1 Peterus 1:7 - ALA WENE HIVIS DIRUP WATUGWA

⁷ Mbusi emas onggo ombok menda andi, un sidok dek arup menda hegek, “Eve sek a, weyak a,” yiluk, hali vaga avut mbalisagwi ako wane-wane, hit avyarat ombasagwi ako andi, mbusi emas wane-wane dek. Hit avyarat ombasagwi ako andi, mondok eve iya atma, anggin-mbanggin henovaga agya halok, “Wadokdek isami a, dek a? yiluk, henavut mbalisiga atma, henendawi wadokdek hiniselok, hivis Yesus Keretus eyave sigam ari wagya dugwit, “Segat ogagep o,” yiluk, adenggen henovaga bigigu, hininis siyabigigu, “Wi!” yiluk, vok yukhirigya, ogari warisogon.

1 Peterus 1:7 Iomraidhean Croise

Matius 19:28

Yugugu lagagimu, Yesus en, “Hit An ninim nelagwi yi, hivis yi menda ndi menda swi ogagya hegek, An Ap-At Endaklagagis ako, nabinak vaga wene yugeraligama akoma horaik neyagek, hit ogo wene yugurugu dogopim 12 akoma horaik dugwit, avakwa Iserali menda ininis unggul 12 ako enowak dilinipu dogogup.

Matius 25:21

“Yugugu lagagimu, asin akoen, ‘Nabut wa. Hat nayeloman des erogo sek adigat ogasiga menda yi, mondok segat ogagen. Ambukumat vagago dugwit des erogo ogagen atma, yi menda ndi menda wisane vagago dogonyok yiluk, hinggimu bayogon. An hasin nadenggen haliga andi niperen ndatak higya dogonyok yiluk, oma.’

Matius 25:23

“Yugugu lagagimu, asin akoen, ‘Nabut wa. Hat nayeloman des erogo sek adigat ogasiga menda yi, mondok segat ogagen. Ambukumat vagago dugwit des erogo ogagen atma, yi menda ndi menda wisane vagago dogonyok yiluk, hinggimu bayogon. An hasin nadenggen haliga andi niperen ndatak higya dogonyok yiluk, oma.’

Lukas 12:33

Henangge vaga onggo hunggu dogomundik, ap ininggidek halok, yoparip wogeranes. It ap enonggop en wa nunggugwi, hudu-hudup libilit nunggwigya, ogasigadekma mbogot vaga andoma henangge eyave sek, dek arup dek ako menda yidik dogopwak yiluk, yum awi libik yagaligadek ako menda yikhidugu dogones.

Lukas 17:30

“It ugun ogarit lagusim, degerogo bogogi ako ndatak, An Ap-At Endaklagagis ako avakwa anderogo ugun ogarit lagusim, andi vaga sigam ari warugwis.”

Yohanes 12:26

Ap ambi saen An nake ogarup imbita halok, mondok namusek-at wagya dogopwak. An hivis dogopim akoma nayeloman ogo niperen andoma-at dogosogom. Eke, An nake ogagya halok, Nasin en at siyabayogon, yiluk, mondok avyarat yukheraliga o,” yugeragagi.

Yohanes 5:44

Ap yoma wai! Hikirat wogobetugu hiniselok andi, henendawi sek ombasagwi ovara, Ala adigat agarik andien sek nenombarupwak yiluk, okhedelagwidek atma hit nggarogonggan henendawi novaga vanggabaluk, avyarat nombarup?”

Lakbogogi Wene 8:20

Nggino yugirigya lagagimu, Peterus akoen at yugugu dugwit, “Ala en onggodek un wokneraliga menda hegek, hayoparip vaga onggo hunigiluk, hat yagaliga yi? Hayoparip andi, inim dinggilik hedelok hambinogen.

Oroma 2:10

Ovara, it avakwa sek ogasagwi menda halok ako andi, Ala en abinak enovaga bugu dugwit, enagayuk werek erogo enendawi ugun seyalek dogopwak yiluk, it Yakuri menda okbugu dugwit, avakwa weram Yakuri dek menda inim ovok erogo wane-wane okbisagwi.

Oroma 2:29

“It Yakuri menda aro,” yagalagwi ako andi, Musa wene welagwi vaga dek. Ata, enagamut mbalisagwi ovagak, At Ala Averiniki en enendawi swi okbisaliga andi vaga, eneyave Yakuri menda andi aro. It avakwa enendawi anderogo Ala en okbisaliga andi, it avakwa en wogobisasogombuk. At Ala enat wogobisayogon.

Oroma 2:7

It avakwa ninen sek umbutu dugwit, “Ala en At abinak menda woknirigya, nenagayuk wutu, iniluk mondok dogop menda woknirigya, ogarupwak ai,” yiluk, enendawi sagain vaga hora yiluk, mbup yegetek sek adigat ogarit lendagwi. It avakwa anderogo ogasagwi ako, Ala en iniluk mondok dogop menda wogerayogon.

Oroma 8:19

Anderogo atma, yi menda ndi menda Ala bagagi akoen avakwa yagalagwi hak yugu dugwit, “Ala aburi omera hudi sigam okbisami ai?” yiluk, enape wenggelek dugwit, abyam agarwik.

1 Korindus 3:13

Anderogo valit lendagwi ovara, hivis Keretus wagya vaga it enadik-enadik vanggu dogosogom ako, “Sek vanggup a, weyak vanggup a?” inilup arupwak yiluk, hali abya vaga wal okhagwi andi vaga, mondok sigamat agya hagup.

1 Korindus 4:5

Andi halok, it avakwa enowak dilup hologo bagagi hudi ao horok ari wagetek hegek, hiren avakwa enowak dilogo weyak enovaga lobalogo bugu dogobuk. Ata, Nenowa Inis Ombok wagya dogomindik, nit avakwa nenendawima mbauk ombasagwi hwilago agarik ako sigam erogo bagya, eke, nenagose ombasagwi ako ombokma en vagalogo yuknirigya, ogarisogon. Ogarisogon halok, wagetek hegek avakwa enowak dilogo weyak enovaga lobalogo bugu dogobuk. At wagya hudi vaga Ala en nenadik-nenadik ogasagwi ako wane-wane adenggen nenovaga bininayogon.

Yakobus 1:12

Hit avakwa henavut mbanggu hegek wadokdek agipik halok, ‘An segat agirik’ umbutu dogwes. Hit avakwa henavut mbanggu hegek, wadokdek agipik ako sek ogagu hiniselok, nggenak iris mendago nggudit-nggudit mahkota yikbiselagwi ako hak, Ala en “Hit avakwa henendawi hunik okbanilagwi ako, Anen hiniluk mondok-mondok dogop menda wokherayogon o,” yiluk, avok yagagi akoat wokherayogon.

1 Peterus 1:13

Anderogo atma, nowa-nasin. “Hivis At Yesus Keretus wagya andi vaga Ala endawi hunik en sek okbinina warisogon o,” yiluk, wene andi vaga henape mondok wenggelek dugwit, alep mbabetaluk henova anggat erogo dogones.

1 Peterus 1:5

Henangge vakhenombogo agarik hedalaguluk hit ako andi, At Ala ovaga vanggabaluk, avyarat umbutu hiniselok, atok vaga henagap wendarup imbitigi ako, hivis anderogo yedok okbigigagiluk, yogak At anye vaga nggetok erogo vakhenombogo agarik.

1 Peterus 2:4

At Yesus eve helep iluk agarik menda ovagak andi, adema omanes. Helep ako segat hegek avakwa en “Helep andi weyak,” yiluk, hekbagagwa ovara, At Ala en andi, “Mondok segat hegek mbobagagwa,” yiluk, enogo bagagi.

1 Peterus 2:7

Hit avyarat ombasagwi menda akoen, “Helep andi, nit nenake-at okbagagirikmu, mondok idi-at agarik,” yiluk, dibelagwi. Ovara, it avakwa enendawi avyarat ombasagwidek menda akoen, Ala wene ambi yi, it vaga atma asiga: “Hit o valisagwi menda akoen helep vaga vanggu dugwit, helep ambi mbobagagwa ako, mondok-mondok helep owak ndalaga o,” yiluk, dirup warek andiat agarik.

1 Peterus 4:12

Nowa-nasin o. Hit an nendawi hunik atma, wene ambi yukherayogon. Hit henavut mbalup yiluk, anggin-mbanggin mondok iya erogo henovaga bigigelagwi andi, hiren, “Wi,” yiluk, “Yi hunogo ogasagwidek menda nenovaga asiga,” ombarubuk.

1 Peterus 4:13

Ata, hit idup-mbidup okbigigelagwi ako andi, hivis, At Keretus mondok siyalek wagya ako hinil hugu dogomundik, henendawi adenggen mondok iya erogo okhinivupwak yiluk, “Yogak At Keretus okbagu lagagwa akoat okbininelagwi atma, sek aro,” yiluk, henendawi adenggen umbutu dogones.

1 Peterus 5:1

Nowa-nasin o. Hit Ala aburi enanggelekma dugwit vagenombogo agipik hak, an ogo Ala aburi vagenombogo agirik en wene ambi yukherayogon. At Keretus anggin-mbanggin ovaga bagu lagagwa ako, an nil hagagis atma, hivis At eyave siyalek dugwit sigam ari warup amor agyaim, “An ogo siyabanisogon,” imbita dugwit, “Wene eyave yukheraup,” ombasiga ambi des erogo hunggu dogovovok yiluk, yukherayogon o.

2 Peterus 1:1

Nowa-nasin wa. An Simon Peterus Yesus Keretus ayeloman ayonggo lakbigik menda mondok okbaninggigi akoen, wene ambi yukherayogon. At nenagap wendasiga Yesus Keretus Ala akoen, At ovavut sek adigat ogagagi ako vaga wene avyarat umbutu lagagurik, wagagup nenendawima vakhedogo agurik ako, hit ninim ndatak wagagup atma, an wene yi dirup warogo wokheraliga.

2 Peterus 1:4

At Ala eve sek mondok siyalek agarik akoen, “An anderogo okbigigayogon o,” yiluk, wene mondok iya idi ako menda nggatuk erogo yukneragagi. At nggatuk erogo yukneragagi ako vaga, it wen vaga menda enendawi en ninggya halok amusek lagu dugwit, eneyave weyak okhedegek lendagwi hak, hit anderogo ogagu hinisaoen, hekbaluk hoda wulu wagu dogomundik, At Ala ovavut sek adigat agarik ako hak, hit henovavut anderogo arovovok yiluk, At wene ako nggatuk erogo yukneragagi.

2 Peterus 3:14

Anderogo atma, nowa-nasin nendawi hunik, an wene ambi yukherayogon. At ovok erogo anderogo okbininapwak yiluk abyam agurik atma, avakwa enane ambi henovaga agetek, henendawi sek adigat dugwit Ala hinim henendawi ambiat dambulik werekma hinisa warupwak yiluk, ndugurek-ndagarek henendawi wakit hidugu dogones o.

Yudas 1:24

At Nenasin Ala nenagap wendarisiga menda akoen nit avyarat ombasagwi ako hekbaluk, adik ambi ogarit lagu ninisaoen, nenabyam des erogo agarik. Andien, hivis At, “Hit wene ambi henovaga agetek atma, nadema yenam mendek yimanes o,” yiluk yuknirigya dogomima, nenendawi adenggen embetek At mondok siyalek agarik adema mendek yi laguluk, wokniniviluk binina layogon.

Wahyu 1:7

Dibagu dogones! At Yesus hena anggelekma wagya halok, it avakwa o wen vaga agarwik ininis unggul adik-adik At watugwa ako menda inim ovok erogo enadik-enadik inil hugu dogomundik, yup yarusogom atma, avyarat yukheraliga o. Amin.

Wahyu 2:10

At Sile en hit henavut mbaligiluk, avakwa enendawi nomalhinipu lagagimu, hit nin heda marogo mabiselagwima mabugugwis, eke nogo 10 vaga anggin-mbanggin okbigigasogom ovara, henalon habuk. Anggin-mbanggin anderogo okbugugusigik, hiren ‘Hambilaup sek aro,’ yiluk, An nane mondok vagago dogosogom halok, mondok-mondok hiniluk dogop menda nggudit-nggudit mendarek hak onggo yikbigigayogon o.

Wahyu 3:10

Eke, ‘Hit henendawi wadokdek horaik dugwit ogagu dogones,’ yiluk, yukheragagis ako, hobaluk des erogoat ogasagwi atma, hivis yi avakwa ndi avakwa wen vaga agarwik ovok erogo enavut mbaligen yiluk, anggin-mbanggin enovaga bisa warup ako vaga, hit An naburi andi, henovaga arugwi en yiluk, Anen hinim dogosogon.

Wahyu 3:18

hit sek erogo ambi inim ogagu dogovovok yiluk yukheraliga. Hit henagap mbedan nelagwi atma henanggadi agu hinisaoen, henasum mudu yanggwi hak yikhedaguluk An nadema hunhedavovok yiluk, yukheraliga. Hinil mbuk ako sek akluk yi menda ndi menda hinil havovok yiluk, amburup hinimu betaup An nadema hunhedavovok yiluk, yukheraliga. Eke, eyave sek menda vaga hininggis werek arovovok yiluk, An nayoparip mbusi emas eve hali vaga werago ako menda inim An nadema onggo hunhedavovok yiluk, yukheraliga.