1 Peterus 4:16 - ALA WENE HIVIS DIRUP WATUGWA

¹⁶ Ata, “Hit Keretus aori menda aro,” yiluk, anggin henovaga bigiguselok andi, henanggadidek dugwit, “Wi! An Keretus aot halok, At inis andi an ninis sabanilagwi atma, segat,” umbutu dugwit, Ala, “Wa,” yiluk, inis siyabagu dogones.

1 Peterus 4:16 Iomraidhean Croise

Pilipi 1:29

At Ala en henabwa imbita dugwit, ogarup imbitigi ako andi, hit henendawi Keretus ovaga vanggabaluk avyarat ombarovovok yiluk adigat imbitigibuk. Ata, At Keretus inis wogogup vaga anggin-mbanggin inim havovok yiluk imbitigi.

1 Peterus 4:19

Anderogo atma, hit idup-mbidup okbigigelagwi ako andi, Ala endawi ombasiga vaga okbigigelagwi atma, hit sek adigat ogarit lagu dugwit, henendawi inim, heneyave inim, ovok erogo At heneyave werek okhinipigi des erogo adigat ogasiga ako andok dogopwak yiluk, wogokluk dogones o.

2 Timotius 1:12

Denogo baninggigirikmu, ogarit lagya neyagek, avakwa en anggin okbanilagwi ovara, nanggadi embetetek agirik. An nendawi At ovaga vanggabaluk avyarat imbitigis Yesus ako andi, an ovok nilup aro. Eke, an ogagya dogogiluk, yavup ninggimu okbaninggigi ako Nenowa warup ako wagetek hegek, dek arisogonbuk. Ninim dugwit, nanye okbaninggya hegek, ogagya dogosogon o, avyarat ombasiga.

Lakbogogi Wene 5:41

Wene amburup mbalisagwima akomaen wibugu lagagwama, lagu dugwit, “Nit At Yesus inis yagan nelagwi vaga nenanggadi warogo bininggao andi, sek aro,” yiluk, enendawi adenggen wisane embetek lagagwa.

Pilipi 1:20

An ogagya dogogiluk andok okbaninggigi ako, nin ogagetek neyalok, nanggadi arup nanggon atma, “Ai,” ombasiga. An neyave vaga Keretus siyabaup ombasiga ako, yogak wane-wane imbita dugwit, hambup halok, niluk dogop halok, “Sek adigat aro,” yiluk, nalon dek dugwit yugeregek nagu dogop hogop adigat ombasiga o.

Lakbogogi Wene 26:28

Yugugu lagagimu, at Agiripa en Paulus yugugu dugwit, “O yogak yi vaga-at un mbikit an ap Kerisen menda okbanup embeten?”

Lakbogogi Wene 11:26

havedogo o Andiyokia wolok wagagi. Wolok wagya lagagirik, iperen tahun ambiat ogagu dugwit, Ala aburi inim homagwi, avakwa wisane wene mamulirugwi, ogagagwa. It Yesus ane welagwi menda ako, ‘Avakwa Kerisen menda’ yagalagwi ako andi, endak o Andiyokia en yugu lagagwa.

Lakbogogi Wene 28:22

avakwa yi awi ndi awi ovok en hit wene musek lendagwi menda andi enanggon henombasagwi ninilup atma, hat hendawi nggarogo yiluk yagaliga ako, iri heyaguluk wagyo,” yiluk, yugogogwa.

Yakobus 2:7

Eke, it ininggis werek menda en Yesus inis siyalek agarik wokheragagi ako, wiyiknom-weyaknom okbelagwi!

1 Peterus 2:12

It ap weram enendawi avyarat ombasagwidek menda akoen, “It weyak ogarit nelagwi o,” yiluk, henavok yagalagwi ovara, hit sek adigat ogarit lendagwi dibigigu dogomundik, Yesus wagya andi vaga Ala siyabapwak yiluk, enanggelekma dugwit, henova hwalogo dogones.

1 Peterus 4:11

Yi ogagek ndi ogagek ogagu dugwit, Yesus Keretus inim hunik dugwit, At Ala inis ombok arupwak yiluk, hit ambien wene yugeraup ombasagwi halok, Ala weneat yugurugwi, eke, ambien avakwa yonggar-inipu dogop ombasagwi halok andi, Ala anye okbigigu hegek yonggar-inipwis, ogagu dogones. At Ala andi, anye wisane atma, mondok-mondok siyalek dogopwak o. Amin!

1 Peterus 4:14

Hit Keretus ane welagwi menda atma, it avakwa ninen wiyiknom-weyaknom erogo okhinipuselok, “Ala Averiniki mondok siyalek agarik ako nit nenovaga agarik halok, yuknirugu selagwi,” yiluk, henendawi adenggen umbutu dogones.