1 Peterus 1:8 - ALA WENE HIVIS DIRUP WATUGWA

^8-9 Hit Yesus hinil hegetek ovara, hegek, henendawi hunik ogagwi, eke, yogak At eyave hinil hegetek ovara, henendawi At ovaga vanggabaluk, avyarat umbutwi, ogagu dugwit, “Nit nenendawi avyarat ombasagwi vaga, nenagap wendarup ako atma asiga,” umbutu dugwit, henendawi adenggen ombasagwi ako andi, mondok eve iya erogo agarik atma, nggarogo yubuk erek aga.

1 Peterus 1:8 Iomraidhean Croise

Matius 10:37

An henanggon ovagak numbutu dugwit, hinisa a, henasin a, henendawi hunik ogagu hiniselok andi, An ninim dogop meyan. Eke, An henanggon ovagak numbutu dugwit, henabut avyak a, hwavyak a, henendawi hunik okhidugu hiniselok andi ogo, ninim dogop meyanat.

Yohanes 14:15

Yugirigya lagagirik, Yesus en ambi inim yugirigya dugwit, “Hit An henendawi hunik oknitu hiniselok, Anen, yerogo ogarup, nderogo ogarup, yukheraliga ako des erogo ogagu dogosogom.

Yohanes 14:21

“Ap ambi saen An nane, yerogo ogarup, nderogo ogarup, yukheraliga ako wokbaluk ogagya dogosogon halok andi, An endawi hunik okneraliga ako at andiat. Aren An endawi hunik oknitya halok andi, An Nasin en ap andi, endawi hunik ogagya dogosogon. Eke, An ogo, at endawi hunik ogagya dugwit, aren An neyapwak yiluk, inugirisogon o,” yiluk, yugeragagi.

Yohanes 14:24

Ap ambi saen An endawi hunik oknerayogonbuk halok andi, An nane ndatak ogagya dogosogonbuk. Wene An yukheraliga hit hulisagwi ako andi, An nendawi wenggebaluk en yukheraligadek. Ata, At lakbani wagagi Nasin ako iri halok, yukheraliga.”

Yohanes 16:22

Anderogo wane-wane, hit yogak henendawi anggin wisane agipik ovara, hivis An ninim avuk arusogom vaga andi, henendawi adenggen agya hagup. Henendawi adenggen hagup ako avakwa en degerogo bigigaup mondok dek o.”

Yohanes 20:29

Yugugu lagagimu, Yesus en at yugugu dugwit, “Tomas wai! Hat hil neyagya lagindik en, hendawi novaga vanggabaluk, avyarat nembeten. Anderogo ovara, it avakwa nin inil neyagetek dugwit, enendawi novaga vanggabaluk, avyarat numbutuselok andi, enendawi adenggen wisane hugu dogosogom,” yiluk, yugogogi.

Yohanes 8:42

Yugugu lagagwama, At Yesus en it yugirigya dugwit, “Hit henasin andi Ala avyarat duklip en, An Ala werekma en wambu wagya lagagirik, yoma agirik atma, ninim henendawi hunigat duklip. An napedigot wagetek. Ata, Arenenat lakbani wagagi ovara,

Lakbogogi Wene 16:34

Ima wombabugu lagagwama, wogonombolok at amwa nunggugu lagagwarik erom wogeragagi. At inim, at aburi inim, enendawi Ala ovaga vanggabaluk avyarat umbutugwa vaga enendawi adenggen wisane agagwa.

Oroma 15:13

“Hivis sek arisogon,” yiluk, nenendawi adenggen ombarupwak yiluk okninivisiga Ala akoen, henendawi At ovaga vanggabaluk, avyarat umbutugup vaga henadenggen wisane dogovovok yiluk, okbugugu, eke, henendawi ugun adenggen seyalek dogovovok yiluk, okbugugu, ogagya dogopwak. Andien, Ala Averiniki anye vaga henendawi hoda okhinipu dugwit, “Nenape wenggelek agurik ako heda lasogom-at,” ombok erogo ombarovovok yiluk, okbugugu dogosogon.

1 Korindus 16:22

Ap sanien Nenasin endawi hunik ogagetek halok, mondok homan ogarek ovagak-at dogopwak o. Maranata o! Yagalagwi adem andi nit nenane vaga, “Nenasin hodorogo warupwak o,” yiluk, yagalagwi.

2 Korindus 1:22

eke nit At aburi denek yedok ninigu dogopwak yiluk, Ala Averiniki nenendawima mabininggigi. Aren “Hivis okhinivisogon,” nggatuk erogo yagagi ako, “Hivis avyarat okninivisogon,” ombaruguluk, Ala Averiniki nenendawima mabininggigi.

2 Korindus 4:18

Nit yi menda ndi menda ninil helagwi andi, dek asogon atma, nenendawi yi vaga vanggabaluk, agurikbuk. Ninil helagwidek ako menda halok andi, mondok-mondok agarik atma, nenendawi andi vaga vanggabaluk agurik o.

2 Korindus 9:15

Ala nenabwa en mondok iya erogo wokneragagi ako mbilinogo yup meyan atma, At adigat, “Wa, wa,” yugugu dogosogom.

Nggalatia 5:22

Anderogo ovara, yo enggen sek yiliga hak, Ala Averiniki nenendawima dugwit, ogarit lendagwi ako eyave yi: Avakwa enendawi hunik ogonupwis, enendawi adenggen adigat umbutwi, enendawi ugun seyalek adigat welagwi, enendawi horaik welagwi, avakwa sek okbigik nagwis, sek adigat ogagwi, des erogo ogarit lagwi,

Nggalatia 5:6

Nit Keretus Yesus ninim hunik dugwit, nenagamut mbalek halok, mbalekdek halok, andi eyave dek atma. Ata, nenendawi avyarat umbutu dugwit avakwa enabwa en sek okbisilin nagu dogop ako andi iya aro.

Evesus 6:24

Nenowa Inis Ombok Yesus Keretus hit henendawi hunik ogasagwi ako, dek agetek mondok hunik hiniselok, henabwa imbita dugwit, hinimat dogosogon o. An Paulus en wene andiat yukhirigi o. Naswei wa!

Pilipi 1:25

Hit okbigigaup ambi werek imbitirikmu, hit avyarat ombasagwi ako vaga henendawi hoda agya hegek, adenggen umbutu dogovovok yiluk, ninimat dogop ombasiga.

Pilipi 3:3

“Nit neneyave anderogo okbinunggugwa,” yiluk, nenendawi andi vaga vanggabaluk, agurikbuk. Ata, Ala Averiniki en nenendawima dugwit, Ala inis siyabagwi, Keretus Yesus ninim hunik dugwit wa yugugwis, ogasagwi ako andi, Ala aburi nenagamut mbalek ovagak nit aro.

Pilipi 4:4

Nenowa inim hunik dugwit, henendawi adenggen adigat umbutu dogones. An ambi inimat yukheraliga: henendawi adenggen umbutu dogones!

Iberani 11:1

Nit nenendawi Ala ovaga vanggabaluk, avyarat ombasagwi eyave ako, yi: Yi menda ndi menda nit nenape wenggelek agurik ako, “Avyarat hedasogom,” umbutwi, eke, ninil hegetek ovara, “Avyarat agarik,” umbutwi, ogasagwi andiat.

Iberani 11:27

At Musa ako endawi Ala ovaga vanggabaluk, avyarat imbita dugwit, “Ap inis ombok Viraon ako aninis en natya halok andi, narupwak o,” yiluk, o Mesir hekbaluk, alon dek winggigi. Ninil hegetek menda ako, at il haliga ovagak ogagagi atma, endawi mondok wadokdek dugwit, winggigi.

1 Peterus 1:6

Anderogo atma, nowa-nasin. Anggin-mbanggin adik-adik menda henovaga agarik ako vaga henendawi anggin durik agipik ovara, “Hivis nenangge vipuk erogo bininggigi ako hedalasogom atma, yi andi, un sidogat okbininalagwi atma, sek aro,” yiluk, henendawi adenggen ombok erogo umbutu dogones.

1 Peterus 2:7

Hit avyarat ombasagwi menda akoen, “Helep andi, nit nenake-at okbagagirikmu, mondok idi-at agarik,” yiluk, dibelagwi. Ovara, it avakwa enendawi avyarat ombasagwidek menda akoen, Ala wene ambi yi, it vaga atma asiga: “Hit o valisagwi menda akoen helep vaga vanggu dugwit, helep ambi mbobagagwa ako, mondok-mondok helep owak ndalaga o,” yiluk, dirup warek andiat agarik.

1 Peterus 5:4

Anderogo ogagu hiniselok, nit ndomba vaknenombogo agarik Nenowa ako, hivis wagya dugwit, “Hit mondok sek ogagu lagep o,” yiluk, nggudit-nggudit henago mondok abinak werek vidis asigadek menda yikbigiga warisogon.