1 Peterus 3:7 - ALA WENE HIVIS DIRUP WATUGWA

⁷ Anderogo wane-wane, yogak hit ap henogwai werek en ogagu dogop ambi yukherayogon. It akwa eneyave andi enanyedek agarwik dibisiluk, henogwai hinim enabwa umbutu dugwit henendawi sagain vaga henane sek erogo yugurugu dogones. Eke, henendawi weralek dugwit, hinim samban ogarup meyan okhinipu haoen, “Ala nenabwa en niniluk mondok dogop menda nenogwai ninim wane-wane andok okbininayogon o,” yiluk, sek okbugu dogones.

1 Peterus 3:7 Iomraidhean Croise

Matius 18:19

“Eke, ambi yi yukherayogon. Ap mberen a, henggam a, ‘Nit Yesus ane welagwi menda aro,’ yiluk, wongganggu hiniselok, An henanggelekma andenam ninim dogosogom atma, hit o wen vaga yoma henaswe hiperen henendawi ambiat akluk, ‘Anderogo okbininin o,’ yiluk, Ala nggino yugugu hiniselok, An Nasin mbogot vaga menda en okbigigu hagup,” yiluk, yugeragagi.

1 Korindus 7:3

Hidugu dogomundik, iperen nogo yugu dugwit, ogarup ombasagwi ako ogagu dogop sek aro.

Evesus 3:6

Ala agose mbauk hwilago welagagi ako andi yi: Sek Wene welagwi vaga it avakwa weram Yakuri dek menda inim, avakwa Iserali menda inim, Ala aburi ambiatma, Ala en sek okbininaup hologo bagagi ako wane-wane-at hedelagwi. Neneyave ambiat nin higirek hirat agipik. Eke, Ala en Keretus Yesus ogarisogon vaga nit okbininaup wene avok yukneragagi ako, hit ogo, wane-wane-at welagwi. Agose wene mbauk hwilago welagagi akoat yogak yiat sigam aga o.

Evesus 4:30

Wam evenggom yedok hapwak yiluk aruk mbalogo belagwi hak, Ala en At aburi woginivi wagya dugwit, nit ninimat wokninivi warisogon ninilup dogoguluk, Averiniki wokneragagi. Anderogo atma, Ala Averiniki ako, endawi weyak ogarogo baup mondok moga.

Evesus 5:33

Ata, hit ap heneyave henendawi hunik okhedelagwi hak, hit henadigetap henogwai henendawi hunik okhinupwis, eke, hit akwa ogo henaguni enagayuk wutwis, ogagu dogovovok yiluk, inimat yukheraliga o.

Evesus 6:18

Hit yi menda ndi menda ogagu dugwit, Ala en yonggat-hinavupwak yiluk, Averiniki en yukhirigya hegek, mbup yegetek Ala nggino yugugwis, samban ogagwi, ogagu dogones. Samban ogagu dugwit, henendawi alep mbabetaluk, hekbagatek ndugurek-ndagarek it Ala aburi ake denek ovok erogo enake samban ogagu dogones.

Kolose 3:19

Eke, hit ap ogo, henogwai enabwa umbutu dugwit, henane sidi-rede erogo yugurugu dogobuk. Ata, henane sagain erogo yugurugu dogones.

1 Tesalonika 4:4

It avakwa weram menda akoen Ala inunggut dugwit, enendawi ninggya halok akwa ugun-ugun oginivit nelagwi ako hak, hit anderogo ogagu dogobuk. Ata, hininis sek dogopwak yiluk, “Ala inis vaga dambubininaup o,” yiluk, weyak ogagetek enabwa umbutu dugwit, henogwai hidugu dogop.

Titus 3:7

At Ala nenabwa en okbininggigi vaga, “Wene enovaga bisaup dek o,” yiluk, wokninipu lagagirik, ap ambi asin eyase hedaliga hak, nit niniluk mondok-mondok dogop nenape wenggelek ako hedaguluk, Averiniki ndun erogo wokneragagi.

Iberani 1:14

Eke, it malaikat andi nggarogo ogasagwi menda ombasagwi? Dek o. It ako avakwa enanggela ninil iniselagudek ako ovagak dugwit, Ala eyavup ogasagwi atma, Ala en avakwa enagap wendaginivup yiluk, enogo bogogi ako, yonggar-inivupwak yiluk, yonggo lakbisa wandiga menda it aro.

1 Peterus 3:1

Anderogo wane-wane, hit akwa henaguni enavema dugwit, enane hunggu dogones. Hit Ala henalon akluk, henandogon sek erogo dugwit, wene yugeregetek ovara henovavut des erogo dugwit ogasagwi vaga, it henaguni nin enendawi Ala Wene ao avyarat embetetek menda ako hinugu dogomundik, iren, “An ninim Yesus musek layogon,” ombarupwak yiluk, enavema dugwit, enane hunggu dogones.