1 Peterus 1:2 - ALA WENE HIVIS DIRUP WATUGWA

² At Nenasin Ala en hivis ogagu dogop ovok amor erogo baliga atma, o muk imbitigi ako wane-wane, Ala Averiniki en okbigigu hegek hit At aburi sek adigat ake enek dogovovok yiluk, mikhinipigi. Andi halok, hiren At Yesus Keretus yagagi wene ako wokbaluk wane-wane ogasagwi, eke At amuya vaga hokhinivisiga. At Ala henabwa en okhinipu, henendawi ugun seyalek adenggen dogovovok yiluk okbigigu, ogasiga ako, ambi inim eve iya erogo okbigigu dogopwak o.

1 Peterus 1:2 Iomraidhean Croise

Matius 24:22

Anggin-mbanggin enovaga bisaup ari wagya halok andi, anggin-mbanggin ako Ala en hudi balipuk en ap enagap mondok wendaklaklipuk ovara, avakwa enogo bogogi ako enake hudi bagwi.”

Matius 24:24

It ninen huluk wene yukhirugu dugwit, ‘An Keretus aro,’ eke, ‘An navi Ala wene yukheraliga menda aro,’ yiluk, yagan wagu dogomundik, avakwa Ala aburi enogo bogogi ako enendawi nomalinivuguluk, enalon werek menda inim, nggarogo ogarubuk menda inim, ogarugup ovara, dek.

Matius 24:31

Eke, ane ombok ogasagwi menda trompet ako ane ogagya hegek, Anen it nayelomani malaikat ako lakbisa wagya neyalok, wagu dogomundik, An naburi enogo miginipigis ako o adem venak-venak en, o mbogot atok-atokma en, ovok erogo wonggalogo bisa warugup o,” yiluk, yugeragagi.

Markus 13:20

O andi vaga Ala en anggin-mbanggin ako hudi balipuk en ap enagap mondok wendaklaklipuk ovara, avakwa mikbisiluk enogo bogogi ako enake hudi bagwi.”

Markus 13:22

It ninen huluk wene yukhirugu dugwit, ‘An Keretus aro,’ eke, ‘An navi Ala wene yukheraliga menda aro,’ yiluk, yagan wagu dogomundik, avakwa Ala aburi enogo bogogi ako enendawi wokhinivuguluk, enalon werek menda inim, nggarogo ogarubuk menda inim, ogarugup ovara, dek.

Markus 13:27

Wagya dogogurik, it malaikat mbogot vaga yonggo nelagwi menda ako o adem venak-venak lakbugu dogogurik, An naburi enogo miginipigis ako o atok-atok andoma en wonggalogo bisaguluk warugup o,” yiluk, yugeragagi.

Lukas 18:7

Anderogo ndatak Ala en At aburi miginipigi ako enane hup-dingga At yuguguselok, enowak dilogo enawene nggatuk erogo mbalisogon dek embetep? Dukluk heveretmbo, ndogovitmbo, adigat wolok lagya dugwit, enawene mbalup embetep?

Lakbogogi Wene 2:23

At Ala en hivis ogarup imbitigi musek Yesus ako vagago hit Iserali menda wokhurugu lagagwama, hambupwak yiluk, it ap weyak ogasagwi menda hinim eyave yo vaga lobalogo bagagup ovara,

Lakbogogi Wene 20:32

“Eke, yogak andi, At Ala henabwa en okbigigaup wene ako vaga, henendawi hoda erogo bigigiluk At aburi At ake denek halok, mavorangge hak enake enogo bogogi ako hinim andok arovovok yiluk, Ala avema bigigigis o.

Oroma 1:5

Nenowa Yesus Keretus ogagagi vaga, Ala nabwa en okbaninggya hegek, an neyavup lakbigik menda woknogogi. It yi avakwa ndi avakwa ovok erogo enendawi avyarat umbutu dugwit, Sek Wene des erogo wokbaluk, ogagu dogopwak yiluk yugeregek lagya, eke Yesus Keretus Inis Ombok arupwak yiluk, yugeregek lagya, ogagya dogopwak yiluk yavup lakbigik menda andi woknogogi.

Oroma 1:7

Hit Oroma menda At Ala en endawi hunik okhinipu, At aburi adik denek dogovovok yiluk, heneyanggup yukhirigya, ogagagi ako, hit ovok erogo, Nenasin Ala Nenowa Inis Ombok Yesus Keretus iperen henabwa en okbugugwis, henendawi ugun seyalek sek dogovovok yiluk, okbugugwis, ogagu dogosogom.

Oroma 11:2

Ala en At aburi endaklagatek inigik miginipigi andi, mondok hekbigitek. Avakwa Iserali menda weyak ogagu lagagwama, anggin enovaga bisapwak yiluk, at navi Elia en Ala yugogogi dirup warek ako hinunggut agipik yi?

Oroma 11:28

It avakwa Iserali akoen “Sek wene waup, nenanggon o,” yiluk, umbutu lagagwama, Ala inim ogorek agarwik vaga hit weram Yakuri dek menda Sek Weneat welagwi. Ovara, Ala en Iserali miginipu lagagirik, it ap Averakam inim, Isak inim, Yakup inim, okbisaup wene avok yugeragagi ako vaga, inim endawi hunik agarik.

Oroma 16:19

Hit Sek Wene wokbaluk, mondok wane-wane ogarit lendagwi ako it avakwa ovok erogo enaruk hunggugwarikmu, hit ogasagwi andi vaga nendawi adenggen wisane okneraliga. Ovara, “It enendawi werek akluk, weyak ogarup wene ako inunggut dugwit, sek ogarup wene halok adigat ogarit lagu dogopwak,” hinimbita dugwit, yukheraliga.

Oroma 16:26

Wene ako o muk mbauk hwilago welagagi ovara, yogak it ap navi-navi Ala en yugirigya hegek dirup watu lagagwa vaga, wene andi ovok sigam agagi. Yi avakwa ndi avakwa ininis unggul adik-adik ovok erogo wene andi enaruk hobaluk enendawi Yesus ovaga vanggabaluk avyarat umbutu dogomundik, des erogo ogarit lagu dogopwak yiluk, At Ala iluk itok agarik akoen “Wene yi, avakwa inilup arupwak o,” yiluk, yagagi.

Oroma 8:13

Henendawi endak menda en weyak ogarup okhinivisiga ako adigat musek lagu hiniselok andi, hambusogom-at ovara, weyak henendawima daga wandiga ako, Ala Averiniki anye vaga warogo bagu dogosogon halok andi, hiniluk mondok-mondok-at dogogup.

Oroma 8:33

Nit mikninipigi Ala akoen, “Hit weyak dek aro,” yiluk, yukneraliga atma, hivis ambi saen, “Hit andi weyak o,” yiluk, yuknerami? Mondok dek.

1 Korindus 1:30

At Ala enat nit Keretus Yesus ninim hunik okbininggigirikmu agurik. Ninim hunik dugwit, At Keretus ogagagi vaga At Ala endawi mondok werek yedok helagwi. Nenendawi sek erogo okbininggu, Ala aburi At ake dogoguluk, denogo bininggu, eke, heda marek welagagup ako, nenonggo mbalogo baluk, heda visilogo bininggu, ogagagi ako andi, Keretus aro.

1 Korindus 6:11

Hit o endak en ap anderogoat welagagup ovara, Nenowa Inis Ombok Yesus Keretus ogagagi vaga Nenasin Ala Averiniki akoen henomaduk horogo bugugu, Ala aburi adik denogo bugugu, eke, “Ap yi, segat,” yiluk, wokhinupu, ogagagi o.

2 Korindus 10:5

At Ala adigat nenembet vaga dugwit, it Sek Wene weyak erogo baluk enane ugun yagan nagwis ako enane degerogo biselagwi. It ninen, “Ala andi nenanggon. Avakwa Ala eve inilup arup andi dek,” wogobategek nelagwi ako sovalogo biselagwi. Eke it avakwa en un enendawi ombakluk ogarup wenggelit lendagwi ako, sovalogo baluk, Keretus ane hobaluk ogarupwak yiluk, At avema bisa wendagwi.

Kolose 3:12

Anderogo atma, At Ala en henabwa imbita dugwit, At aburi sek adik enek dogovovok yiluk, mikhinipigi atma, yum yikhedelagwi hak, henandogon swi menda okhidugu dugwit, avakwa enabwa umbutwi, henendawi sek vaga okbugwis, henendawi sovalek dugwit nagwis, henane sagain vaga yugurugwi, henovavut luvugerek welagwi, ogagu dogones.

2 Tesalonika 2:13

Ai nowa-nasin wa. Hit Ala henabwa ombasiga ako vaga Ala wa yugurup adigat okninivisiga. Ala en, henagap wendarigiluk, hit endak erogo mikhinipigi. Mikhinipigirikmu, Averiniki en hit henendawi weyak horogo bigigu, avyarat wene Yesus avok avyarat umbutwi, ogasagwi ako vaga henagap wendarisiga. Anderogo atma, hit vaga “Ala wa,” hunik-hunik yugisagwi.

2 Timotius 2:10

Anderogo atma, it avakwa Ala miginipigi enendawi Keretus Yesus ovaga vanggabaluk, avyarat umbutuselok, enagap wendakbaluk abinak mondok-mondok dogopwak yiluk, anggin-mbanggin okbanunggusigik, ovok erogo it enake nendawi wadokdek dugwit waliga.

Titus 1:1

Nabut Titus wai. An Paulus Ala ayeloman Yesus Keretus en lakbigik menda baninggigi akoen wene ambi yukhisogon o. It avakwa Ala en miginipigi ako enendawi Yesus avyarat ombakluk des erogo wugwi, eke, avyarat wene ako wokbaluk, enendawi eve vaga ogarit lagwi, ogagu dogopwak yiluk, lakbigik menda baninggigi.

Iberani 10:22

At eyave andoma agarik atma, “Nit weyak ogagyo,” yiluk, nenendawi anggin dugwit nenape wenggelisagwi menda degerogo hotbininggu, nit neneyave is eve mudi-mudis vaga nggomo watbininggu, ogagagi atma, nenendawi yunggup yegetek avyarat umbutu dugwit, nenendawi mondok enggen vaga At adema horok ari nunggusogom.

Iberani 11:28

At malaikat avakwa inirisiga menda akoen, it avakwa o Mesir menda enaburi manggum endago ako enarit lagya dugwit, Iserali menda inim initu haoen, at Musa en Ala ovaga vanggabaluk, avyarat imbita dugwit, isogo Vasika isagu dugwit, sup mbanggut vaga amuya eralogo balin lagagi.

Iberani 12:24

eke, Ala ninim dambubininaupwak yiluk, wene adik swi menda nggatuk erogo yukneragagi nenake ogasiga Yesus ako inim, ovok erogo andoma-at wonggalek agarwik atma, enadema wagagup ovagak agipik. Hit Havel amuya wombagagirikmu ambi okbininaup meyan akoma wagagupuk. Ata, Yesus amuya wulu wagagirikmu sek okbininaliga adoma-at wagagup atma,

Iberani 5:9

Asin ane hobaluk ogagya dugwit, nit okninivisiga menda ako At eve mondok dikduk erogo mamulhidigya lagagirik, nit At ane wokbaluk, ogarit lendagwi ako, ovok erogo niniluk mondok-mondok dogoguluk, nenagap wendakninipu dogop adem Arat agagi.

1 Peterus 1:14

Hit endak Ala hinunggut dugwit, henendawi en ninggya halok ugun-ugun ogarit nagu lagagup ako, hekbaluk, asin iri halok, abut hobaluk wane-wane ogasiga hak, Henasin Ala en iri halok adigat ogarit lagu dogones.

1 Peterus 1:19

Ata wam ndomba eyak eyave mondok sek adigat agarik ako hak Keretus amuya mondok onggo ombok ako vaga henonggo bagagi o.

1 Peterus 1:20

At Keretus ako andi, At Ala en wen-mbogot ao bagetek dugwit, endawi wenggebaluk enogo bagya lagagirik, o atok yogak yi vaga hit henake sigam erogo lakba wagagimu henagap wendakhinipigi.

1 Peterus 1:22

Hit eve Sek Wene wokbaluk, ogarit lagu dugwit, weyak henendawima agarik ako hokhedagagup atma, yogak henaswei Ala aburi menda henendawi hunik oginivisagwi andi, ambi inim ombok erogo henendawi eyave vaga nendawi-hendawi hunik oginipu dogones.

1 Peterus 2:9

hit andi, o hwiserekma welagagup ako hekbaluk, At Ala en At o awiya eve mondok iya-at agarikmu akoma dogovovok yiluk, henayonggo bigigu lagagirik, At mondok sek ogasiga menda sigam erogo yugurugu dogovovok yiluk, enogo bigigi. Aren “Hit An menda aro,” yiluk, enogo bigigu, imam-imam ovagak dugwit, At Nenasin Inis Ombok ake ogagu dogovovok yiluk mendek okbigigu, “Hit An naburi nake sek adik enek dogogup o,” yiluk, enogo bigigu, eke, hit hininis unggul At inis unggul menda salogo bigigu, ogagagi.

2 Peterus 1:2

Nenasin Ala o, Nenowa Inis Ombok Yesus Keretus o, iperen hit des erogo hinilup agipik atma, henabwa en okbugugwis, henendawi ugun seyalek adenggen dogovovok yiluk okhinipwis, evenuk erogo okbigigu dogopwak.

2 Yohanes 1:1

Ai narup wa. Hat Ala en mikhitigi ako inim, hat heyagi inim, an Yohanes en wene ambi yukherayogon. An Ala aburi vakhenombogo agirik yi akoen hit avyarat nendawi hunik okhinivisiga atma, yukheraliga. An nadigat nendawi hunik okhinivisigadek. Ata, it avakwa avyarat wene Yesus avok inilup agarwik ako ovok ninim en nenendawi hunik okhinivisagwi.

2 Yohanes 1:13

Howa Ala mitigi eyagi ako ninim dugwit, hai wakhinivisagwi o. Wa!

Yudas 1:2

At Ala aigwak aberen okbigigu, henendawi ugun seyalek adenggen dogovovok yiluk, okbigigu, endawi hunik okhinipu, ogasiga ako, ambi inim eve iya erogo okbigigu dogopwak.