1 Peterus 3:16 - ALA WENE HIVIS DIRUP WATUGWA

¹⁶ Hit Keretus hinim hunik dugwit, sek ogarit lagu hinigik, it wiyiknom-weyaknom erogo bigigelagwi akoen, hit sek adigat ogarit lagwi vaga, “Ia!” yiluk, enanggadi arisogon atma, henendawi weyak ambi wenggelagetek henendawi sek vaga henane sagain erogo yugurugu dogones.

1 Peterus 3:16 Iomraidhean Croise

Matius 5:11

“Hit ao dek hinigik, it navi-navi anggin-mbanggin oginipu lagagwa ako hak, hit ogo An woknembetep vaga avakwa en wiyiknom-weyaknom okbugugwis, anggin-mbanggin okhinupwis, enane huluk adigat henovaga bugugwis, ogaguselok, henendawi adenggenat umbutu dogones o. Henangge hagalwik mbogot vaga wisane agarik atma, henendawi sek dugwit, hai watu dogones o,” yiluk, yugeragagi.

Lakbogogi Wene 24:16

Anderogo atma, Ala inim, avakwa inim, inivaga an okbisayogon vaga nendawi ugun seyalek ogagya dogogiluk dibaluk ogasiga.”

Lakbogogi Wene 28:22

avakwa yi awi ndi awi ovok en hit wene musek lendagwi menda andi enanggon henombasagwi ninilup atma, hat hendawi nggarogo yiluk yagaliga ako, iri heyaguluk wagyo,” yiluk, yugogogwa.

Oroma 9:1

An ninis unggul Iserali menda nowa-nasin ako, Keretus inim ogorek dugwit hambugu saoen, “Enavoloma Ala en anat vudilogo baniluk Keretus inim ogorogo banupwak ai,” yiluk, nendawi mondok burup iri dugwit, enabwa en yup yasiga. An Keretus nendawima agirik atma, huluk yukheraligadek. Averiniki en yuknugu hegek yukheraliga atma, avyarat yukheraliga.

2 Korindus 1:12

Nit avakwa wema menda enanggelekma ogarit lagu dugwit, dibaluk ogarit lendagwi, ovara, hit Korindus menda henanggelekma dugwit andi, mondok iya erogo dibaluk ogarit lagu lagagup. Andi, it avakwa wen vaga menda nenendawi werek ombakluk yagan nelagwi hak nit yagan lagatek, eke, sek adigat ogagu dugwit, wene atok hwilagago yukheregetek. Ata, Ala endawi hunik en anye okbininggu hegek, mondok avyarat halok adigat sigam vagalogo yukhirugu lagagup ako adigat wenggelagya halok, “Sek ogagyo atma, wi!” yiluk, nenendawi adenggen wisane agurik.

2 Korindus 4:2

Nit andi, avakwa en yi menda ndi menda hwilago weyak ogagu lagarwik enanggadi asiga andi menda nit hekbagagup. Anderogo hekbaluk, avakwa enambukmu unggwi, Ala wene hegek adik huluk wene molalogo yukhirugwi, ogasagwidek. Ata, it avakwa yoma enendawi nit sek ogasagwi ako sek ninisapwak yiluk, wene eve wene Ala ivaga selekma-at yugeregek nelagwi.

1 Timotius 1:5

Eke an wene yukhisiga yi, avakwa nabwa-habwa ombarupwak yiluk, yukhisiga. It enendawi weyak embetetek sek adigat ogagwi, enendawi enggen vaga Yesus avyarat umbutwi, ogasagwi ako vaga avakwa enabwa ombasagwi atma, anderogo ogagu dogopwak yiluk “Yugirigya dogwen,” yiluk, yukhisiga.

2 Timotius 1:3

An hup-dingga samban ogagyama, hat vaga nape wenggelek dugwit, “Nenasin Ala wa,” yiluk, yugisiga. An nombawi weyak embetetek enendawi sek vaga Ala ake ogagu lagagwa ako hak, an ndatak-at ogasiga o.

Titus 2:8

Ata, hat wene yugirigya dugwit it ap hane waup “Nenanggon,” ombasagwi akoen, ‘Hat wene weyak yagas,’ yiluk, nenavok yusogombuk atma, it enanggadi arupwak yiluk, hane sek adigat yugirigya dogwen.

Iberani 13:18

Nenake samban adigat ogagu dogones. Nit sek adigat ogarit nagu dogop hogop ombasagwi atma, yi ogagek ndi ogagek ogagu dugwit, weyak ogarup ambi nenendawima wenggelagetek halok, “Segat ogarit nelagwi higyo,” yiluk, ombasagwi.

Iberani 9:14

Keretus amuya andi, mondok iya atma, nit nenomaduk horogo bininaup meyan ombasagwi? Dek o. At mondok itok agarik Averiniki en Keretus okbagya hegek, ndomba omap ambidek sek ako ovagak endawi en At eyave-at nit nenake Ala wogogogi. Anderogo atma, yogak nit Ala mondok iluk itok agarik ako, ake ogagu dogoguluk, wene endak enam warogo musek lagu ninigik, nenomaduk dek agetek nenape wenggelagek adigat ogasagwi ako, At amuya vaga degerogo baluk, mondok sek erogo bininaup segat umbutu dogosogom.

1 Peterus 2:12

It ap weram enendawi avyarat ombasagwidek menda akoen, “It weyak ogarit nelagwi o,” yiluk, henavok yagalagwi ovara, hit sek adigat ogarit lendagwi dibigigu dogomundik, Yesus wagya andi vaga Ala siyabapwak yiluk, enanggelekma dugwit, henova hwalogo dogones.

1 Peterus 2:15

At Ala endawi ombasiga andi, nit sek adigat ogagu dogop. Sek adigat ogasagwi vaga it avakwa enendawi dek wene inunggut dugwit yagalagwi andi, enane sovalogo bugu dogosogom atma, sek adigat ogagu dogones.

1 Peterus 2:19

Hit weyak ogagetek hinigik, henasini en idup-mbidup henovaga bigiguselok, “An Ala endawi ombasiga menda ogarup,” yiluk, umbutu dugwit, henendawi wadokdek wugu hiniselok, Ala adenggen henovaga bigigu hagup.

1 Peterus 3:21

Eke, it is en wogiviluk inggigi vaga enagap wendarinipigi ako wakhegek, hit yogak ima wombabigigelagwi vaga henagap wendarisiga andi, un henagamut vaga mbinggi hokhinivupwak yiluk, ogasagwidek. Ata, henendawi vaga en henendawi ugun seyalek sek dogoguluk Ala avema betugu hinigik, ima wombabugusim, At Yesus Keretus iluk erogo mondok okbagagi vaga henagap wendarisiga.

1 Peterus 4:4

Eke, yogak ambi inim ogagetek hiniselok, it avakwa Ala wene inunggut menda ako enendawi mondok dek dugwit, yi weyak ndi weyak ugunat ogasagwi ako, it inim ari lagatek hiniselok, “Wi,” yiluk vok yugu dugwit, enane weyak henovaga bigigelagwi.