1 Peterus 2:1 - ALA WENE HIVIS DIRUP WATUGWA

¹ Andi halok, hit weyak ogasagwi menda andi mondok hekbaluk dogones. Huluk wene yagalagwi inim, enagavoval yagalagwi menda inim, haterek-anderek yagalagwi inim, navok-havok yagalagwi inim, andi ovok erogo hekbagu dogones.

1 Peterus 2:1 Iomraidhean Croise

Matius 15:7

Hit henagavoval yagalagwi humwis yi! At navi Yesaya en hit anderogo ogagu hiniselok, avyarat yagagi. Aren iri dugwit:

Matius 23:28

It avakwa en heneyave bikhinugu dugwit, ‘Ai, yi ap sek,’ henombasagwi ovara, henendawi henagavoval yagalagwi menda inim, yi weyak ndi weyak ogasagwi menda inim, henendawima mbin erek agarik higi,” yiluk, yugeragagi.

Matius 24:51

ayeloman ako eyave libik-ndendok erogo it avakwa enagavoval ovagak ogasagwi menda mabisaligama akoma mabamindikmu dugwit, yup yagya, idup en wakhidigya, ogagya dogosogon o,” yiluk, yugeragagi.

Matius 7:5

Ii! Henagavoval yagalagwi! Yo agako mbalek hit hinimu winik agarik ako endak wikhelok, henaswe imu wikhaup andi, sigamat hagup o,” yiluk, yugeragagi.

Markus 12:15

Yugugu lagagwama, it enendawi enagavoval ovagak dugwit yugwi ako yedok inugu lagagirik, “Nggarogo yiluk, ‘At yagaliga vaga yidilogo basogom,’ umbutu dugwit, yuknisagwi? Yoparip enggen mbusi ambi An nil hagiluk, wokneres.”

Lukas 11:44

Avakwa inunggut inigik, hiren weyak ogarupwak yiluk, enendawi nomalisagwi atma, anggin henovaga arugup.”

Lukas 12:1

It Ala wene vagago agarwik menda inim, ap Varisi menda inim, Yesus vagaruguluk, enaninis en aigwakma dirit-darit wugusigik, it avakwa eneyave wisane ininggis dinggilup meyan homakbaluk, hobo-hobo en enovaga sep yagan wagagwa. Sep yagan wagusigik, At Yesus en At ane welagwi menda enendak yugirigya dugwit, “It ap Varisi akoen enendawi enagavoval amulisagwi yukherelagwi. Enagavoval amulisagwi yukherelagwi ako andi ragi roti virisiga menda hak atma, wene andi menda henendawima nunggwigya haoen, hit henova hwalogo dogones.

Lukas 6:42

Eke, yo agako mbalek hit hinimu wikhegetek dugwit, ‘Naswe. Yo iluvulu himu nonggagas ako wikheyayogon,’ andi nggarogonggan yugurup ombasagwi? Ee! Henagavoval yagalagwi! Yo agako mbalek hit hinimu winik agarik ako endak wikhelok, henaswe imu wikhaup andi, sigamat hagup o,” yiluk, yugeragagi.

Yohanes 1:47

Yugugu lagagimu, Yesus en ap Nataniel At adema wagya il higya lagagirik, at avok iri dugwit, “Ap yi avyarat Iserali menda, at ane mberen mondok yagaligadek yi hanes o.”

Oroma 1:29

Hekbigigirikmu, yi weyak ndi weyak adik-adik wisane erogo ogagu lagagwa. Ogagu dugwit, weyak adigat ogarit nagwis, hogop umbutwi, avakwa enanggon umbutwi, haterek-anderek yugwi, ap watwis, war-wat yugwi, enambukmu unggwi, naninis-haninis yugwi, navok-havok yugwi,

1 Korindus 14:20

Nowa-nasin. Hit henendawi wenggelisagwi ako andi, it avyak maridugi enendawi dek en wenggelisagwi andi hak, henendawi anderogo wenggenggu dogobuk. Ata, it ap enendawi werek wenggelisagwi ako wane-wane wenggenggu dogones. Weyak ogarup okhinipu haoen, avyak ao swi endago weyak ogasagwi inunggut agarwik ako wane-wane, hit anderogoat dogones o.

1 Korindus 5:8

Vipuk ogarek werekma, isogo nunggu dugwit, roti virisiga menda anggelekma baluk, isogo ako ovagak, muk menda nit ovok weyak adigat ndugurek-ndagarek ogagu lagagup akorogo ogagu dugwit, nunggu dogop moga o. Ata, roti virisiga menda bagetek isogo ovagak nenendawi mondok sek avyarat menda adigat ogagu dugwit, nunggu dogosogom o.

2 Korindus 12:20

Anen, “Hit ogagu dogop,” ombasiga ako hegek adik ogasagwi atma henadema wagya neyaoen, an nendawi anggin haliga. Eke, hiren, “At anderogo ogari warupwak,” numbutu hinigik, anen adik ogari wagya neyaoen, andi ogo an nendawi anggin-at haliga, naswemuni. An henadema wagya dogomindik, nane-hane yagan nagwis, haterek-anderek yugwi, naninis-haninis yugwi, an iya hat iya yugwi, navok-havok yugwi, wene henelagap atok vaga wolok-wolok ane wolok nagwis, wogobetegek nagwis, nadok-hadok ogarit nagwis, ogasagwi atma henadema wagya neyaoen, nalon okneraliga.

Evesus 4:31

Henaswei enendawi weyak okbugwis, naburuk-haburuk yugwi, naninis-haninis yugwi, wene watwis, wiyiknom-weyaknom erogo bugwis, weyak okbisaup henape wenggelisagwi ako menda ovok erogo hekbagu dogones.

1 Tesalonika 2:3

Nit henaruk watu dugwit, yukherelagwi ako andi, nit ninunggut dugwit yukhirugwi, nit ambi hedaguluk yukhirugwi, henendawi waguluk, huluk wene yukhirugwi, ogasagwidek.

1 Timotius 3:11

It enogwai andi anderogo enovavut sek dugwit, wolok-wolok ane yagan nelagwidek halok, enendawi suam wakhiduguselok, eke, it yagalagwi ndatak vaga ogaguselok, akwa anderogo menda iniselok, it enaguni ap yonggaragak mendok okbisaup sek.

Titus 2:3

It akwa enanggok andi, yi menda ndi menda ogagu dugwit, Ala agayuk wutu dogopwak yiluk, ap enanggok yugeraup yukhigis ako ndatak yugirigya dogwen. Enabis adup okbaluk wolok-wolok ane yagan nagwis, amburup nenek oginivisiga menda enagaum erogo nunggwi, anderogo ogagu dogobuk. Ata, eve wene halok adigat mamulirugu dogopwak yiluk, yugirigya dogwen.

Iberani 12:1

It avakwa enendawi Ala ovaga vanggabaluk, avyarat umbutu dugwit ogagu lagagwa yigyo akoen, “Nit ogagu lagagup ako wane-wane ogagu sami a, dek a?” yiluk, eneyave apik homago walinek inil vurek agarwik ovagak atma, nit sup hupuk lagu dugwit, nenanyedek agya haoen, yi menda ndi menda nenovaga durik agarik ako inim, weyak ogarup nenendawi hunik umbutu dugwit yidilogo bininaliga ako inim, ovok erogo nggolalogo mbobagu dogosogom. Mbobaluk, “Hupuk andi hudi mendek yilales,” yiluk, yukneragagi ako, nenendawi mondok wadokdek dugwit, hupuk mendek yilagu dogosogom.

Yakobus 1:21

Andi halok, ogarup dek menda bobo ugup ovagak hegek ugun ogagwi, eke yi weyak ndi weyak ogagwi, ogasagwi ako ovok erogo hekbaluk, henendawi sagain vaga dugwit, nenagap wendarup wene Ala en nenendawima awi yakbininaliga ako, adigat des erogo wugu dogwes.

Yakobus 3:14

Anderogo ovara, hit henaninis umbutu dugwit, henendawi lakot dugwit yagan nagwis, “An ombasiga adigat ogarup,” umbutu dugwit, yagan nagwis, ogasagwi atma, henendawi wogobetaup andi moga o. Avyarat wene hegek, avut dagalisagwi atma, huluk wene molalogo yagan nelagwi.

Yakobus 4:11

Nowa-nasin o. Henane huluk molalogo navok-havok yup andi moga. Hit ambien henaswei-henarupwi henane huluk molalogo enavok yugwi, enowak dinggwis, ogasagwi andi, “Ala wene adem ombok yukneragagi andi weyak yagagi o,” yiluk, ogagu dugwit, Ala wene owak dilisagwi hak ogasagwima, hit wene hobalek ako menda ogasagwi dek o. Hit Ala wene owak dilisagwi menda-at henombasagwima, anderogo ogarubuk.

Yakobus 4:5

“Ala en Averiniki nenendawima mabininggigi hegek, nenendawi naliga ako amusek lagu niniselok, Averiniki akoen, ‘Ai,’ yiluk, endawi wakhedaliga o,” yiluk, Ala wene dirup watigi ako andi, un watigi embetep?

Yakobus 5:9

Nowa-nasin o. Ala en weyak onggo henovaga okbigiga wagya haoen, henane mbaket yugu dugwit ap ambi en ambi avok mbanggik ogagu dogobuk. Hinilup dogop! Nenowak dilisogon ako andi, vage warigiluk sup mbanggutmu mendek agarik!

1 Peterus 2:16

Hit weyak menda avema werekma, Ala en heda visilogo bigigirikmu agipik atma, weyak ambi inim hwilagago ogarubuk. Ata, Ala ayeloman dugwit At ombasiga menda ndatak ogagu dogones.

1 Peterus 2:22

Ala wene ambi iri dugwit: “At weyak ambi ogagetek, At elagapma ane huluk ambi mondok dek,” yiluk, yagagi.

1 Peterus 3:10

Andi, Ala wene endak ako vaga At Ala en iri dugwit: “Hit avakwa sanien, hit hiniluk dogop henendawi hunik umbutwi, ‘Nit sek adigat dugwit, nanggok akluk, hambup segat,’ umbutwi, ogasagwi andi, henabis vaga wolok-wolok ane yagan nagwis, henabya atok vaga wene huluk wolok nagwis, ogagu hinisaoen, suam watu dogones.

1 Peterus 4:2

Hit anderogoat henendawi wadokdek agipik halok, o yogak yi hudien wen vaga yenam ao dugwit, henendawi ninggya ako adigat musek lagu dogobuk. Ata, Ala endawi ombasiga ako adigat wane-wane ogarit lagu dogones.

1 Peterus 4:4

Eke, yogak ambi inim ogagetek hiniselok, it avakwa Ala wene inunggut menda ako enendawi mondok dek dugwit, yi weyak ndi weyak ugunat ogasagwi ako, it inim ari lagatek hiniselok, “Wi,” yiluk vok yugu dugwit, enane weyak henovaga bigigelagwi.

Wahyu 14:5

It ako huluk wene ogo mondok yagalagwidek atma, wene weyak ambi enovaga mondok degat inigis.