1 Peterus 4:12 - ALA WENE HIVIS DIRUP WATUGWA

¹² Nowa-nasin o. Hit an nendawi hunik atma, wene ambi yukherayogon. Hit henavut mbalup yiluk, anggin-mbanggin mondok iya erogo henovaga bigigelagwi andi, hiren, “Wi,” yiluk, “Yi hunogo ogasagwidek menda nenovaga asiga,” ombarubuk.

1 Peterus 4:12 Iomraidhean Croise

1 Korindus 10:13

Hit henendawi weyak ogaruguluk okhinivisiga ako andi, adik menda vaga dek o. Ata, yi avakwa ndi avakwa enendawi weyak ogaruguluk oginivisiga ako menda vaga adigat hit henendawi weyak ogaruguluk okhinipu hagup. Anderogo ovara, nit okninivisiga ako, At Ala en mondok atma nggedok des erogoat okbininaliga atma, henendawi weyak ogaruguluk okhinipu hegek, henanyedek agya dugwit, weyak ogagu hinisaoen, Ala en sup abi amorerogo okbigigayogon o.

1 Korindus 3:13

Anderogo valit lendagwi ovara, hivis Keretus wagya vaga it enadik-enadik vanggu dogosogom ako, “Sek vanggup a, weyak vanggup a?” inilup arupwak yiluk, hali abya vaga wal okhagwi andi vaga, mondok sigamat agya hagup.

2 Timotius 3:12

Yi avakwa ndi avakwa Keretus Yesus inim hunik dugwit, Ala wene wokbaluk ogarit lagu dogosogom umbutuselok, edup-mbedup erogo bigik nagu dogosogom.

1 Peterus 2:11

Nowa-nasin o. Hit ap huru ovagak ap enanggelekma agipik ako, wene ambi yukherayogon o. Hit henendawi en weyak ogarup henanggon umbutu dugwit ovara, wokhiniviluk landiga ako, mondok amusek laguven yiluk, yukheraliga.

1 Peterus 4:4

Eke, yogak ambi inim ogagetek hiniselok, it avakwa Ala wene inunggut menda ako enendawi mondok dek dugwit, yi weyak ndi weyak ugunat ogasagwi ako, it inim ari lagatek hiniselok, “Wi,” yiluk vok yugu dugwit, enane weyak henovaga bigigelagwi.

1 Peterus 5:9

Eke, it henaswemuni yi awi ndi awi agarwik hinim henendawi avyarat ombasagwi ako, idup-mbidup hit okbigigelagwi wane-wane, it ogo anderogoat okbiselagwi ako hinilup atma, hit henendawi Ala ovaga vanggabaluk wadokdek dugwit, Sile en henendawima mali wagya haoen, henanye erogo dogones.