1 Peterus 2:10 - ALA WENE HIVIS DIRUP WATUGWA

¹⁰ Hit o endak Ala aburi degat welagagup ovara, yogak andi, At aburi okhinipigirikmu agipik. Eke, hit endak At Ala aigwak aberen okhinivup ako hinil hegetek dugwit welagagup ovara, yogak andi, At Ala aigwak aberen okbigigaliga ako dibelagwi.

1 Peterus 2:10 Iomraidhean Croise

Oroma 10:19

Eke, an wene ambi hemethinisayogon. It avakwa Iserali menda Sek Wene dibagetek-at welagagwa halok, yukheraliga ombasagwi? Andi mondok dek. At Musa en iri dugwit: “Ala en, ‘It avakwa ininis dek menda sek okbugu vaga naburi Yakuri menda en uwa mbanggwis, eke, avakwa ininis unggul we-wa menda sek okbugu vaga naburi Yakuri menda en enaninis agwi, ogarugup yiluk, okbisayogon o,’” yiluk, yagagi.

Oroma 11:30

Hit weram Yakuri dek menda endak Ala wene dirup warek hegek adik ogagu lagagup ovara, yogak it avakwa Yakuri menda Ala wene sagalogo mbobagagwa vaga Ala aigwak aberen hit okbogogogi. Andi wane-wane,

1 Korindus 7:25

Hit avakwa henaguni henogwai hedegetek menda ogagu dogop Ala en wene ambi yuknigitek. Yuknigitek ovara, Ala en nabwa okbaninggya hegek, nandogon huluk yagaligadek menda dugwit, nendawi imbiti ako ambi yukherayogon o.

1 Timotius 1:13

An endak “Yesus andi Ala abut dek,” yiluk, wiyiknom-weyaknom erogo bagya, naninis en, At ane welagwi menda enarit lagya, wiyiknom-weyaknom erogo bugu, ogagya lagagis ovara, an Yesus ovaga vanggabaluk avyarat embetetek ugun ninggut dugwit, ogagya lagagimu, Ala aigwak aberen hekbaninggigi.

Iberani 4:16

yogak anggin ambi nenovaga agya halok, nenabwa imbita dugwit, aigwak aberen okbininggu haguluk, nenalon embetetek At Ala nenabwa en okbininaligama akoma horok ari nunggugu dogosogom.