1 Peterus 3:11 - ALA WENE HIVIS DIRUP WATUGWA

¹¹ Weyak menda hekbaluk, sek menda halok adigat ogarit nagwis, nenendawi ambiat dambulik dogop andi nggarogo ogarup umbutu dugwit, henape wenggebaluk, andiat henanye erogo musek lagwi, ogagu dogones.

1 Peterus 3:11 Iomraidhean Croise

Matius 5:9

It avakwa inim ogorek werekma dambubiselagwi ako, At Ala en, ‘Hit An naburi aro,’ yugerayogon atma, enendawi adenggenat umbutu dogopwak o.

Matius 6:13

Eke, weyak ogarupwak en yiluk, nenavut mbanggya haoen, hekbininabuk, ninim dogwen o, eke, at mondok weyak menda akoen weyak okninipu haoen nenagap wendaru o,’ yiluk, yugugu dogones.”

Markus 14:7

It ap ininggidek menda andi, hinim mondok-mondok dogosogom atma, yi menda ndi menda wogeraup umbutu hiniselok, wogeraup sek ovara, An andi, hit ninim mondok dogosogonbuk.

Lukas 1:79

it o hwiserekma dugwit, hambup enalon ombasagwi ako awiya okbugu, eke, ‘Sup enendawi ugun adenggen wadokdek dogop ako yi aro,’ yiluk, yuknirigya, ogasogon o,” yiluk, yugogogi.

Lukas 6:35

At Mondok Siyalek Adigat Agarik akoen it ap weyak menda enendawi lakot dambi-dambe erek agarwik ako enabwa ombasiga. Enabwa ombasiga atma, hit ogo, it hinim ogorek agipik ako enabwa umbutu dugwit, sek okbugwis, eke ‘Hivis woknerasogom,’ embetetek dugwit, ugun wogorugwi, ogagu dogones. Ogagu hiniselok, ‘Hit An naburi aro,’ yiluk, onggo mondok iya erogo wokhirigya hagup o.”

Lukas 6:9

Mendek yi lagya lagagimu, Yesus en it yugirigya dugwit, “Samban ogasagwi vaga sek oginivup andi, sek a, ata weyak oginivup andi, sek a? Avakwa eneyave inidi yup andi, sek a, ata enarup andi, sek a? Hit eres!” yiluk,

Yohanes 17:15

It ap wen vaga menda yoma enanggelekma en Haren haburi adigat nggigilivinok yiluk, yukhisigadek. Ata, Hat haburi it wema menda enanggelekma inigik, at weyak ogasiga akoen weyak okbisa wagya haoen, des erogo malenombogo dogonyok yiluk, yukhisiga.

Oroma 12:18

Avakwa ovok erogo hinim henendawi sek dambulik dogoguluk, sek ogarup ambi werek halok, sek ogarup andiat wal okhugu dogones.

Oroma 14:19

Andi halok, avakwa enendawi ambiat dambulik dogopwak yiluk, dambubigik nagwis, eke, avakwa enendawi aik war-wat yugu dogopwak yiluk, okbisilin lagwi, ogarup wene andi menda halok adigat des erogo ogarit lagu dogosogom.

Oroma 5:1

Anderogo atma, yogak nenendawi At ovaga vanggabaluk avyarat ombasagwi vaga At Ala en, “Ap yi, mondok sek aro,” yiluk, wokninivisiga atma, Nenowa Inis Ombok Yesus Keretus ogagagi vaga nenendawi ugun wadokdek seyalek Ala ninim hunigat agurik.

Oroma 7:19

An sek ogasogon ombasiga ovara, eyave ogasigadek. Ata, weyak ogarup nanggon ombasiga akoat ogasiga.

Oroma 7:21

Ogagu dogop wene nendawima musek landiga ako yi aro. An sek ogasogon, imbita neyagek ovara, weyak ogarup oknitya halok adigat ogasiga higi.

Oroma 8:6

It avakwa enendawi endak menda en ogarup oginipu halok adigat ogarit nelagwi ako, Ala inim ogorek agarwik atma, enendawi endak menda en yugeraliga ako adigat ogasagwi halok, hambusogom. Hambusogom ovara, it avakwa nin Ala Averiniki en yugirigya halok adigat ogarit laguselok andi, iniluk mondok dogop menda hidugwi, eke, Ala inim hunik atma, enendawi ugun seyalek adenggenat hugwi, ogagu dogosogom. Enendawi endak menda en, “Weyak ogarup,” yagaliga akoen Ala wene ogarup andi, Ala avema seve yegetek atma, wene ako ogarup mondok dek.

Nggalatia 5:22

Anderogo ovara, yo enggen sek yiliga hak, Ala Averiniki nenendawima dugwit, ogarit lendagwi ako eyave yi: Avakwa enendawi hunik ogonupwis, enendawi adenggen adigat umbutwi, enendawi ugun seyalek adigat welagwi, enendawi horaik welagwi, avakwa sek okbigik nagwis, sek adigat ogagwi, des erogo ogarit lagwi,

Nggalatia 6:10

It yi avakwa ndi avakwa ovogat sek okbisaup, “Nanonggal agarikmu,” yiluk, sek okbigik lagu dugwit ovara, it nenasweimuni wane-wane avyarat ombasagwi halok andi, mondok sek okbugu dogones.

Kolose 3:15

Keretus hinim hunik heneyave ambiat akluk dambulik dugwit, henendawi ugun seyalek adenggen dogovovok yiluk, Ala en heneyanggup yagagirikmu, hiren yi menda ndi menda ogagu dugwit, henendawi Keretus en hinim dambubigigirikmu agipik atma, henape wenggenggu dugwit, ndatak-at ogarit lagu dogones. Anderogo ogagu dugwit, “Ala wa,” yugugu dogones.

1 Timotius 6:18

It avakwa ininggis werek agarwik ako yi sek ndi sek ogagu dugwit, avakwa sek okbigik nagwis, enendawi dek avunya weyak avakwa wogeraup adigat enendawi hunik okbugwis, ogagu dogopwak yiluk, mamulirigya dogwen.

Iberani 12:14

Weyak nenendawima werek hegek, Nenasin Inis Ombok ninil haup mondok meyan atma, yi ap ndi ap ovok erogo hinim ugun dambulik dugwit, weyak ogagetek Ala ake enek sek adigat dogovovok yiluk, henanye erogo okhidugu dogones.

Iberani 13:16

Eke, anderogo ogagu dugwit Ala ake warogo wogisagwi hak, At ake avakwa sek okbugwis, yonggar-inipwis, ogagu niniselok, Ala endawi sek nenombasiga atma, hinunggut erogo babuk. Ata, okbisilin nagu dogones.

Yakobus 4:17

Eke, hit ambi sek ogarup hinilup dugwit ogagetek hiniselok andi, weyak aro.

1 Peterus 3:12

It avakwa Ala endawi ombasiga menda ogasagwi ako, Nenasin Inis Ombok il wogiviluk nagu, samban ogaguselok, At aruk des erogo hunggu, ogasiga ovara, it ap weyak ogasagwi andi, Nenasin Inis Ombok il idup-idup enovaga bisaliga o,” yiluk, yagagi.

3 Yohanes 1:11

Naswe nendawi hunik yi wai! It weyak ogasagwi ako hat wane-wane ogagya dogobuk. Ata, it ap sek ogasagwi ako wane-wane adigat ogarit lagya dogwen. Ap ambi sek ogasiga halok andi, avyarat Ala abut arat agarik ombarup ovara, at weyak adigat ogasiga akoen andi, Ala mondok dibagetek-at agarik.