1 Peterus 4:10 - ALA WENE HIVIS DIRUP WATUGWA10 At Ala en ogagu dogop nenadigetap andok okbininggigi ako, “Ala endawi hunik en andok okbaninggigi atma, nendawi hora yiluk avakwa enake ogarit lagya dogosogon o,” yiluk, hikirat ambien at ambi sek okbagek ogagu dogones. Faic an caibideil |
Wene ambi inim yugirigya dugwit, “Andi halok, ap ombok ayeloman ambi endawi werek yavup dikduk erogo ogagya halok andi, at asin ap ombok akoen at ayelomani nin yugirigya dogopwak yiluk, mondok okbagagi. Mondok okbaluk, winggigi. Wunggu hegek, ayeloman akoen, ayelomani nin ako enagarom wogeraup agya halok, enagarom des erogo wogeragagi.
Yugugu lagagimu, At Nenowa Yesus en, “Andi halok, Ap ombok ayeloman ambi endawi werek yavup dikduk ogagya halok andi, at asin ap ombok akoen at ayelomani nin andi yugirigya dogopwak yiluk, mondok okbagagi. Mondok okbaluk, winggigi. Wunggu hegek, ayeloman akoen, it nin ako enagarom wogeraup agya halok, enagarom des erogo wogeragagi.
lagiluk, ogagya dugwit, at ayelomani eneyave 10 yanggup yugirigya lagagirik, wagu lagagwama, ayoparip mbusi emas menda 10 higirogo, ap ambi yoparip mbusi emas ambi wogorigya, ap ambi yoparip mbusi emas ambi wogirigya, wogirigya dugwit, ‘An wagatek neyagek, nayoparip yi vaga yi menda ndi menda hunit nagu dugwit, ambi lobalhidugu dogones.’”
It Yakuri menda en Ala wene mbogot vaga menda andok okbogogi ako, it weram Yakuri dek menda yuguruguselok, it weram Yakuri dek menda en enangge wen vaga menda nin it Yakuri menda wogeraup sek. Wogeraup sek atma, “Ala wene yukneragagwa mbalegangge ovagak nenovaga binunggugwa ako, enake wonggalogo bugu dogosogom o,” yiluk, enendawi adenggen vaga wonggalogo bagagwa andi sek aro.
Anderogo atma, At Ala nabwa imbita lagagirik, okbaninggigi ako vaga yogak nandogon adik ogarit lagya neyalagwi andi aro. Ala nabwa imbita dugwit, okbaninggigi ako andi, un enam warogo okbanenggetek. It lakbigik menda nin ako andi, we un horogat ogagu lagagwa ovara, an andi, mondok wisane erogoat ogagya lagagis. Andi ogagya lagagis ako andi, anenen andi dek. Ata, Ala nabwa imbita dugwit, okbaninggya hegek, wisane erogo ogagya lagagis atma yiluk yigi.
An ogarit lagya dogogiluk, Ala endawi hunik en andok okbaninggigi. Ako wane-wane ogarit lagya dugwit, ap inggis anggat en o valisiga hak, an o owak des erogo ngguvubalin lagagis. Eke, o owak ngguvubalin lagagis ako vaga, it ap adik en eyave-at valisagwi. Anderogo ovara, it enadik-enadik eyave valisagwi akoen ugun-ugun vanggu saoen, an owak ngguvubagagis ako vaga adigat enendawi dibaluk, eyave-at vanggu dogopwak.
At Ala en yugugu hegek Yesaya en dirup watigi ako iri dugwit: “Anen hit henane naruk hulup imbitigis vaga, naruk hunggu, Hat hagap wendarup hudi vaga yonggat-heyagya, ogagagis o,” yiluk, yagagi. Anderogo yagagi atma, hit ninim Ala eyavup ndatak ogarit lagu ninigik, At nenabwa en sek okbininaliga ako, “Un enam warogo okbisaliga higi,” hinimbita haoen, nenendawi, “Ai,” umbutu dugwit, wene yi yukherelagwi. Hit henane aruk hulup imbitigi ako andi, yogak aro, eke, henagap wendarup imbitigi ogo, yogak atma, yukheraliga.
At nenadigetap andok okbininggigi ako, it nin lakbigik menda dogopwak yiluk andok okbugu, nin andi navi Ala ane yugurugu dogopwak yiluk andok okbugu, nin andi Sek Wene yi awi ndi awi hunogoma yugeregek nagu dogopwak yiluk andok okbugu, nin andi o ambekma Ala aburi des erogo vagenombogo dugwit, Ala wene yugurugu dogopwak yiluk andok okbugu, ogagagi.
It ap Ala aburi vagenombogo dogop ako andi, Ala eyavup ogasagwi atma, weyak ogaguselok avakwa enane enovaga bisaguven, sek adigat ogarit lagu dogopwak o. It ombasagwi adigat ogarup umbutwi, enaninis mbikit agwi, amburup nenek oginivisiga menda enagaum erogo nunggwi, war-wat yugwi, avakwa enayoparip hedaguluk, yewes okbugwis, ogasagwi halok, ap andi menda mondok okbisabuk.
At endawi hunik en okbininaliga adem andok Nenasin Ala akoen, Keretus ninim hunik agurik vaga, At winimen siyalek agarik ako ninim wane-wane mondok-mondok winimen siyalek-at dogoguluk, nenayonggo bagagi. Eke, hit sidogat yagan watu hiniselok, Nenasin Ala en henovavut ap-at okbigigu, henendawi modo okhinipu, henanye erogo bigigu, henendawi wadokdek dogovovok yiluk okbigigu, ogagya dogosogon.
An wene horok dul yi, naswe des erogo adigat ogasiga Silas akoen yonggat-nitya hegek, henendawi aik wakbigigapwak yiluk, dirup warogo wokheraliga. Wene yukheraliga yi At Ala endawi hunik en sek okbininaliga ako, an nilup dugwit avyarat yukheraliga atma, wene yi vagago dugwit, henendawi wadokdek dogones.