1 Peterus 2:4 - ALA WENE HIVIS DIRUP WATUGWA

⁴ At Yesus eve helep iluk agarik menda ovagak andi, adema omanes. Helep ako segat hegek avakwa en “Helep andi weyak,” yiluk, hekbagagwa ovara, At Ala en andi, “Mondok segat hegek mbobagagwa,” yiluk, enogo bagagi.

1 Peterus 2:4 Iomraidhean Croise

Matius 11:28

“Hit henendawima anggin okhinipu dugwit, henanyedek asiga yi, Anen henendawi seyabigigagiluk, An nadema omanes.

Matius 12:18

“Anen enogo betagagis nayeloman nendawi hunik nadenggen okneraliga yi, hinil yokhanes. An Naberiniki At ovaga bagya neyalok, Aren An atma nggedok sek adigat enowak dilisiga ako, yi avakwa ndi avakwa yugeregek lagya dogosogon.

Matius 21:42

Yugugu lagagwama, Yesus en, “Ala wene dirup warek ambi yi: ‘It helep vaga o valisagwi menda akoen o vanggu dugwit, helep ambi mbobagagwa ako, mondok-mondok helep owak ndalaga o. At Nenasin Inis Ombok en ogagagi atma, mondok iya adigat hugu lagurik, vok yagalagwi o,’ yiluk, yagagi dirup warek ako hit bikhegetek agipik yi?”

Yohanes 14:19

An ambukumat dukluk layogon atma, it avakwa o wen vaga yoma agarwik ambi inim neyasogombuk ovara, hit andi, neyagu dogogup. An niluk agirik atma, hit ogo hiniluk-at dogogup.

Yohanes 14:6

Yugugu lagagimu, At Yesus en yugirigya dugwit, “Sup Ala adema laup inim, avyarat wene Ala avok yukheraliga inim, hiniluk okhinivisiga adem inim, andi An nadigat. At saen sup An vaga wagetek halok, An Nasin adema lasogom mondok dek.

Yohanes 5:26

An Nasin avakwa iniluk oginivisiga adem andok agarik hak, Abut An ogo, anderogoat iniluk oginipu dogogiluk, adem andok okbaninggigi.

Yohanes 5:40

hit hiniluk okhinivisogon yiluk, An nadema warup sek ovara, henanggon ombasagwi.”

Yohanes 6:37

It An Nasin en woknisiga ako ovok erogo An nadoma warusogom. Eke, it avakwa An nadoma wendagwi ako andi, ‘An mondok nanggon o,’ yiluk, mbobisayogon mondok dek o.

Yohanes 6:57

At mondok iluk agarik Nasin akoen lakbani wagya lagagirik, At okbaniliga vaga An niluk agirik ako ndatak, hit ambien An neyave nunggu hiniselok andi, An okbigigaliga vaga hiniluk-at dogogup o.

Oroma 5:10

Nit Ala ninim ogorek ninigik, At Abut nenake hombagagi vaga Ala en ninim dambulogo bininggigi atma, yogak ninim hunik agurik ako, Keretus eyave iluk agagi vaga nenagap wendarisogonbuk atma yiluk, yagalagwi? Mondok dek. Ninim hunik agurik atma, nenagap wendarisogon-at umbutu dogosogom.

1 Korindus 3:11

O owak ngguvulik mondok wadokdek ako andi, Yesus Keretus adik atma, adik ambi inim ngguvulup mondok dek.

Kolose 3:4

At niniluk okninivisiga menda Keretus ako, sigam ari warugwi vaga hit hinim ndatak winimen siyalek andoma-at hinisasogom o.

1 Peterus 1:19

Ata wam ndomba eyak eyave mondok sek adigat agarik ako hak Keretus amuya mondok onggo ombok ako vaga henonggo bagagi o.

1 Peterus 1:7

Mbusi emas onggo ombok menda andi, un sidok dek arup menda hegek, “Eve sek a, weyak a,” yiluk, hali vaga avut mbalisagwi ako wane-wane, hit avyarat ombasagwi ako andi, mbusi emas wane-wane dek. Hit avyarat ombasagwi ako andi, mondok eve iya atma, anggin-mbanggin henovaga agya halok, “Wadokdek isami a, dek a? yiluk, henavut mbalisiga atma, henendawi wadokdek hiniselok, hivis Yesus Keretus eyave sigam ari wagya dugwit, “Segat ogagep o,” yiluk, adenggen henovaga bigigu, hininis siyabigigu, “Wi!” yiluk, vok yukhirigya, ogari warisogon.

1 Peterus 2:7

Hit avyarat ombasagwi menda akoen, “Helep andi, nit nenake-at okbagagirikmu, mondok idi-at agarik,” yiluk, dibelagwi. Ovara, it avakwa enendawi avyarat ombasagwidek menda akoen, Ala wene ambi yi, it vaga atma asiga: “Hit o valisagwi menda akoen helep vaga vanggu dugwit, helep ambi mbobagagwa ako, mondok-mondok helep owak ndalaga o,” yiluk, dirup warek andiat agarik.

2 Peterus 1:1

Nowa-nasin wa. An Simon Peterus Yesus Keretus ayeloman ayonggo lakbigik menda mondok okbaninggigi akoen, wene ambi yukherayogon. At nenagap wendasiga Yesus Keretus Ala akoen, At ovavut sek adigat ogagagi ako vaga wene avyarat umbutu lagagurik, wagagup nenendawima vakhedogo agurik ako, hit ninim ndatak wagagup atma, an wene yi dirup warogo wokheraliga.

2 Peterus 1:4

At Ala eve sek mondok siyalek agarik akoen, “An anderogo okbigigayogon o,” yiluk, wene mondok iya idi ako menda nggatuk erogo yukneragagi. At nggatuk erogo yukneragagi ako vaga, it wen vaga menda enendawi en ninggya halok amusek lagu dugwit, eneyave weyak okhedegek lendagwi hak, hit anderogo ogagu hinisaoen, hekbaluk hoda wulu wagu dogomundik, At Ala ovavut sek adigat agarik ako hak, hit henovavut anderogo arovovok yiluk, At wene ako nggatuk erogo yukneragagi.