1 Peterus 2:8 - ALA WENE HIVIS DIRUP WATUGWA

⁸ Eke, Ala wene ambi iri dugwit: “Helep andi vaga it avakwa inisogavit denggwes erogo yakhidugu dogosogom o,” yiluk, yagagi dirup warek ako andi, it avakwa enendawi avyarat embetetek menda akoen, Ala wene wokbaluk ogarit lagetek iniselok, inisogavit denggwes erogo yakhedelagwi ako At Yesus-at, yiluk, helagwi. It anderogo ogagu dogopwak yiluk, Ala enat imbitigi ovara,

1 Peterus 2:8 Iomraidhean Croise

Lukas 2:34

Vok yugusigik, at Simeon akoen adenggen isa-asin enovaga bisapwak yiluk, Ala yugogogi. Yugugu lagagirik, At isa Maria ako yugugu dugwit, “Avyak yi, it avakwa Iserali menda wisane mondok okbugu-sovabugu, ogagya dogopwak yiluk, At Ala en denogo bagagi. Avakwa inilup arupwak yiluk, denogo bagagi hegek, avakwa wisane, ‘Nenanggon o,’ yiluk, yugwi ako vaga

Oroma 9:22

Ala anderogoat endawi imbita dugwit ogasiga atma, Aren iri dugwit, “Naninis okbugu, eke nanye vaga ogarit lagya, ogagya neyapwak,” yiluk, it avakwa nin At aninis okbugu dugwit, eneyave degerogo bisaup ombasiga. Avakwa nin anderogo degerogo bisaup ombasiga ovara, dugwit, Aren endawi mondok hora yiluk hekbugu dogop wenggelisiga halok andi, Arenat.

1 Korindus 1:23

Anderogo yagalagwi ovara, nit andi, Keretus yo winik vaga watugwa wene ako adigat vagalogo yugerelagwi. Wene andi, it Yakuri menda en hobaluk, “Wene yi yagalagwi vaga yidilogo bininaliga atma, waup nenanggon,” yiluk, yagalagwi. Eke, it weram Yakuri dek menda en hobaluk, “Andi ap wes enane ovagak higyo,” yiluk, yagalagwi.

2 Korindus 2:16

It avakwa enelokwe degerogo bisaliga akoen amben ako hugu lagarwik, “Amben yi ap vidis amben ovagak,” yugu dugwit, hekbaluk hambit lendagwi. Eke, it enagap wendarek akoen andi, amben hugu lagarwik, “Niniluk okbininaup menda yiat higyo,” yiluk, welagwi atma, iniluk-at dogosogom. Ala en nit avakwa enanggelekma dugwit amben sek menda anderogo dogop imbitigi ovara, nirenen ogarup mondok meyan okninivisiga o, avyak!

Nggalatia 5:11

Eke, naswei. An andi, adem ngga vaga anggin-mbanggin okbanilagwi ombasagwi? An, “Henagamut mbalup o,” yiluk, yukhirigya duklimu en, anggin-mbanggin erogo okbanilipuk. Ovara, Yesus yo winik vaga hombagagi wene ako yugeregek lagya dugwit, “Henagamut mbalup andi iya dek o,” yiluk, yugeregek landiga vaga, enaninis numbutu dugwit, anggin-mbanggin okbanilagwi yi aro.

1 Tesalonika 5:9

At Ala en aninis nenovaga bininagiluk, denogo bininggitek. Ata, At Nenowa Yesus Keretus en nenagap wendarupwak yiluk, denogo bininggigi.

1 Peterus 2:6

Andi, Ala Wene endak dirup warek ambi vaga, Ala en iri dugwit: “Anen helep idi menda enogo baluk, o Sion vaga ndalogo mondok okbagagis atma, ap ambi saen helep andi vaga endawi vanggabaluk avyarat imbita halok, anggadi arisogonbuk o,” yiluk, yagagi dirup warek agarik.

1 Peterus 2:7

Hit avyarat ombasagwi menda akoen, “Helep andi, nit nenake-at okbagagirikmu, mondok idi-at agarik,” yiluk, dibelagwi. Ovara, it avakwa enendawi avyarat ombasagwidek menda akoen, Ala wene ambi yi, it vaga atma asiga: “Hit o valisagwi menda akoen helep vaga vanggu dugwit, helep ambi mbobagagwa ako, mondok-mondok helep owak ndalaga o,” yiluk, dirup warek andiat agarik.

2 Peterus 2:3

It ap mamulerelagwi andien ambi hedaguluk, henambukmu unggu dugwit, enane ugun huluk molalogo yukhirugu dogosogom. Anderogo yukherelagwi ovara, it ogasagwi vaga At enowak dibaluk weyak enovaga bisaup o muk erogo hologo bagagi Ala ako andi, ugun map donggalek dugwit nggungguk nogo yiligadek. Ata, eneyave degerogo bisagiluk mondok hanjalek agarik.