1 Peterus 3:4 - ALA WENE HIVIS DIRUP WATUGWA

⁴ Ata, hwa andogon eve sek endawi horaik ako, adik agetek mondok vagago halok, At Ala en, “Hwa yi, mondok sek aro!” yiluk, endawi hunik ogasiga atma, hit henandogon anderogoat dogones.

1 Peterus 3:4 Iomraidhean Croise

Matius 11:29

An nasum yidik henabla danggubigigya, eke, durik-marek erogo henovaga bugugu, ogasiga andi, anggin dek seyo atma, An nasum yidik henabla hedelok, neyave sagain nendawi sovalek dugwit, ogasiga ako mamulhedomanes. Anggin hegek mamulhidugu hiniselok, ogarit lagu dugwit ‘Nendawi seyo yagas,’ yiluk, yugu dogogup o,” yugeragagi.

Matius 21:5

“Avakwa o Sion menda yugurugu dugwit, ‘Henowa Inis Ombok vage henadema wandiga o. Endawi sagain dugwit keledai ambot vaga hora yiluk wagya, keledai eyak ambot vaga hora yiluk wandiga andi, hinil hanes o,’ yiluk yugeranes,” yiluk, yagagi ako atma des yupwak yiluk, lakbogogi.

Matius 23:26

Hit ap Varisi hinil mbuk yi, henagas owak inim, henowalup inim, ilim endak sek erogo hokhidugu hiniselok, weram inim horek-at hagup.”

Matius 5:5

It avakwa enendawi sagain andi, Ala en o avok yugeragagi ako irat enandok arusogom atma, enendawi adenggenat umbutu dogopwak o.

Lukas 11:40

Hit ap wes ovagak yi! At Ala agap weram ogagagi akoen enendawima inim ogagagi dek yiluk yagalagwi?

Lukas 16:15

Aganda yagu lagagwama, At Yesus en it yugirigya dugwit, “Hiren avakwa sek henombarupwak yiluk, henanggangga hedelagwi ovara, Ala en andi, henendawi ombasagwi ako ilup agarik. Yi menda ndi menda iya ombasagwi andi, At Ala anggon ombasiga,” yiluk, yugeragagi.

Oroma 1:23

At Ala iluk itok mondok agarik inis siyabagu dogop ako hekbaluk, avoloma hambisagwi menda avakwa inim, swa-bagas inim, mindom-mbolom inim, enagut-enagut wane-wane okbaluk, ininis siyabugu lagagwa.

Oroma 2:29

“It Yakuri menda aro,” yagalagwi ako andi, Musa wene welagwi vaga dek. Ata, enagamut mbalisagwi ovagak, At Ala Averiniki en enendawi swi okbisaliga andi vaga, eneyave Yakuri menda andi aro. It avakwa enendawi anderogo Ala en okbisaliga andi, it avakwa en wogobisasogombuk. At Ala enat wogobisayogon.

Oroma 6:6

Nit weyak avema dugwit, nenendawi endak menda en weyak adigat ogarup okninivisiga ako, ambi inim ogarit laup okninipu haoen, anyedek erogo bapwak yiluk, Keretus ninim yo winik vaga ninitugwa ninilup atma, yukherelagwi.

Oroma 7:22

Ala en, “Yerogo ogarup, nderogo ogarup,” yagagi wene andi, an nendawima en ogarup andi nendawi sek ovara,

2 Korindus 10:1

It ninen “At Paulus o adumu dugwit, alon embetetek dugwit ane anye vaga yuknirigya, eke, nit ninivaga halok andi, alon imbita dugwit ane seve erogo yuknirigya, ogasiga o,” yagalagwi. Anderogo yagalagwi ovara, At Keretus nenabwa en ane sagain erogo yukneraliga hak, an Paulus ogo anderogoat, nendawi, “Ai,” imbita dugwit, wene ambi yukherayogon.

2 Korindus 4:16

Anderogo halok, anggin nenovaga asiga ovara, nit nenendawi uwa betaluk, mbuverek dogosogombuk. Ogarit lagu dugwit, nenagamut ndaik arit nunggwisiga vaga hambup ovara, nenendawi ako andi, hutun-howam niniluk swi menda okbinilin nunggwisiga.

Nggalatia 5:23

enendawi sagain adigat welagwi, enendawi ninggya halok ogarup ombasagwi ako sovalogo bagwi, ogasagwi andi aro. Andi ogasagwi ako ogagu dogop moga yiluk wene hobalek ambi agarik mondok dek aro.

Evesus 4:2

Ogarit lagu dugwit, henendawi seve yiluk sagain vaga okbugwis, henovavut luvugerek dugwit nabwa-habwa vaga nengge-hengge ogagwi, ogagu dogones.

Kolose 3:12

Anderogo atma, At Ala en henabwa imbita dugwit, At aburi sek adik enek dogovovok yiluk, mikhinipigi atma, yum yikhedelagwi hak, henandogon swi menda okhidugu dugwit, avakwa enabwa umbutwi, henendawi sek vaga okbugwis, henendawi sovalek dugwit nagwis, henane sagain vaga yugurugwi, henovavut luvugerek welagwi, ogagu dogones.

1 Tesalonika 4:11

It avakwa Yesus avyarat ombasagwidek menda en hit des erogo ogarit lagu hiniselok, henagayuk wutu dogopwak yiluk, it nin enawene ako hit hinim milo-milo yubuk. Ata, hit hininis sek dogovovok yiluk, henamwa des erogo dugwit, henendawi ap nin enovaga vanggabigitek hit hininggis en okbetaluk nunggwi, eke, nit endak henaruk watugup ako des erogo ogagwi, ogagu dogovovok yiluk, yukherelagwi.

2 Tesalonika 3:12

“It ap anderogo ogasagwi andi, eneyavup des erogo okhidugu dugwit, it enagarom adigat nunggu dogopwak,” yiluk, wene andi Nenowa Yesus Keretus inis vaga henaruk wasagwi.

1 Timotius 2:2

It ap ombok-ombok inim, ap ininis werek ovok erogo inim, enake samban ogagu dogwes. It sek erogo vaknenombogo inigik, nenendawi sek vaga Ala musek lagu dugwit, ugun adenggen wadokdek dogoguluk, it enake samban ogagu dogwes.

2 Timotius 2:25

It hinim ogorek dugwit, wene adik yagan nagwis ako, enasam helok, avyarat wene Yesus avok inilup arupwak yiluk, “Ala en okbisaup hegek ogarup ai?” yiluk, hane seve erogo mamulirigya dogwen.

Titus 3:2

Ap ambi wiyiknom-weyaknom erogo bagwi, war-wat yugwi, ogagu dogobuk. Ata, enendawi sagain vaga dugwit, yi ap ndi ap ovok erogo enendawi sovalek vaga woginipu dogopwak yiluk, yugirigya dogwen.

Yakobus 1:21

Andi halok, ogarup dek menda bobo ugup ovagak hegek ugun ogagwi, eke yi weyak ndi weyak ogagwi, ogasagwi ako ovok erogo hekbaluk, henendawi sagain vaga dugwit, nenagap wendarup wene Ala en nenendawima awi yakbininaliga ako, adigat des erogo wugu dogwes.

1 Peterus 1:23

Andi, Ala en henendawi swi endakhinipigi andi, avakwa hambisagwi menda en endaginivisagwi andi hak endakhinipitek. Ata, At Ala itok mondok iluk agarik ako, At ane dek asigadek mondok itok agarik menda vaga, endakhinipigi o.

1 Peterus 3:15

Hiren, “Keretus andi, nit Nenowa Inis Ombogat dogopwak o,” yiluk, henendawima adik enogo baluk, wogobagu dogones. Eke, hit henape wenggelek agipik ako, it avakwa en, “Yukneranes o,” yiluk, hemekhinipuselok, henendawi enggen vaga henane sagain erogo onggo yugeraup yiluk, henendawi vipuk okbaluk dogones.