1 Peterus 2:9 - ALA WENE HIVIS DIRUP WATUGWA

⁹ hit andi, o hwiserekma welagagup ako hekbaluk, At Ala en At o awiya eve mondok iya-at agarikmu akoma dogovovok yiluk, henayonggo bigigu lagagirik, At mondok sek ogasiga menda sigam erogo yugurugu dogovovok yiluk, enogo bigigi. Aren “Hit An menda aro,” yiluk, enogo bigigu, imam-imam ovagak dugwit, At Nenasin Inis Ombok ake ogagu dogovovok yiluk mendek okbigigu, “Hit An naburi nake sek adik enek dogogup o,” yiluk, enogo bigigu, eke, hit hininis unggul At inis unggul menda salogo bigigu, ogagagi.

1 Peterus 2:9 Iomraidhean Croise

Matius 4:16

o hwiserekma welagagwa ovara, o awiya ombogat inil hagagwa. Eke, it hambisagwi avema hwiserekma welagagwa ako, awiya adigat enovaga okbogogi,” yiluk, yagagi ako atma des yupwak yiluk, o andoma-at lagagi.

Matius 5:16

It avakwa en hit sek ogagwi inil hinugu dogomundik, Henasin mbogot vaga menda siyabapwak yiluk, hiren anderogoat avakwa inivaga hali abya hak awiya oginipu dogones o,” yiluk, yugeragagi.

Lukas 1:79

it o hwiserekma dugwit, hambup enalon ombasagwi ako awiya okbugu, eke, ‘Sup enendawi ugun adenggen wadokdek dogop ako yi aro,’ yiluk, yuknirigya, ogasogon o,” yiluk, yugogogi.

Yohanes 17:19

Hat hane avyarat ako vaga, it yi Hat hadik hangge denek dogopwak yiluk, An neyave it enake-at denogo batigi.”

Lakbogogi Wene 20:28

“At Nenowa Yesus amuya vaga Ala aburi homago enonggo bagagi ako andi, At andomba ovagak atma, malenombogo dogovovok yiluk, Averiniki en mikhinipigirikmu, hit henendawi suam wakhidugu dugwit, it inim des erogo yugurugu dogones.

Lakbogogi Wene 26:18

It o hup ovagak agarwik ako, inil venggenogo bisiluk, awiyama nunggu wagwi, eke, at Sile avema bogogirikmu en wulukluk, Ala avema nunggu wagwi, ogarupwak yiluk, lakbagasogon. It ako enendawi novaga vanggabaluk avyarat numbutuselok, enomaduk Ala en degerogo bisiluk, At aburi denogo bogogirikmu inim lobalogo bisapwak yiluk, lakbagasogon,’ yuknogogi,” yiluk, yugeragagi.

Lakbogogi Wene 26:28

Yugugu lagagimu, at Agiripa en Paulus yugugu dugwit, “O yogak yi vaga-at un mbikit an ap Kerisen menda okbanup embeten?”

Oroma 9:24

Ninim siyalek dogop yiluk denogo bininggigi ako andi, nit aro. Nit Yakuri menda adigat dek. Ata, it weram Yakuri dek menda ninimat neneyanggup yukneragagi.

1 Korindus 3:17

Ala awi valek andi, hit heneyave-at, eke At awi valek ako andi, At adik ake mondok denek agarik atma, ap ambien Ala awi valek ako weyak okbagya halok, onggo Ala en ap andi, mondok degerogo bayogon.

Evesus 1:14

Averiniki wokneragagi ako andi, nit At aburi nenonggo ovok bago atma, yi menda ndi menda hivis woknerayogon avok yagagi ako, avyarat woknerayogon nenape wenggelek dogoguluk, hwa onggo endak idi erogo belagwi hak, endak Averiniki nenendawima yidilogo bininggigi. Anderogo bininggigirikmu, At mondok siyalek agarik atma, At inis adup ogagu dogosogom o.

Evesus 1:6

At Ala nenabwa imbita dugwit, At Abut endawi hunik wokneragagi ako vaga, onggodek mondok iya erogo okbininaliga atma, nit At inis adup ogagu dogosogom o.

Evesus 3:21

nit At aburi yi awi ndi awi homasagwi ako ovok erogo, At Keretus Yesus ninim hunik dugwit, yogak inim, hivis inim, At mondok-mondok inis adup ogagu dogosogom o. Amin!

Pilipi 3:14

Keretus Yesus ogagagi vaga At Ala niperen mbogot vaga dogogiluk, nayonggo baninggigi ako adigat nelokwe amor-amot okbaluk hupuk-at, amusek landiga o.

Kolose 1:13

At o hwiserek andok akoen nit heda mago ovagak werekma, Ala en nenagap wendarogo At Abut endawi hunik ako avema binina wagya lagagimu,

2 Timotius 1:9

At Ala en nenagap wendatya lagagirik, nit At aburi ake denek dogoguluk, neneyanggup yukneragagi. Nit ambi ogagagup vaga andi dek. Ata, At okbininaup imbitigi ako ndatak, nenabwa en okbininggu dugwit, nenagap wendatigi. At aigwak aberen okbininaliga menda ako andi, o yi ao wakhegetek hegek, “Keretus Yesus vaga okbisayogon o,” yiluk, hologo bininggigi ako,

Titus 2:14

Nit yi weyak ndi weyak ogasagwi ako ogagu dogoguven yiluk, At Yesus ako nit avyarat ombasagwi menda nenonggo mbalogo heda visibininagiluk, At eyave wogeragagi. Eke, “An naburi nake denek dugwit, sek ogarup enendawi sek vaga ogarit lagu dogopwak,” ombakluk, nenomaduk horogo bininigiluk, nit nenake At eyave wogeragagi.

1 Peterus 1:2

At Nenasin Ala en hivis ogagu dogop ovok amor erogo baliga atma, o muk imbitigi ako wane-wane, Ala Averiniki en okbigigu hegek hit At aburi sek adigat ake enek dogovovok yiluk, mikhinipigi. Andi halok, hiren At Yesus Keretus yagagi wene ako wokbaluk wane-wane ogasagwi, eke At amuya vaga hokhinivisiga. At Ala henabwa en okhinipu, henendawi ugun seyalek adenggen dogovovok yiluk okbigigu, ogasiga ako, ambi inim eve iya erogo okbigigu dogopwak o.

1 Peterus 2:5

Hit ogo andi, helep iluk menda ovagak, At Ala en At awi valek hit vaga valhedaliga. Andi en hit Yesus Keretus hinim hunik dugwit, it ap imam-imam en Ala awi valekma Ala ake warogo belagwi hak, hit ap imam-imam At ake enek menda ovagak dugwit, Ala endawi hogop ombasiga menda At ake ogagu dogones o.

1 Peterus 4:11

Yi ogagek ndi ogagek ogagu dugwit, Yesus Keretus inim hunik dugwit, At Ala inis ombok arupwak yiluk, hit ambien wene yugeraup ombasagwi halok, Ala weneat yugurugwi, eke, ambien avakwa yonggar-inipu dogop ombasagwi halok andi, Ala anye okbigigu hegek yonggar-inipwis, ogagu dogones. At Ala andi, anye wisane atma, mondok-mondok siyalek dogopwak o. Amin!

Wahyu 1:6

Eke, nit avakwa At avema dugwit, imam-imam hak At Asin Ala ake ogagu dogoguluk, denogo bininggigi. Anderogo okbininggigirikmu, At anye wisane atma, nit yi ovok erogo At inis adigat siyabagwi, At ane adigat hunggwis, mondok-mondok ogagu dogosogom o, yiluk, amin!

Wahyu 20:6

It enendak iniluk erogo mondok okbisaup ako, Ala ake denek dugwit, enendawi adenggen ombogat dogosogom. It andi, ndugwis mberen vaga hambusogombuk. It imam-imam ovagak dugwit, Keretus Ala iperen enake ogarit nagwis, eke, Keretus inim ininis ombok dugwit, avakwa wene yugurugwi, ogagusigik, 1.000 tahun-at agya higi.

Wahyu 5:10

It avakwa ininis unggul adik-adik enanggelekma en hat hamuya vaga enonggo bagagin ako, Nenasin Ala avema bisiluk, imam hak At ake ogagu dogopwak yiluk denogo mondok okbigigindikmu, ininis ombok dugwit, avakwa wen vaga yagamu agarwik ako enavema bisiluk, ‘Yi ogares, ndi ogares,’ yugurugu dogosogom o,” yiluk, ndawi swi menda watao ako naruk hunggis.