1 Peterus 3:5 - ALA WENE HIVIS DIRUP WATUGWA

⁵ O endak it akwa Ala aburi enendawi At ovaga vanggabaluk welagagwa ako andi, avakwa en, “Hwa yi eve mondok sek aro,” yupwak yiluk, eneyave vaga adigat sek okhidugu lagetek. Ata, it ogo anderogoat enaguni enavema dugwit, enane des erogo hunggu lagagwa atma,

1 Peterus 3:5 Iomraidhean Croise

Lukas 2:37

hivis, sogwa hegek 84 tahun ogagagirikmu, ovok hwa anggok agagi. Ala awi valekma en winggitek mondok andoma-at o hup dingga Ala ake yiluk, erom hunis dugwit, samban adigat ogagya lagagi.

Lakbogogi Wene 1:14

It akwa nin inim, At Yesus isa Maria inim, Yesus aori ambetaga menda inim, andoma inim dambulik dugwit, enendawi ambiat akluk samban adigat ogagu lagagwa.

Lakbogogi Wene 9:36

Eke, hwa Yesus ane wogogi ambi inis Tabita o Yope welagagi. (Hwa inis andi Yunani enane vaga, Ndorokas.) At hwa ako avakwa sek adigat ogarit lagya, ininggidek iniselok yonggar-inipu, ogagya lagagi.

Evesus 5:33

Ata, hit ap heneyave henendawi hunik okhedelagwi hak, hit henadigetap henogwai henendawi hunik okhinupwis, eke, hit akwa ogo henaguni enagayuk wutwis, ogagu dogovovok yiluk, inimat yukheraliga o.

1 Timotius 2:10

Ata, it akwa Ala wene wokbaluk, musek lendagwi menda en enayum dibaluk yikhedelagwi hak, yi sek ndi sek ogarup ako andi, ndatak dibaluk ogagu dogopwak.

1 Timotius 2:15

Hwa ako andi weyak ogagagi ovara, it akwa ako enendawi werek dugwit, Yesus avyarat umbutwi, avakwa enendawi hunik okbugwis, eke, weyak ogagetek Ala ake denek dugwit, ogaguselok, it eneyagi endak inipusigik, Ala en enagap wendarinipu dogosogon.

1 Timotius 5:10

“Hwa andi sek ogasiga menda,” yuguselok, eyagi des erogo sawe oginipu halok, ap huru enagania isagya halok, it Ala aburi avyarat ombasagwi menda enayeloman ovagak oginipu halok, it avakwa anggin enovaga agya yonggar-inipu halok, eke, yi yavup ndi yavup sek okbisaup ovok erogo “An neyavup-at,” yiluk, ogasiga halok, ininis dirup warup sek ovara,

1 Timotius 5:5

Hwa ambi sogwa ovara, eyagi en yonggat-helagwidek halok, “Ala en yonggat-nitya dogopwak,” yiluk, Ala ovaga vanggabaluk ape wenggelek dugwit, hup dingga Ala adema hunik adigat nggino yugugu, samban ogagya, ogasiga menda halok, hwa andi, eyave sogwa aro.

Iberani 11:11

At hwa Sara ogo, ovok anggok eyak endakhedaup meyan hegek ovara, at Averakam en, endawi Ala ovaga vanggabaluk, “Ala yagaliga ndatak ogasiga atma, yuknigas ako avyarat okbanisogon higi,” imbitigi vaga Ala en ogwa ako agap swi okbagya lagagimu, Averakam abut endagagi.

1 Peterus 1:3

At Nenowa Inis Ombok Yesus Keretus Asin Ala inis siyabagu dogosogom o! At Ala aigwak aberen sek okbininggu dugwit, At Yesus Keretus hambuluk lendagwima en iluk erogo mondok okbagagi ako vaga, nit nenendawi swi endakninipigi. Nenendawi swi endakninipigirikmu, nenape wenggelek dugwit, “Nenake enogo mavorangge ovagak vidis agya, isip bagya, dek agya, ogasigadek mondok mbogot vaga vaknenombogo agarik ako hedalasogom atma,” mondok nenape wenggelek-at agurik.