1 Peterus 2:12 - ALA WENE HIVIS DIRUP WATUGWA

¹² It ap weram enendawi avyarat ombasagwidek menda akoen, “It weyak ogarit nelagwi o,” yiluk, henavok yagalagwi ovara, hit sek adigat ogarit lendagwi dibigigu dogomundik, Yesus wagya andi vaga Ala siyabapwak yiluk, enanggelekma dugwit, henova hwalogo dogones.

1 Peterus 2:12 Iomraidhean Croise

Matius 10:25

at wene welagwi menda ambien at wene mamulisiga ako iperen wane-wane agya halok andi sek. Eke, ayeloman akoen asin ako iperen wane-wane agya halok andi ogo, sek aro. It avakwa enasin o andok menda andi weyak yiluk, ‘At andi Sile inis Mbelesebul o,’ yuguselok andi, it at aburi ambekma agarwik menda andi, anderogoat ininis evenuk weyagat yugu dogosogom.”

Matius 5:11

“Hit ao dek hinigik, it navi-navi anggin-mbanggin oginipu lagagwa ako hak, hit ogo An woknembetep vaga avakwa en wiyiknom-weyaknom okbugugwis, anggin-mbanggin okhinupwis, enane huluk adigat henovaga bugugwis, ogaguselok, henendawi adenggenat umbutu dogones o. Henangge hagalwik mbogot vaga wisane agarik atma, henendawi sek dugwit, hai watu dogones o,” yiluk, yugeragagi.

Matius 5:16

It avakwa en hit sek ogagwi inil hinugu dogomundik, Henasin mbogot vaga menda siyabapwak yiluk, hiren anderogoat avakwa inivaga hali abya hak awiya oginipu dogones o,” yiluk, yugeragagi.

Matius 9:8

Andi ogagagi ako, it avakwa inil hugu lagagwarik, enalon en, “Ala en it avakwa anderogo ogagu dogopwak yiluk, andok okbisaliga atma, iya!” yiluk, Ala siyabagagwa.

Lukas 1:68

“Nit avakwa Iserali menda Nenasin Ala ako nenadema wagya lagarik, heda visilogo bininggarikmu, inis siyabagu dogosogom o.

Lukas 6:22

It avakwa yi, enombawi en navi-navi weyak okbugu lagagwa ako ovagak, An Ap-At Endaklagagis ako nane wegep vaga enanggon adigat hinumbutu dugwit, ‘Hit nit menda dek,’ yiluk, hekbugugwis, wiyiknom-weyaknom erogo bugugwis, ‘Ap yi weyak o,’ yiluk, hininis sovabugugwis, ogaguselok, henendawi adenggen umbutu dogogup. Henangge hagalwik mbogot vaga wisane agarik atma, anggin anderogo okbuguguselok, henendawi adenggen en agasogot wugu dugwit, ndawi luvuk yugu dogogup.

Yohanes 13:31

At Yudas wunggu hegek, At Yesus en it nin ako yugirigya dugwit, “Avyak! Yogak Ala en An Ap-At Endaklagagis ako siyabanisogon. Eke, An ogagi ako vaga Ala ogo siyabayogon.

Lakbogogi Wene 15:14

Ala en endak it avakwa weram Yakuri dek menda enanggelekma en nin At aburi denek belalogo miginipigi wene ako Simon en mbilinogo yukneraga.”

Lakbogogi Wene 24:13

Eke, yogak wene an novaga banilagwi andi ogo, adem dek hegek yagalagwi atma, hat avyarat ombarinyok yiluk yukhisagwi andi, adem degat hayogon o, nasin.”

Lakbogogi Wene 25:7

Wolok wagu lagagwama, at eyave ilim hegek, it Yakuri Yerusalem en wagagwa ako, walinbaluk, adem dek hegek, “Yerogo ogagagi, nderogo ogagagi,” yiluk, wene iya erogo ovaga bagagwa.

Lakbogogi Wene 28:22

avakwa yi awi ndi awi ovok en hit wene musek lendagwi menda andi enanggon henombasagwi ninilup atma, hat hendawi nggarogo yiluk yagaliga ako, iri heyaguluk wagyo,” yiluk, yugogogwa.

Oroma 12:17

Weyak onggo-onggo ogagu dogobuk. Ata, avakwa en sek ogarup ombasagwi ako adigat ogagu dogones.

Oroma 13:13

Amburup nunggu lagarwik, nenek-at yagan nagwis, ndawi weyaravok watu dugwit, akwa ugun ogunupwis, enendawi en ninggya halok ugun ogarit nagwis, war-wat yugwi, haterek-anderek yagan nagwis, ogarit nagu dogop moga. Ata, o dingga vaga dugwit, des erogo ogasagwi hak, nit anderogoat des erogo ogagu dogosogom.

Oroma 14:18

Keretus ake ogarit nagu dugwit, wene andi, des erogo ogagu hiniselok, Ala en sek hinimbita, eke, it avakwa en ogo, “Segat ogasagwi,” hinumbutwi, ogagu dogosogom.

Oroma 15:9

Eke, ambi, it weram Yakuri dek menda en, “Nit ogo, Ala aigwak aberen okbininggu helagwi,” yiluk, Ala inis siyabagu dogopwak yiluk, At Keretus ako it Yakuri enake ogagya lagagi. Wene andi, Ala wene endak dirup warek ako vaga, ap ambien iri dugwit: “Anderogo atma, an it avakwa weram Yakuri dek menda enanggelekma dugwit hinis siyabagagya, ndawi vaga habin iri dugwit, hinis siyabagagya, ogarisogon o,” yiluk, yagagi ako dirup watigi.

2 Korindus 1:12

Nit avakwa wema menda enanggelekma ogarit lagu dugwit, dibaluk ogarit lendagwi, ovara, hit Korindus menda henanggelekma dugwit andi, mondok iya erogo dibaluk ogarit lagu lagagup. Andi, it avakwa wen vaga menda nenendawi werek ombakluk yagan nelagwi hak nit yagan lagatek, eke, sek adigat ogagu dugwit, wene atok hwilagago yukheregetek. Ata, Ala endawi hunik en anye okbininggu hegek, mondok avyarat halok adigat sigam vagalogo yukhirugu lagagup ako adigat wenggelagya halok, “Sek ogagyo atma, wi!” yiluk, nenendawi adenggen wisane agurik.

2 Korindus 13:7

Hit weyak ogagu dogoguven yiluk, henake Ala yugisagwi. Avakwa en nit nenavut mbabaluk, “Paulus aori inim sek adigat ogasagwi,” nenavok sek adigat yupwak yiluk, nit samban ogasagwidek. Ata, nit nenavok weyak yugusigik ovara, hegek hit sek adigat ogarit lagu dogovovok yiluk, henake samban ogasagwi.

2 Korindus 8:21

Nit Nenasin Inis Ombok adigat ivaga des erogo ogagu dogoguluk yagalagwidek. Ata, Nenasin inim, avakwa inim, inivaga des erogo adigat ogagu dogoguluk, mondok dibaluk ogasagwi.

Evesus 2:3

Endak nit ovok erogo enanggelekma dugwit it weyak ogasagwi ako wane-wane ogagu lagagup. Nit nenendawi endak menda en yuknirigya hegek nenendawi ninggya halok musek lagwi, weyak ogarup okninipu halok ogarit lagwi, weyak ogarup adigat nenape wenggelit nagwis, ogagu lagagup. Ogagu lagagup vaga, it nin Ala wene sovalogo baluk, weyak adigat ogagu lagagwa vaga Ala aninis enovaga bugu hegek welagagwa ako wane-wane, nit ogo Ala aninis mondok nenovaga bininaup-at welagagup.

Evesus 4:22

“Nenendawi ninggya halok musek lagu lagagup ako andi, weyak okbininaup hegek musek lagu lagagup higyo,” yiluk, henaruk hunggugup atma, henovavut endak menda ako, nggolalogo hekbaluk,

Pilipi 1:27

Andi halok, Sek Wene Keretus avok ako, wane-wane des erogoat ogarit lagu dogones. Andien, an yoma neyagek hit ogarit nelagwi naruk hulimi a, ata andoma henadoma ari warimindikmu ogagu hinisami a, hit Sek Wene avyarat umbutu lagagupik wogogup ako, hekbagetek henendawi ambiat akluk, wadokdek dugwit, ogarit lendagwi ako nilup arisogon.

Pilipi 4:8

Naswei o. Wene atok ambi yi inim yukherayogon. Avyarat menda halok, eyave widao menda halok, atma nggedok ogasagwi menda halok, weyak dek menda halok, enane ai yagalagwi menda halok, sek helagwi menda halok, yi menda ndi menda ovok erogo avakwa en “Wi,” yiluk, siyabelagwi menda halok, andi menda adigat henendawi wenggenggu dogones.

1 Timotius 2:2

It ap ombok-ombok inim, ap ininis werek ovok erogo inim, enake samban ogagu dogwes. It sek erogo vaknenombogo inigik, nenendawi sek vaga Ala musek lagu dugwit, ugun adenggen wadokdek dogoguluk, it enake samban ogagu dogwes.

1 Timotius 4:12

Hat heyave ao sawe atma yiluk, avakwa en sovalogo bagaup andi moga. Yagaliga inim, ogasiga inim, avakwa hendawi hunik oginivisiga inim, Yesus Keretus avyarat ombasiga inim, hendawi weyak embetetek dugwit ogarit landiga ako inim, ogasiga andi vaga it ap avyarat ombasagwi menda hat il wakhegek dugwit, ogagya dogwen.

1 Timotius 5:10

“Hwa andi sek ogasiga menda,” yuguselok, eyagi des erogo sawe oginipu halok, ap huru enagania isagya halok, it Ala aburi avyarat ombasagwi menda enayeloman ovagak oginipu halok, it avakwa anggin enovaga agya yonggar-inipu halok, eke, yi yavup ndi yavup sek okbisaup ovok erogo “An neyavup-at,” yiluk, ogasiga halok, ininis dirup warup sek ovara,

Iberani 13:18

Nenake samban adigat ogagu dogones. Nit sek adigat ogarit nagu dogop hogop ombasagwi atma, yi ogagek ndi ogagek ogagu dugwit, weyak ogarup ambi nenendawima wenggelagetek halok, “Segat ogarit nelagwi higyo,” yiluk, ombasagwi.

Iberani 13:5

At Ala en iri dugwit: “An hekbigigu, ugun wilirogo bigigu, ogarisogonbuk o,” yiluk, yagagi atma, yoparip adigat hogop-hogop embetek nelagwi vaga yoparip andi, ayeloman agu hinisaoen, dibagu dogones. Henangge nano menda ambi agarik halok, “Yi ovogat werek,” yiluk, henendawi seyalek dugwit, adenggen vaga nagu dogones.

Yakobus 3:13

Hit ap ambi henanggelekma endawi werek dugwit, yi wene ndi wene vage yedok haliga halok, ap andi endawi werek helagwima, endawi sovalek dugwit sek ogarit lagya hinil havovok yiluk, ogarit lagya dogopwak.

1 Peterus 2:15

At Ala endawi ombasiga andi, nit sek adigat ogagu dogop. Sek adigat ogasagwi vaga it avakwa enendawi dek wene inunggut dugwit yagalagwi andi, enane sovalogo bugu dogosogom atma, sek adigat ogagu dogones.

1 Peterus 3:16

Hit Keretus hinim hunik dugwit, sek ogarit lagu hinigik, it wiyiknom-weyaknom erogo bigigelagwi akoen, hit sek adigat ogarit lagwi vaga, “Ia!” yiluk, enanggadi arisogon atma, henendawi weyak ambi wenggelagetek henendawi sek vaga henane sagain erogo yugurugu dogones.

1 Peterus 4:11

Yi ogagek ndi ogagek ogagu dugwit, Yesus Keretus inim hunik dugwit, At Ala inis ombok arupwak yiluk, hit ambien wene yugeraup ombasagwi halok, Ala weneat yugurugwi, eke, ambien avakwa yonggar-inipu dogop ombasagwi halok andi, Ala anye okbigigu hegek yonggar-inipwis, ogagu dogones. At Ala andi, anye wisane atma, mondok-mondok siyalek dogopwak o. Amin!

2 Peterus 3:11

Yi menda ndi menda ovok anderogoat dek arisogon atma, nit nenandogon nggarogo dugwit ogarit nagu dogop embetep? Dek o. Nenasin Ala wagya andi vaga mbogot hali ninggya dugwit dek agya, eke, saut-dadiwap hali idup wisane en agas owangga sigirigis wunggu dugwit degerogo bagya, ogarisogon atma, “Nenowa hodorogo warupwak o,” yiluk, abyam dugwit, heneyave ovok erogo Ala ake enogo baluk, weyak ogagetek henandogon mondok sek adigat dugwit, henendawi adenggen erogo ogarit nagu dogones.