1 Peterus 4:1 - ALA WENE HIVIS DIRUP WATUGWA

¹ Ap ambi eyave idup yagan watya dugwit, “An weyak ambi inim ogarisogonbuk,” yiluk, asam haliga atma, At Keretus eyave idup-mbidup okbagusigik, endawi wadokdek dugwit wigya lagagi ako hak, hit wane-wane henendawi wadokdek dugwit, wugu dogones.

1 Peterus 4:1 Iomraidhean Croise

Markus 3:3

Inil vurek werekma At Yesus akoen, ap inggis weyak ako yugugu dugwit, “Mendek yiluk, o ilim yenam oma,” yugugu lagagirik,

Oroma 6:11

Anderogo wane-wane nit ogo, weyak ogarup okninivisiga ako, anyedek erogo bagagi atma, Keretus Yesus ninim hunik dugwit, nit Ala ake-at niniluk agurik, yiluk, umbutu dogosogom.

Oroma 6:2

Mondok dek aro. Nit weyak ogagu lagagup ako avakwa hambisagwi hak anye dek erogo bagagi hegek, nggarogo yiluk nit ambi inim weyak adigat ogarit lagu dogop ombasagwi?

Oroma 6:7

Ap iniluk dugwit, weyak avema agarwik ovara, hambugu dugwit andi, weyak avema agarwikbuk visilek agarwik.

Nggalatia 2:20

Eke, yogak an niluk agirik yi, an nanye vaga niluk agirikbuk. Ata, Keretus nendawima mondok iluk agarik. Eke yogak an neyave yi vaga ogarit lagya neyagek, At Ala Abut nabwa imbita lagagirik, nake hombagagi atma, an avyarat imbita dugwit, nendawi At ovaga vanggabaluk, ogarit landiga.

Nggalatia 5:24

Nit Keretus Yesus aburi halok, nenovavut endak menda akoen nenendawi ninggya dugwit weyak ogarup ombasagwi ako, mondok degerogo sovabaluk agurik.

Evesus 6:13

Anderogo atma, it weyak okhinivi waguselok, haryogo wibugu dugwit, henendawi wadokdek atok vaga henayegen mondok anye dogopwak yiluk, Ala andup-ameda wokneraliga ako vagago dogones.

Pilipi 2:5

At Keretus Yesus ovavut welagagi ako hak, hit ogo henovavut anderogoat dogones.

Iberani 12:3

It ap weyak ogasagwi menda akoen Yesus mondok enanggon umbutu dugwit, weyak okbagusigik, At endawi wadokdek dugwit, wigya lagagi atma, hit sakdida okhinipu dugwit, henanggon okhinipu haoen, At ogagagi hak ogagu dogovovok yiluk, dibagu dogones.

Iberani 4:10

Anderogo atma saen, Ala sat yanggal hedaligama ninim sat yanggal hedanunggup ombasagwi halok, Ala en yi menda ndi menda ovok erogo ogagya lagagirik, sat yanggal hedagagi ako hak, nit ogo wane-wane yavup ovok erogo okbaluk sat yanggal hidugu dogosogom.

1 Peterus 2:21

At Keretus idup-mbidup okbagagwa ako andi, hit henake-at wogogi atma, At ogagagi ako hak, hit anderogo wane-wane ogagu dogovovok yiluk, Ala en heneyanggup yukheragagi o.

1 Peterus 3:18

Nit weyak ogasagwi ako ovok erogo dek okbayogon yiluk, At Keretus ndugwis ambiat hombagagi. At weyak ogasigadek sek adigat ogasiga akoen, nit sek ogasagwidek weyak adigat ogasagwi ako, Ala avema bigigayogon yiluk At eyave ap-at agya lagagirik, warogo bagagwa nit nenake-at hombagagi ovara, Ala Averiniki en iluk erogo mondok okbagagi.