1 Peterus 1:3 - ALA WENE HIVIS DIRUP WATUGWA

^3-4 At Nenowa Inis Ombok Yesus Keretus Asin Ala inis siyabagu dogosogom o! At Ala aigwak aberen sek okbininggu dugwit, At Yesus Keretus hambuluk lendagwima en iluk erogo mondok okbagagi ako vaga, nit nenendawi swi endakninipigi. Nenendawi swi endakninipigirikmu, nenape wenggelek dugwit, “Nenake enogo mavorangge ovagak vidis agya, isip bagya, dek agya, ogasigadek mondok mbogot vaga vaknenombogo agarik ako hedalasogom atma,” mondok nenape wenggelek-at agurik.

1 Peterus 1:3 Iomraidhean Croise

Yohanes 1:13

It avakwa Ala aburi okbigigi ako, avakwa enaburi endaginivisagwi hak endaginipitek. Eke, avakwa wen vaga menda en, “An nabut endarisogon,” umbutu dugwit, endaginivisagwi hak endaginipitek. Ata, Ala enat endaginipigi.

Oroma 12:12

“Ala sek ogarisogon,” henape wenggelek dugwit, adenggen umbutwi, anggin-mbanggin henovaga agya hegek henendawi wadokdek dugwit wugwi, samban ogarup hekbagetek ndugurek-ndagarek ogagwi, ogagu dogones.

Oroma 15:13

“Hivis sek arisogon,” yiluk, nenendawi adenggen ombarupwak yiluk okninivisiga Ala akoen, henendawi At ovaga vanggabaluk, avyarat umbutugup vaga henadenggen wisane dogovovok yiluk, okbugugu, eke, henendawi ugun adenggen seyalek dogovovok yiluk, okbugugu, ogagya dogopwak. Andien, Ala Averiniki anye vaga henendawi hoda okhinipu dugwit, “Nenape wenggelek agurik ako heda lasogom-at,” ombok erogo ombarovovok yiluk, okbugugu dogosogon.

Oroma 4:25

At Yesus ako andi, nit yi weyak ndi weyak ogagu niniselok, Ala en warupwak yiluk wogirigya, eke, “Hit ap yi, weyak dek segat hinigis o,” yiluk, wokninivigiluk, iluk erogo mondok okbagya, ogagagi.

Oroma 5:10

Nit Ala ninim ogorek ninigik, At Abut nenake hombagagi vaga Ala en ninim dambulogo bininggigi atma, yogak ninim hunik agurik ako, Keretus eyave iluk agagi vaga nenagap wendarisogonbuk atma yiluk, yagalagwi? Mondok dek. Ninim hunik agurik atma, nenagap wendarisogon-at umbutu dogosogom.

Oroma 8:11

Eke, hambisagwima en Yesus iluk erogo mondok okbagagi At Ala Averiniki ako henendawima agarik halok, At Keretus iluk erogo mondok okbagagi akoen Averiniki wokheragagi henendawima agarik ako vaga hit hambisagwi menda-at ovara, hiniluk erogo mondok okbigigayogon.

Oroma 8:24

Anderogo okninivisogon o, yiluk, nenape wenggenggusim, Ala en nenagap wendakninipigirikmu agurik. Nenape wenggelek ambi, “Nil haik dek, ai,” nenape wenggelek agurik ako hugu dogomindik, andien, nenape wenggelek agurik ako degat arisogon. Ap ambi, “Andi wayogon o,” yiluk, ape wenggelek welagarik, wigya halok, “Ovok wigi atma,” yiluk, ape wenggelek agarik ombasagwi? Dek.

1 Korindus 13:13

Andi halok, wene adem henggam-at agarik. Ambi andi, nenendawi Ala ovaga vanggabaluk avyarat ombasagwi. Ambi andi, Ala yagagi ako avyarat arugwi atma yiluk, nenape wenggelek agurik. Eke ambi andi, avakwa enendawi hunik oginivisagwi, wene adem henggam andi agarik. Wene adem henggam andi agarik ovara, avakwa enendawi hunik oginivisagwi andi, mondok iya-at agarik.

1 Korindus 15:20

Anderogo ovara, At Keretus hambuluk lendagwima en iluk erogo mondok okbagetek andi dek o. Avyarat mondok okbagagi atma, endak ap manggum wane-wane, it hambuluk lendagwima en At endak iluk erogo mondok okbagagi ako andi, Arat.

2 Korindus 1:3

Nenowa Yesus Keretus Asin Ala en nenabwa imbita, nenendawi aik wakbininggu, ogasiga andok Aratma, mondok inis adup ogagu dogosogom.

Nggalatia 6:16

It wene nenendawi swi okbininaliga andi vaga avyarat umbutu dugwit, ogarit lendagwi menda ako, Ala en, “An naburi Iserali menda aro,” yiluk, aigwak aberen enendawi ugun seyalek adenggen dogopwak yiluk, okbugu dogosogon.

Evesus 1:17

At Nenowa Inis Ombok Yesus Keretus Asin Ala mondok winimen siyalek agarik akoen, hit henendawi werek okbugugu, Ala ogasiga ako yedok havovok yiluk, hinilup okbugugu, ogasiga Averiniki ako, ambi inim wokherapwak yiluk, henake samban ogasiga.

Evesus 1:3

Nenowa Inis Ombok Yesus Keretus Asin Ala ako, inis mondok adup ogagu dogosogom o. Nit Keretus ninim hunik agurik atma, At Ala en mbogot vaga menda okbininaup ombasiga ako menda ovok erogo okbininggigirikmu agurik.

Evesus 1:7

At Ala nenabwa imbita dugwit, At endawi werek atma, mondok dibininggu lagagirik, eyave wisane hegek-hegek okbinilin wulu wandiga ako wane-wane, At Abut amuya vaga nenonggo mbabaluk, heda visilogo bininggu lagagirik, nenomaduk mondok degerogo bininggigi.

Evesus 2:4

Anderogo welagagup ovara, hivis At nenabwa eve ombok erogo imbita dugwit, mondok aigwak aberen endawi hunik okbininggigi.

Evesus 3:20

Nit okbininapwak yiluk nggino yugisagwi ako adigat okbininaligadek, ata At anye okbininggu dugwit, nenendawi embetetek menda inim wisane erogo okbininaliga Ala ako,

Kolose 1:23

Keretus andi ogagagi ako vaga, Ala hinim dambulogo bigigirikmu, Sek Wene Keretus avok hit hunggu lagagupik, avyarat umbutu dugwit, “Ala en anderogo okbininayogon higi,” yiluk, henape wenggelek agipik ako, hekbabuk. Ata, o owak ngguvulik hak Keretus vaga henendawi vanggabaluk, wene avyarat umbutugup ako, henendawi wadokdek dugwit, musek lagu dogones. Eke, Sek Wene yi awi ndi awi ovok erogo wigalit landiga ako andi, an Paulus ninimat yugirigya dogogiluk, Ala ayeloman ogarogo baninggigi.

Kolose 1:27

Wene adik hunogo mondok iya menda hwilago welagagi ako, At Ala en, “Hivis avakwa weram Yakuri dek menda inilup okbisayogon,” imbitigi ako, yogak yiat it At aburi inilup okbigas. Wene hwilago welagagi eyave ako andi, Keretus henendawima agarik akoat. Eke Keretus henendawima agarik halok, hivis At hinim winimen siyalek dogoguluk, okbigigaup henape wenggelek agipik ako, andi aro.

1 Tesalonika 1:3

Hit Yesus ovaga vanggabaluk avyarat umbutu dugwit ogarit lagwi, avakwa henendawi hunik en sek okbigik lagwi, eke, Nenowa Inis Ombok Yesus Keretus Ala en denogo lakba wagagi ako vaga vonggabaluk wenggelek werekma, anggin henovaga agya hegek henendawi wadokdek dugwit wugwi, ogasagwi ako andi, o ndugurek-ndagarek nenape wenggelek dugwit, Nenasin Ala yugisagwi.

1 Tesalonika 4:13

Ai, nowa-nasin. It avakwa hambugu lagarwik nggarogo asagwi wene ako, hinunggut dogop andi, nenanggon. Avakwa nin hambuluk iniluk okbisaup wene ako enendawi Yesus vaga vanggabagetek dugwit, enaswe ambi hambigya halok enendawi wakhedelagwi hak, hit henendawi anderogo wakhidugu dogoguven yiluk mbilinogo yukherasogom.

2 Tesalonika 2:16

Nenasin Ala ako nenabwa en endawi hunik okbininggu dugwit, nenendawi mondok-mondok aik wakbininggu, nenape wenggelek mbogot vaga menda ako woknirigya, ogasiga ako andi, At Nenowa Yesus Keretus inim iperenen hit sek ogarit lagwi, henane sek adigat yugeregek lagwi, ogagu dogovovok yiluk, henendawi aik wakbugugwis, henanye okbugugwis, ogagu dogopwak.

1 Timotius 1:14

Nowa Inis Ombok Keretus Yesus nabwa en okbanenggek adigat ogagya dugwit, Yesus ako Ala abut an avyarat ombarupwak yiluk okbaninggya, eke, avakwa nendawi hunik oginipu dogogiluk okbaninggya, ogagagi.

Titus 2:13

Yukneraligama, yogak ogagu dugwit, Nenasin Ala Inis Ombok nenagap wendarisiga menda Yesus Keretus, mondok abinak werek dugwit sigam ari warup ako vaga nenendawi vonggabaluk wenggelek werekma, nenadenggen vaga abyam agurik.

Iberani 3:6

Keretus andi, Asin Ala awi valek andok Abut atma, des erogo anderogoat ogasiga. Eke, nit andi, nenape wenggelek nenendawi adenggen ombasagwi ako, hekbagetek nenanye erogo mondok wadokdek vagago-at agurik halok, Ala awi valek andi, nit neneyave-at umbutu dogosogom.

Yakobus 1:18

At Ala en yi menda ndi menda ogagagi ako sovalek hegek, nit At angge enek dogopwak yiluk mikninipu lagagirik, wene avyarat yagagi vaga okbininggigi.

1 Peterus 1:13

Anderogo atma, nowa-nasin. “Hivis At Yesus Keretus wagya andi vaga Ala endawi hunik en sek okbinina warisogon o,” yiluk, wene andi vaga henape mondok wenggelek dugwit, alep mbabetaluk henova anggat erogo dogones.

1 Peterus 1:21

At Keretus ogagagi vaga nit Ala ovaga vanggabaluk avyarat ombasagwi. At Ala andi, At Keretus hambuluk lendagwima en iluk erogo mondok okbagya lagagirik, siyabagagi atma, nit nenendawi At Ala ovaga vanggabaluk, avyarat umbutwi, eke “Hivis At yagagi ako atma arisogon,” yiluk nenape wenggenggwis, ogasagwi.

1 Peterus 1:23

Andi, Ala en henendawi swi endakhinipigi andi, avakwa hambisagwi menda en endaginivisagwi andi hak endakhinipitek. Ata, At Ala itok mondok iluk agarik ako, At ane dek asigadek mondok itok agarik menda vaga, endakhinipigi o.

1 Peterus 2:2

Nenasin Inis Ombok en sek okbininaliga ako, hit okbigigas vage hegep halok, avyak swi endago menda isa agadyak uvup en hunik-hunik naliga ako hak, At Ala en henagap wendakhinipigi atma, henendawi modo okhinipu dogopwak yiluk, eve wene andi adigat, “Ai,” yiluk, wugu dogones.

1 Peterus 3:15

Hiren, “Keretus andi, nit Nenowa Inis Ombogat dogopwak o,” yiluk, henendawima adik enogo baluk, wogobagu dogones. Eke, hit henape wenggelek agipik ako, it avakwa en, “Yukneranes o,” yiluk, hemekhinipuselok, henendawi enggen vaga henane sagain erogo onggo yugeraup yiluk, henendawi vipuk okbaluk dogones.

1 Peterus 3:21

Eke, it is en wogiviluk inggigi vaga enagap wendarinipigi ako wakhegek, hit yogak ima wombabigigelagwi vaga henagap wendarisiga andi, un henagamut vaga mbinggi hokhinivupwak yiluk, ogasagwidek. Ata, henendawi vaga en henendawi ugun seyalek sek dogoguluk Ala avema betugu hinigik, ima wombabugusim, At Yesus Keretus iluk erogo mondok okbagagi vaga henagap wendarisiga.

1 Peterus 3:5

O endak it akwa Ala aburi enendawi At ovaga vanggabaluk welagagwa ako andi, avakwa en, “Hwa yi eve mondok sek aro,” yupwak yiluk, eneyave vaga adigat sek okhidugu lagetek. Ata, it ogo anderogoat enaguni enavema dugwit, enane des erogo hunggu lagagwa atma,

1 Yohanes 2:29

At Keretus andi, At sek adigat atma nggedok ogasiga hinilup atma, it avakwa sek ogasagwi ako, “It yi At Ala en endaginipigi o,” yiluk, hinilup arusogom.

1 Yohanes 3:3

Nit okbininaup ako nenape wenggelek agurik halok, At Keretus endawi sek adigat agarik ako ovagak, nit wane-wane nenomaduk horogo nenendawi sek adigat okhidugu dogosogom.

1 Yohanes 3:9

Ap ambi Ala en endagya halok, endawi swi vaga At Ala andogon at waliga atma, at weyak ogagya dogosogonbuk. At Ala enat endagagirikmu, at o ndugurek-ndagarek weyak ogagya dogosogonbuk.

1 Yohanes 4:7

Naswei nendawi hunik yi, wai. Avakwa nenendawi hunik oginipu dogoguluk, Ala enat okbininiliga atma, nendawi-hendawi hunik ogagu dogones. Ap ambi saen nendawi-hendawi hunik ogaguselok, Ala enat endaginipigi atma, At aburi dugwit, At Ala andi avyarat inilup-at agarwik.

1 Yohanes 5:1

Niren, “At Keretus Ala en denogo bagagi ako, At Yesus-at,” yiluk, avyarat umbutu niniselok, Ala enat endakninipigirikmu, nit At aburi-at agurik. Eke, Nenasin Ala nenendawi hunik ogagu dugwit halok andi, aburi endago ako inim nenendawi hunik oginivisagwi.

1 Yohanes 5:18

Ap ambi Ala en endagagi halok, At weyak ogarit landigadek andi, ninilup aro. Ala Abut Yesus en ap andi, des erogoat vagago agarik atma, at Sile mondok weyak ogasiga akoen ap andi, mondok weyak okbayogonbuk.

1 Yohanes 5:4

Andi, nit Ala endakninipigi akoen it avakwa wen vaga menda Ala enanggon ombasagwi ako sovalogo biselagwi. It avakwa wen vaga menda Ala enanggon ombasagwi sovalogo biselagwi andi, nit Yesus ovaga vanggabaluk avyarat ombasagwi andi vaga sovalogo bisiluk, nit siyalek-at agurik.