o.

2 Korindus 12:21

An henadema wagya dogomindik, hit weyak mondok iya erogo ogagu dugwit, henendawi ninggya dugwit, avakwa ugun-ugun ogarit nelagwi ako vaga henasam helok hit weyak ogasagwi ako mbobagetek hiniselok, an henabwa en yup yasiga ako Nasin Ala aruk hobaluk, hit hinivaga nanggadi wakbaninggya haoen, nalon o, naswei.

Nggalatia 5:19

Enovavut endak menda vaga dugwit ogarit lendagwi ako yedok: wanggis wugwi, avakwa ugun-ugun oginivit nagwis, enendawi ninggya halok ugunat musek lagwi;

Nggalatia 5:21

haterek-anderek yugwi, amburup weyak menda nelok nenek yagan nagwis, ndawi weyaravok watu dugwit akwa ugun-ugun oginivit nagwis, andi menda ovok erogo it ogarit nelagwi halok, At Ala avema bisaligama akoma mondok nunggusogombuk, yiluk, endak yukheragagis akoat yukheraliga o, naswei.

Evesus 5:18

Eke, anggur agas nunggu dogomundik, nenek yagan lasogom vaga weyak okhedaup atma, hekbaluk, Ala Averiniki adigat henendawima hobo-hobo erek dugwit ogagu dogones.

Titus 3:3

Nit ogo, muk anderogo ndatak, wes ovagak werekma, wene yuknirugwi ako hunggitek, sup adikmu nomalogo lagwi, ap ambi ayeloman yugugu halok, “E o,” yiluk, ogasiga andi hak, nit nenendawi ninggya halok ogarup nenendawi hogop ombasagwi ako adigat ogagwi, ogagu lagagup. Yi menda ndi menda ogarit lagu dugwit, weyak adigat ogagwi, naburuk-haburuk yugwi, naninis-haninis yugwi, andi menda adigat ogagu lagagup ovara,

1 Peterus 1:14

Hit endak Ala hinunggut dugwit, henendawi en ninggya halok ugun-ugun ogarit nagu lagagup ako, hekbaluk, asin iri halok, abut hobaluk wane-wane ogasiga hak, Henasin Ala en iri halok adigat ogarit lagu dogones.