1 Peterus 3:10 - ALA WENE HIVIS DIRUP WATUGWA

¹⁰ Andi, Ala wene endak ako vaga At Ala en iri dugwit: “Hit avakwa sanien, hit hiniluk dogop henendawi hunik umbutwi, ‘Nit sek adigat dugwit, nanggok akluk, hambup segat,’ umbutwi, ogasagwi andi, henabis vaga wolok-wolok ane yagan nagwis, henabya atok vaga wene huluk wolok nagwis, ogagu hinisaoen, suam watu dogones.

1 Peterus 3:10 Iomraidhean Croise

Matius 19:17

Yugugu lagagimu, Yesus en ap ako yugugu dugwit, “At sek adigat agarik ako ambiat hegek, nggarogo yiluk, ‘Sek menda nggarogo ogarik,’ yiluk, An hemetneyaliga? Hiluk mondok dogop menda hedaup, imbita heyalok, yerogo ogarup nderogo ogarup, wene hobalek akoat mondok wane-wane ogagya dogwen.”

Markus 8:35

Heneyave idi okhedasogom halok, heneyave yelemele-at yusogom. An ninis inim Sek Wene inim, ombok arupwak yiluk, heneyave hinididek okhedamwi halok, hinidi ogarek-at dogosogom.

Yohanes 1:47

Yugugu lagagimu, Yesus en ap Nataniel At adema wagya il higya lagagirik, at avok iri dugwit, “Ap yi avyarat Iserali menda, at ane mberen mondok yagaligadek yi hanes o.”

Yohanes 12:25

Ap ambi saen at eyave iluk dogop endawi hunik okhidigya halok, at eyave yelemele-at yisogon. Eke, o wen vaga yoma dugwit, at eyave iluk dogop anggon imbita halok, iluk mondok-mondok-at dogosogon.

Yakobus 1:26

Hit ambi en, “An Ala wene dibaluk ogasiga,” yagalagwi ovara, henabya atok vaga ugun yagan nelagwi ako henelagap des erogo wanggo wakhedegetek halok, hit henambukmu dagalhidugu dugwit, “An Ala wene dibaluk, ogasiga,” yagalagwi ako andi, un enam warogo-at ogagu hinigis.

1 Peterus 2:1

Andi halok, hit weyak ogasagwi menda andi mondok hekbaluk dogones. Huluk wene yagalagwi inim, enagavoval yagalagwi menda inim, haterek-anderek yagalagwi inim, navok-havok yagalagwi inim, andi ovok erogo hekbagu dogones.

1 Peterus 2:22

Ala wene ambi iri dugwit: “At weyak ambi ogagetek, At elagapma ane huluk ambi mondok dek,” yiluk, yagagi.

Wahyu 14:5

It ako huluk wene ogo mondok yagalagwidek atma, wene weyak ambi enovaga mondok degat inigis.