1 Peterus 2:16 - ALA WENE HIVIS DIRUP WATUGWA

¹⁶ Hit weyak menda avema werekma, Ala en heda visilogo bigigirikmu agipik atma, weyak ambi inim hwilagago ogarubuk. Ata, Ala ayeloman dugwit At ombasiga menda ndatak ogagu dogones.

1 Peterus 2:16 Iomraidhean Croise

Matius 23:13

Wene ambi inim yugirigya dugwit, “Hit Ala wene vagago agipik menda inim, ap Varisi menda inim henagavoval ovagak yagalagwi menda yi, avakwa At mbogot vaga menda avema nunggugu saoen yiluk, sup larogo wibugwis, hit nonggegetek dugwit, it nunggup ombasagwi ako, sup monggalogo bugwis, ogasagwi menda atma, anggin henovaga arugup!”

Yohanes 15:22

“An it enadema waklibuk en, wene yugirigya duklibuk, it weyak enovaga duklipuk. Anderogo ovara, yugeregek wagagis atma, yogak it weyak ogasagwi ako andi, ‘Nit weyak ogagetek o,’ yup andi, nggarogo yup.

Oroma 6:18

Hit weyak avema werekma, Ala en heda visilogo bigigirikmu, At ake sek adigat ogagu dogoguluk, At avema dugwit At ayeloman agipik.

Oroma 6:22

Eke, yogak andi, hit weyak avema welagagup ako, Ala en heda visilogo bigigu lagagirik, At ayeloman dogovovok yiluk, okbigigi. Andi okbigigi ako vaga At ake denek sek adigat ogarit lagu dugwit, atok vaga hiniluk mondok dogop menda andok arugup.

1 Korindus 7:22

Ap saen avakwa enayeloman heda mago akluk, ogagya hegek Nenowa Inis Ombok Yesus en yanggup yugugu halok, At Ala abut visilogo bagagi-at agarik. Eke, ap ambi avakwa enayeloman dek visilek hegek, yanggup yugugu halok, ap andi Keretus ayeloman heda magoat umbutu dogosogom.

Nggalatia 5:1

Nit ugun wendet nagu dogogwen yiluk, Keretus en heda visilogo bininggigi. Anderogo atma, ap en enayeloman anggin enovaga belagwi hak, hit anggin ambi inim henovaga bigigaguluk, “Yerogo ogarup, nderogo ogarup,” wene anggin ako menda ambi yukhera waguselok, enane hunggitek dugwit henendawi mondok wadokdek dogones o.

Nggalatia 5:13

Wa naswei. Hit ako andi, ugun heda visilek nagu dogovovok yiluk, Ala en heneyanggup yukheragagi atma, “An nanonggal heda visilogo baninggigirikmu, nendawi ninggya halok ugunat ogarit lagya dogosogon o,” yiluk, ogarubuk. Ata, nabwa-habwa umbutu dugwit, henaswei hinim yonggat-yonggat ogarit nagu dogones.

Evesus 6:6

Ogarit lagu dugwit, enendawi sek henombarupwak yiluk, inil inigik adigat ogagu dogobuk. Ata, “An Keretus ayeloman atma, Ala endawi ombasiga akoat, ogarisogon o,” yiluk, henendawi sek sagain vaga okbigik nagu dogones.

Kolose 3:24

Hit henasini eneyavup ogasagwi andi, Nenowa Inis Ombok eyavup wane-wane ogasagwi atma, henendawi en, “Nit yavup ogasagwi onggo andi, At Nenowa Inis Ombok Keretus en nduk okbininggigi agarik o,” yiluk, henendawi dibagu dogones.

1 Tesalonika 2:5

Nenane agil-amok vaga yukhirugu lagetek andi, hinilup. Hit henangge ambi hedaguluk, nenane vaga, “Ai-au” yagalagwi andi, At Ala ilup atma, nenane yukhirugu lagatek.

Yakobus 1:25

Wene yerogo ogarup, nderogo ogarup, sek adigat agarik ako vaga visilogo bininaliga wene ako, hit segerogo yenaga wugu dogomundik, hinunggut agetek des erogo wokbaluk, ogagu dogosogom halok, At Ala en henendawi adenggenat okbigigayogon o.

Yakobus 2:12

It avakwa, “Ala wene visilogo bininaliga wene ako andi vaga nenowak dilisogon o,” yiluk, enendawi wenggenggu dugwit, enane yugwi, ogarit lagwi, ogasagwi ako hak, hit ogo, ogagu dogwes.

2 Peterus 2:19

Avakwa ovok erogo andi, yi menda ndi menda anye werek menda avema sovabuguselok, anye werek menda andi ayeloman heda mago ovagak agarwik. Anderogo wane-wane, it ap andi, it weyak ogarup oginivisagwi menda andi ayeloman heda mago ovagak dugwit, “Hit ninim ugun-ugun ogagu dogop sek hegek, nano yiluk mumoga adigat yagalagwi yi,” yiluk, yugeralagwi.