1 Peterus 1:6 - ALA WENE HIVIS DIRUP WATUGWA

⁶ Anderogo atma, nowa-nasin. Anggin-mbanggin adik-adik menda henovaga agarik ako vaga henendawi anggin durik agipik ovara, “Hivis nenangge vipuk erogo bininggigi ako hedalasogom atma, yi andi, un sidogat okbininalagwi atma, sek aro,” yiluk, henendawi adenggen ombok erogo umbutu dogones.

1 Peterus 1:6 Iomraidhean Croise

Matius 11:28

“Hit henendawima anggin okhinipu dugwit, henanyedek asiga yi, Anen henendawi seyabigigagiluk, An nadema omanes.

Matius 26:37

Yugirigya lagagirik, Peterus inim, at Sevedius aburi mberen ako inim, woginiviluk lagya lagagirik, endawi burup iri dugwit, endawi anggin wisane agagi.

Lukas 1:47

Nagap wendarisiga menda Ala akoen, an At ayeloman sovalek neyagek il neyagagirikmu, At vaga nendawi adenggen wisane haliga o. At Ala Mondok Anye Werek akoen iya erogo okbaninggigirikmu, avakwa ovok erogo yogak yi hudien hivis mondok-mondok ‘Endawi adenggen wisane okbagagi o,’ yiluk, yugu dogosogom. At inis Sek Adik Denek agarik o.

Lukas 10:20

Anderogo ovara, it madis henane hulisagwi ako vaga henendawi adenggen ombarubuk. Ata, hininis mbogot vaga eloma dirup warek agarik ako vaga henendawi adenggen umbutu dogones,” yiluk, yugeragagi.

Lukas 2:10

Enalon wisane agya lagagimu, malaikat akoen yugirigya dugwit, “Henalon habuk. It avakwa ovok erogo enendawi adenggen ombok ombarup Sek Wene ambi wolok yukhera wandiga.

Yohanes 16:22

Anderogo wane-wane, hit yogak henendawi anggin wisane agipik ovara, hivis An ninim avuk arusogom vaga andi, henendawi adenggen agya hagup. Henendawi adenggen hagup ako avakwa en degerogo bigigaup mondok dek o.”

Yohanes 16:33

“Wene yi yukheraliga ako andi, hit An ninim hunik dugwit, henendawi ugun seyalek wadokdek adenggen dogovovok yiluk, yukheraliga. It avakwa wen vaga yoma agarwik menda akoen weyak okbugugu dogosogom ovara, it o wen vaga yoma enanye agarwik ako vage sovalogo bigirikmu, henendawi hora yiluk, wadokdek dogones o,” yiluk, yugeragagi.

Lakbogogi Wene 14:22

O akoma yanonggegek lagu dugwit, “At Nenowa Inis Ombok Ala en denogo bagagi ako avema nunggup andi, anggin-mbanggin wisane nenovaga ari wagya hegek nunggusogom,” yiluk, it Yesus ane wogogwa ako, enendawi modo okbugwis, “Wene avyarat embetep ako hekbaup moga o. Ata, henendawi wadokdek vakhedogo-at dogones,” yiluk, mbilape yugurugwi, ogarit lagagwa.

Oroma 12:12

“Ala sek ogarisogon,” henape wenggelek dugwit, adenggen umbutwi, anggin-mbanggin henovaga agya hegek henendawi wadokdek dugwit wugwi, samban ogarup hekbagetek ndugurek-ndagarek ogagwi, ogagu dogones.

Oroma 5:11

Andi ogagagi vaga adigat nenadenggen umbutu dogop dek aro. Ata, ambi nit Nenowa Yesus Keretus ogagagi ako vaga Ala ninim dambulogo bininggigi atma, “Ala wa,” yiluk, nenadenggen umbutu dogosogom.

Oroma 5:2

Nit nenendawi Yesus ovaga vanggabaluk avyarat ombasagwi vaga, At Ala nenabwa en onggodek unat okbininaliga ako Yesus vaga sup hutbininggigirikmu agurik. Anderogo dugwit, Ala siyalek agarik hak, nit anderogo wane-wane siyabininaup nenape wenggelek dugwit, nenendawi adenggen wisane-at agurik.

2 Korindus 4:17

Yogak anggin-mbanggin novaga asiga yi, hivis okbininaup wane-wane mondok dek. Hivis okbininaup ako andi, yogak anggin nenovaga asiga andi vaga, nit siyabininagwi ako mondok-mondok siyalek-at dogosogom. Anderogo atma, yogak okbininelagwi yi, “Un sidok madugat okbininelagwi,” ombasagwi.

2 Korindus 6:10

Nenendawi ut yunggup yagaliga ovara, hegek adenggen adigat umbutwi, nininggidek ovara, it wisane ininggis werek okbugwis, nenangge dek ovara, yi menda ndi menda ovogat nininggimu arit wagya, ogarit nelagwi.

Nggalatia 5:22

Anderogo ovara, yo enggen sek yiliga hak, Ala Averiniki nenendawima dugwit, ogarit lendagwi ako eyave yi: Avakwa enendawi hunik ogonupwis, enendawi adenggen adigat umbutwi, enendawi ugun seyalek adigat welagwi, enendawi horaik welagwi, avakwa sek okbigik nagwis, sek adigat ogagwi, des erogo ogarit lagwi,

Pilipi 2:26

At akoen, “An aup idup oknetas naswemuni vage hunggarwikmu, nggarogo numbutusigik dogogwisen, biginisa laik ai?” yiluk, endawi anggin higya lagirik, at endak henadema lakba wandiga.

Pilipi 3:3

“Nit neneyave anderogo okbinunggugwa,” yiluk, nenendawi andi vaga vanggabaluk, agurikbuk. Ata, Ala Averiniki en nenendawima dugwit, Ala inis siyabagwi, Keretus Yesus ninim hunik dugwit wa yugugwis, ogasagwi ako andi, Ala aburi nenagamut mbalek ovagak nit aro.

Pilipi 4:4

Nenowa inim hunik dugwit, henendawi adenggen adigat umbutu dogones. An ambi inimat yukheraliga: henendawi adenggen umbutu dogones!

1 Tesalonika 1:6

Avakwa en mondok anggin-mbanggin okbugugusigik, Averiniki en henendawi adenggen okhinipu hegek, wene Yesus ninim hunik dugwit, niniluk mondok dogop Sek Wene yukhera wagagup ako, wugu lagagupik, nit Nenowa Inis Ombok Yesus ogasiga inim, nit ogasagwi inim, hit ndatak-at ogagu lagagup.

Yakobus 1:2

Nowa-nasin. Anggin-mbanggin adik-adik menda henovaga agya halok, henendawi mondok adenggen umbutu dogwes.

Yakobus 1:9

Hit naswei Ala aburi hininggidek menda, hininis sovalek agipik ako, hininis Ala ivaga siyalek agarik atma, henendawi sovalek dugwit, adenggen umbutu dogwes.

Yakobus 4:9

Hit weyak ogasagwi ako vaga, henendawi burup yugu dugwit, yup yagu dogwes. Hit enda yagwi, henadenggen yugwi, ogasagwi andi, hekbisiluk, henendawi burup yugu dugwit, de wene yugu dogwes.

1 Peterus 3:17

Hit weyak ogarit lendagwi vaga idup-mbidup henovaga bigiguselok andi, adem hit henovadombok okhedamwi vaga okbigigasogom atma, andi iya dek o. Ata, Ala endawi imbitigi vaga sek ogarit lagu hinigik, idup-mbidup henovaga bigiguselok andiat, iya aro.

1 Peterus 4:7

O hivis ogarup ako vage horok ari wagarikmu, samban ogagu dogovovok yiluk, henendawi alep mbabetaluk, henova hwalogo dogones.

1 Peterus 5:10

At endawi hunik en okbininaliga adem andok Nenasin Ala akoen, Keretus ninim hunik agurik vaga, At winimen siyalek agarik ako ninim wane-wane mondok-mondok winimen siyalek-at dogoguluk, nenayonggo bagagi. Eke, hit sidogat yagan watu hiniselok, Nenasin Ala en henovavut ap-at okbigigu, henendawi modo okhinipu, henanye erogo bigigu, henendawi wadokdek dogovovok yiluk okbigigu, ogagya dogosogon.