1 Peterus 4:2 - ALA WENE HIVIS DIRUP WATUGWA

² Hit anderogoat henendawi wadokdek agipik halok, o yogak yi hudien wen vaga yenam ao dugwit, henendawi ninggya ako adigat musek lagu dogobuk. Ata, Ala endawi ombasiga ako adigat wane-wane ogarit lagu dogones.

1 Peterus 4:2 Iomraidhean Croise

Matius 12:50

Ap saen An Nasin mbogot vaga menda endawi ombasiga wane-wane ogaguselok andi, hinya-naori it aro,” yiluk, yugeragagi.

Matius 20:4

‘Avyak. Hit ogo, an neyavup ogasagwima akoma, hinim ogarilales. Ogari lagu hiniselok, hit ogarumwi bikhegek, onggo wane-wane-at wokherayogon o,’ yiluk, yugeragagi.”

Matius 21:31

“Enasin ogarup endawi imbitigi ako aburi mberen atma, ambi saen ogagagi ombasagwi?” Yugirigya lagagimu, iren, “At hivis menda akoenat ogagagi higyo o.” Yugugu lagagwama, At Yesus en, “Andi halok, An wene ambi avyarat yukherayogon. Hit imam-imam enasini inim, ap ombok-ombok inim, Ala avema ao nonggegetek hinigik, it ap pemerintah enake yoparip wonggalisagwi menda inim, it akwa ugun yanenggek nelagwi menda inim, it enendak Ala avema nunggwisagwi.

Matius 7:21

Yugirigya lagagirik, wene ambi inim yugirigya dugwit, “It avakwa enane vaga en ‘Ai, Nenasin. Ai, Nenasin,’ yuknisagwi ako, ovok erogo At mbogot vaga menda avema bisagwibuk. Ata, An Nasin mbogot vaga menda endawi ombasiga ako wane-wane ogaguselok, adigat At avema bisagwi.

Markus 3:35

Sanien Ala endawi ombasiga wane-wane ogaguselok andi, hinya-naori andi it aro,” yiluk, yugeragagi.

Markus 7:21

Henendawi weyak wenggenggwis, wanggis wugwi, enonggop wugwi, ap watwis,

Yohanes 1:13

It avakwa Ala aburi okbigigi ako, avakwa enaburi endaginivisagwi hak endaginipitek. Eke, avakwa wen vaga menda en, “An nabut endarisogon,” umbutu dugwit, endaginivisagwi hak endaginipitek. Ata, Ala enat endaginipigi.

Yohanes 7:17

Ap saen Ala ogarup ombasiga ako, ogarup imbita halok, An wene mamulheraliga ako andi, Ala en yuknugu hegek, mamulheraliga a, ata An nadik ombasiga menda mamulheraliga a, ako andi, inilup arusogom.

Oroma 12:2

It avakwa wen vaga menda en enendawi ombakluk ogarit lendagwi ndatak, hit anderogo ogarit lagu dogobuk. Ata, hit adik swi menda ogarit lagu dogovovok yiluk, “An nendawi swi adik menda okbaninggya dogwen o,” yiluk, Ala yugugu dogones. Anderogo yugurup okhinipu halok, At Ala ogarup ombasiga ako andi, segat hugwi, ogarit lagu hiniselok, Ala endawi adenggen nenombasiga hugwi, eke, “Mondok sek adigat ombasiga atma, adik ambi ogarup dek,” umbutwi, ogagu dogop hinilup arugup.

Oroma 14:7

Nit niniluk agurik andi nit nenadik nenake dek, eke, hambisagwi, andi ogo, nit nenadik nenake dek o.

Oroma 6:11

Anderogo wane-wane nit ogo, weyak ogarup okninivisiga ako, anyedek erogo bagagi atma, Keretus Yesus ninim hunik dugwit, nit Ala ake-at niniluk agurik, yiluk, umbutu dogosogom.

Oroma 6:2

Mondok dek aro. Nit weyak ogagu lagagup ako avakwa hambisagwi hak anye dek erogo bagagi hegek, nggarogo yiluk nit ambi inim weyak adigat ogarit lagu dogop ombasagwi?

Oroma 7:4

Naswei. Anderogo wane-wane, hit ogo, Keretus eyave watugwa andi, hinimat hombagagup atma, Musa wene ako avema agipikbuk. Eke yogak andi, hit Ala ake sek ogagu dogovovok yiluk, At Yesus hambisagwima en iluk erogo mondok okbagagi ako At angge-at wokhinipigirikmu agipik.

2 Korindus 5:15

Eke, nit ovok nenavoloma hombagagi ako andi, nit niniluk agurik yi nenadigat nenake ogarit nagu dogopwak yiluk, hambegetek. Ata, At nenake hambigya lagagimu, iluk erogo mondok okbagagi ako, ake ogarit nagu dogosogom yiluk, nenavoloma-at hombagagi higyo.

Evesus 2:3

Endak nit ovok erogo enanggelekma dugwit it weyak ogasagwi ako wane-wane ogagu lagagup. Nit nenendawi endak menda en yuknirigya hegek nenendawi ninggya halok musek lagwi, weyak ogarup okninipu halok ogarit lagwi, weyak ogarup adigat nenape wenggelit nagwis, ogagu lagagup. Ogagu lagagup vaga, it nin Ala wene sovalogo baluk, weyak adigat ogagu lagagwa vaga Ala aninis enovaga bugu hegek welagagwa ako wane-wane, nit ogo Ala aninis mondok nenovaga bininaup-at welagagup.

Evesus 4:17

Anderogo atma, naswei o. “It avakwa Ala inunggut menda en un enam warogo enendawi wenggebaluk, ogarit lendagwi hak, hit anderogo ogarubuk,” yiluk, Nenowa en yuknugu halok, an henaruk warisiga.

Evesus 5:17

Henendawi apik dugwit ugunat ogarit lagu dogobuk. Ata, Nenowa en ogarup ombasiga ako adigat dibaluk, ogarit lagu dogones.

Evesus 6:6

Ogarit lagu dugwit, enendawi sek henombarupwak yiluk, inil inigik adigat ogagu dogobuk. Ata, “An Keretus ayeloman atma, Ala endawi ombasiga akoat, ogarisogon o,” yiluk, henendawi sek sagain vaga okbigik nagu dogones.

Kolose 1:9

Hit anderogo ogarit lendagwi nenaruk hunggugup hudien mbup yegetek ndugurek-ndagarek henake samban ogagu dugwit, Ala en ogarup ombasiga ovok erogo Averiniki en hinilup okbugugu dugwit, yi wene ndi wene adem ovok erogo yedok hugwi, eke, henendawi werek okbugugu, ogagya dogopwak yiluk, Ala yugisagwi.

Kolose 4:12

Eke, at henaswe Epaveras inim hai wakbigigas. At Keretus Yesus ayeloman atma, hit henake samban ogagya dugwit, hit avyarat umbutugup ako mondok wadokdek vagago dugwit, henendawi hoda arovovok yiluk, samban ogasiga. Eke hiren, “Ala en nit ogarup ninimbitigi ako yi aro,” yiluk, avyarat umbutu dugwit, ogarit lagu hinisapwak yiluk, abwa edok erek dugwit henake samban ogasiga.

1 Tesalonika 5:18

Hit Keretus Yesus hinim hunik dugwit, ogarit lagu dogop hinimbitigi ako andi, yi menda ndi menda okbigigelagwi ako, Ala adigat “Wa,” yugugu dogones.

Iberani 13:21

Anderogo atma, At Ala ogarup ombasiga ako, hit mondok wane-wane ogagu dogovovok yiluk, yi menda ndi menda eyave menda halok adigat des erogo okbigigu, eke, Yesus Keretus ogagagi vaga nit nenovavut amot arup endawi sek ombasiga ako okninipu, ogagya dogosogon atma, At inis mondok-mondok siyabagu dogosogom o. Amin!

Yakobus 1:18

At Ala en yi menda ndi menda ogagagi ako sovalek hegek, nit At angge enek dogopwak yiluk mikninipu lagagirik, wene avyarat yagagi vaga okbininggigi.

1 Peterus 1:14

Hit endak Ala hinunggut dugwit, henendawi en ninggya halok ugun-ugun ogarit nagu lagagup ako, hekbaluk, asin iri halok, abut hobaluk wane-wane ogasiga hak, Henasin Ala en iri halok adigat ogarit lagu dogones.

1 Peterus 2:1

Andi halok, hit weyak ogasagwi menda andi mondok hekbaluk dogones. Huluk wene yagalagwi inim, enagavoval yagalagwi menda inim, haterek-anderek yagalagwi inim, navok-havok yagalagwi inim, andi ovok erogo hekbagu dogones.

1 Yohanes 2:17

It ap wen vaga menda en enendawi wenggebaluk ogasagwi inim, yi menda ndi menda enendawi ninggya halok musek lendagwi inim, ovok erogo dek arisogon. Dek arisogon ovara, Ala endawi ombasiga menda ako, hit wane-wane ogagu hiniselok andi, mondok-mondok hiniluk-at dogogup.